የምክር ቤቱ አበይት ዜናዎች

ንግድና ኢንዱስትሪ ሚኒስቴር በዘጠኝ ወራት ያከናወናቸውን ዋና ዋና ተግባራት መነሻ በማድረግ በግሉ ዘርፍ ጉዳዮች ዙሪያ ውይይት አካሄደ

የኢፌዲሪ የንግድና ኢንዱስትሪ ሚኒስቴር በ2011 በጀት ዓመት በዘጠኝ ወራት ያከናወናቸውን ዋና ዋና ተግባራት መነሻ በማድረግ በስሩ ያሉ ተጠሪ ተቋማት፣ የሚመለከታቸው የመንግስት መስሪቤቶች እና የንግዱ ማህበረሰብ ተወካዮች በተገኙበት በግሉ ዘርፍ ጉዳዮች ዙሪያ ግንቦት 29 ቀን 2011 ዓ.ም. በካፒታል ሆቴል ውይይት አካሄደ፡፡

የኢፌዲሪ የንግድና ኢንዱስትሪ ሚኒስቴር ሚኒስትር ወ/ሮ ፈትለወርቅ ገ/እግዚአብሄር በመክፈቻ ንግግራቸው እንደገለፁት የውይይቱ ዓላማ ሚኒስቴር መስሪያ ቤቱ በህግ የተሰጠውን ሀላፊነት ምን እንደሆነ ግልፅነት ለመፍጠር እና በ9 ወር ያከናወናቸውን ተግባራት በማቅረብ ከተሳታፊዎች ጋር ለመወያየት፣ እያጋጠሙ ያሉ ችግሮችን በጋራ ለመፍታት እና ግብዓት በመጨመር በቀጣይ የተሸለ ስራ ለመስራት ነው፡፡

ሚኒስቴር መስሪያ ቤቱ በየ3 ወሩ የሚያደርገውን የእቅድ አፈፃፀም ሪፖርት በ9 ወሩ ላይ ለየት ባለ መንገድ ከነጋዴዎች ጋር ተወያይቶ ግብዓት ማግኘት እንደሚያስፈልገው በማመን በዚህ መልኩ የውይይት መድረኩን ማዘጋጀቱ ያስመሰግነዋል ያሉት የኢትዮጵያ ንግድና የዘርፍ ማኅበራት ምክር ቤት ፕሬዚደንት ኢንጂነር መልአኩ እዘዘው ኢትዮጵያ የአፍሪካ አህጉር ነፃ የንግድ ቀጠና ስምምነት ከመፈረሟ እና ወደፊት በአህጉሩ ከሚኖራት የንግድ ግንኙነት ጋር በተያያዘ ሚኒስቴር መስረያ ቤቱና ምክር ቤቱ የጋራ ስትራቴጂ ሊኖራቸው ይገባል ብለዋል፡፡ የአፍሪካ አህጉር ነፃ የንግድ ቀጠና ስምምነት ጥቅም ላይ ካልዋለ ስጋት ስለሚሆን በመሀል አገር ብቻ ሳይሆን ከክልሎችም ጋር በመተባበር የንግዱን ማህበረሰብ በማንቃት፣ በማዘጋጀትና በማደራጀት በአህጉሩ ብቃት ያላቸው ተወዳዳሪ እንዲሆኑ እና ኢንዱስትሪው ምን ያህል ማደግ እንዳለበት ትኩረት በመስጠት በ2012 በጀት አመት እቅድ ውስጥ ሁለቱ መስሪያ ቤቶች በጋራ የሚሰሩባቸው አግባቦች ቢካተቱ መልካም እንደሆነም ፕሬዚደንት ጨምረው ገልፀዋል፡፡

በመድረኩ ላይ የዘጠኝ ወራት ዕቅድ አፈፃፀም ሪፖርት ከቀረበ በኋላ በርካታ ጥያቄዎችና አስተያየቶች በተሳታፊዎች የተነሱ ሲሆን የኮንትሮባንድ እና የህገ-ወጥ ንግድ እንቅስቃሴዎችን ከመከላከል፣ የሀገር ውስጥ ባለሀብቶች በማኑፋክቸሪንጉ ዘርፍ እንዲሳተፉ፣ የሁለትዮሽና አካባቢያዊ የንግድ ግንኙነቶችና ድርድሮች ውጤታማ ከማድረግ እና የወጪ ንግድ አፈፃፀም ከማሻሻል ረገድ እንዲሁም በሌሎች የግሉ ዘርፍ የቢዝነስ እንቅስቃሴዎች ዙሪያ በሚታዩ ችግሮችና መፍትሔዎች ላይ ሰፊ ውይይት ተካሂዷል፡፡

ፕሬዚደንቱ የማሌዢያ ኢምባሲ የሳይንስ አታሼን ተቀብለው አነጋገሩ, ግንቦት 21 ቀን 2011 ዓ.ም.




የኢትዮጵያ ንግድና የዘርፍ ማኅበራት ምክር ቤት ፕሬዚደንት ኢንጂነር መልአኩ እዘዘው በማሌዢያ ኢምባሲ የሳይንስ አታሼ እና በአፍሪካ የማሌዢያ ፓልም ኦይል/የዘንባባ ዘይት ቦርድ ማናጀር የሆኑትን ሚስተር ሂሻም ቢን ሁሴንን ግንቦት 21 ቀን 2011 ዓ.ም. በፅ/ቤታቸው ተቀብለው አነጋገሩ፡፡

ሁለቱ ወገኖች ከማሌዢያ አገር ወደ ኢትዮጵያ ኢምፖርት በሚደረገው የዘንባባ ዘይት አጠቃቀም ጋር በተያያዘ ጉዳይ እና ዘይቱ ለጤና ስለአለው ጠቀሜታ በሳይንሳዊ መንገድ በተረጋገጠ ማስረጃ አማካኝነት ተጠቃሚው ግንዛቤ በሚያገኝበት ረገድ ዙሪያ ተነጋግረዋል፡፡



ሁለቱ ምክር ቤቶች የሰላምና ፀጥታ ጉዳዮችን አስመልክቶ ተወያዩ, ግንቦት 20 ቀን 2011 ዓ.ም.

የኢትዮጵያ የንግድና የዘርፍ ማኅበራት ምክር ቤት የዳይሬክተሮች የቦርድ አባላት እና የአዲስ አበባ የንግድና የዘርፍ ማኅበራት ምክር ቤት የዳይሬክተሮች ቦርድ አባላት የሀገሪቱን ሰላምና ፀጥታ አስመልክተው ግንቦት 20 ቀን 2011 ዓ.ም ተወያዩ፡፡

የአዲስ አበባ የንግድና የዘርፍ ምክር ቤት ተነሳሽነቱን ወስዶ በሰላምና ፀጥታ ጉዳይ ላይ ለመወያየት በመጠየቁ ሊመሰገን ይገበዋል ያሉት የኢትዮጵያ የንግድና የዘርፍ ማህበራት ምክር ቤት ፕሬዚደንት መልአኩ እዘዘው(ኢንጅነር) ለሰላሙ ጉዳይ ጊዜ በመስጠት በጋራ መምከር እና በጋራ መስራት ይገባል ብለዋል፡፡ በሰላም እጦት ምክንያት እየተፈጠሩ ባሉ ችግሮች ታሞ ያለውን የንግድ እንቅስቃሴ ለማዳን ከክልል እስከ ወረዳ ካሉ የንግድ ምክር ቤቶች ጋር ተያይዞ እና ተባብሮ መስራት እንደሚገባም ተናግረዋል፡፡

የአዲስ አበባ የንግድና የዘርፍ ምክር ቤት ፕሬዚደንት ወ/ሮ መሰንበት ሽንቁጥ በበኩላቸው ሰላም ከሌለ ስራ የለም፤ ስራ ከሌለ ደግሞ ሰላም አይኖርም ስለሆነም በሰላም ጉዳይ ላይ ተግቶ መስራት ለአንድ አገር ወሳኝ ነው ብለዋል፡፡

የሁለቱ ምክር ቤቶች የዳይሬክተሮች ቦርድ አባላት በሀገሪቱ ሰላምና ፀጥታ ጉዳዮች ዙሪያ በግልፅነት ሰፊ ውይይት ካደረጉ በኋላ በቀጣይ የንግዱ ማህበረሰብ ሰላሙ ተጠብቆለት ቢዝነሱን ህጋዊ በሆነ መንገድ በአግባቡ ማካሄድ እነዲችል የሰላሙ ስራ እስከ ወረዳ ባሉ ምክር ቤቶች ድረስ መሰራት እንዳለበት እና የንግዱንም ማህበረሰብ አቋም በየደረጃው ላሉ የመንግስት አካላት ማሳወቅ እንደሚገባ የተስማሙ ሲሆን በቀጣይ የድርጊት መርሀግብር ነድፎ ወደ ተግባር ለመግባት ጉዳዩን በቋሚነት የሚከታተል ከሁለቱም ምክር ቤቶች ፅ/ቤቶች የተውጣጣ የቴክኒክ ኮሚቴ እና ከዳይሬክተሮች ቦርዶችም የተውጣጣ ተጨማሪ ኮሚቴ ተሰይመዋል፡፡


የመሬት አቅርቦት ችግሮች እና መፍትሄዎቻቸው ጥናት የማፅደቂያ አውደ ጥናት ተካሄደ, ግንቦት 19 ቀን 2011 ዓ.ም.

የኢትዮጵያ የንግድና ዘርፍ ማህበራት ምክር ቤት ከሲዊድን አለም አቀፍ የልማት አጂንሲ (SIDA) በተገኘ የፋይንናስ ድጋፍ በግሉ ዘርፍ ማበልፀጊያ ማዕከል በኩል “የመሬት አቅርቦት ችግሮች እና መፍትሄዎቻቸው (Policy, Legal and Administrative Barriers on Access to Land for Business in Ethiopia”) በሚል ርዕስ ያስጠናውን ጥናት የማፅደቂያ ወርክሾፕ ከሚመለከታቸው የመንግስት መስሪያ ቤቶች፣ ከአባላት ምክር ቤቶች፣ ከተለያዩ የግል ኩባንያዎች፣ ከዩንቨርስቲዎች፣ ከማህበራት እና ከልማት ድርጅቶች ተወክለው የመጡ ተሳታፊዎች በተገኙበት ግንቦት 19 ቀን 2011 ዓ.ም በግዮን ሆቴል አካሄደ፡፡

በኢትዮጵያ የንግድና የዘርፍ ማህበራት ምክር ቤት ፕሬዚደንት መልአኩ እዘዘው (ኢንጅነር) በመክፈቻ ንግግራቸው የመሬት ፖሊሲና መመሪያዎች ሚዛናዊ መሆን ግዙፍ ኢንዱስትሪዎችን መገንባት የሚችሉ የሀገር ውስጥም ሆነ የዉጪ የኢንቨስትመንት አማራጮችን በመሳብ የሀገሪቱን ኢኮኖሚ በይበልጥ ለማሳደግ በር ይከፍታል ብለዋል፡፡

ግልፅና ፍትሃዊ የመሬት ፖሊሲ የአንድን ሀገር የኢንቨስትመንት እድሎች በማስፋት አስተማማኝ የንግድ ተወዳዳሪነት እንዲኖር ከማስቻሉም በላይ የግሉ ዘርፍ በትላልቅ የኢኮኖሚ ዘርፎች ውስጥ የሚኖረውን ተሳትፎ የሚያሳድግ በመሆኑ የተወዳዳሪነት ምህዳሩን ከማስፋቱም ባለፈ የሀገርን ኢኮኖሚያዊ እድገት ዘላቂነት የሚወስን ጉዳይ ነው፡፡ ያሉት ፕሬዚደንቱ፤ የመሬት አቅርቦትን ፍትሃዊነትና ግልፅነት ይበልጥ ለማስፋትና በተገቢውና ለሚፈለገው አገልግሎት እንዲውል ለማስቻል የሀገሪቱ የመሬት ፖሊሲ፣መመሪያዎችና የመሬት አስተዳደር ስርዓት ሊኖር እንደሚገባም ፕሬዚደንቱ ጨምረው ገልፀዋል፡፡

አማራጭ የሊዝ መሬት ማስተላለፊያ ዘዴዎች - ለምሳሌ ያልለማ መሬትን ዋጋ በመደራደር ማስተላለፍና አልሚዉ በራሱ ወጪ መሰረተ ልማት እንዲዘረጋ ቢደረግ፣የመሬት ነክ ግጭቶችን ለመፍታት ነጻ የፍርድ ቤት አካል ቢቌቌም፣ብቁ የመሬት ምዝገባና ስረዓት መረጃ አያያዝ ቢደራጅ፣ጠንካራና አዋጪ የመሬት ነክ የግጭት አፈታት አሰራሮች ቢዘረጋ፣ ነዋሪዎች በመሬት ጉዳይና ዉሳኔዎች ላይ የነቃ ተሳትፎ እንዲኖራቸዉ የሚያደርግ ስርዓት ቢዘረጋ፣የመሬት የመጠቀም መብት ዋስትናዉ ቢረጋገጥ፣ ከተሞች በቦታ የሊዝ ኪራይ ምክንያት ያጡትን ገቢ የሚያካክሱበት አማራጭ የገቢ ምንጮች ቢኖራቸው ፣መሬትን በነጻ በመስጠት እንዲለማ ማድረግና ከልማቱ የሚገኘዉን ትሩፋት በአግባቡ መሰብሰብ ቢቻል ፣በአግባቡ የሚሰራ ዲጂታል የመሬት ምዝገባና ዶኩመንቴሽን ስርዓት ቢኖር እና ህገ ወጥ መሬት ይዞታን ወደ ህጋዊነት ማምጣት የሚያስችሉ አሰራሮች ቢዘረጉ የሚሉት ነጥቦች በወርክ ሾፑ ላይ ለውይይት ከቀረቡት የመፍትሄ ሀሳቦች መካከል ውስጥ ይገኙበታል፡፡

በአጠቃላይ ጥናቱ የተካሄደበት ሁኔታ፣ የጥናቱ ተግዳሮቶች፣ ጥናቱ የተካሄዱበት ስልቶች፣ አገር አቀፍ ተሞክሮዎች፣ የጥናቱ ዋና ዋና ግኙቶች እና ከተዳሰሱት ሀገራዊ ተሞክሮዎች በመነሳት መደረግ ያለባቸው የመፍትሄ ሀሳቦች የቀረቡበት ሲሆን በወርክሾፑ ላይ በተሳታፊዎች ሰፊ ውይይት ከተካሄደበት በኋላ በሰነዱ ላይ ጠቃሚ ግብዓቶች እንዲካተቱበት በማድረግ የንግዱ ማህበረሰብ አቋም እንዲሆን ፀድቋል፡፡

በዚሁ እለት በተጨማሪ ከአባል ምክር ቤቶች ለመጡ ተሳታፊዎች በንግድና ኢንዱስትሪ ሚኒስቴር ባለሙያ አማካኝነት የአፍሪካ ነፃ የንግድ ቀጠና ስምምነትን አስመልክቶ ገለፃ ተደርጎላቸዋል፡፡


ምክር ቤቱ የህንድ የንግድ ምክር ቤት አማካሪዎችን ተቀብሎ አነጋገረ, ግንቦት 15 ቀን 2011 ዓ.ም.

የኢትዮጵያ የንግድ እና የዘርፍ ማኅበራት ምክር ቤት ፕሬዚደንት ኢንጂነር መልአኩ እዘዘው የህንድ የንግድና ኢንዱስትሪ ምክር ቤት አማካሪዎችን ግንቦት 15 ቀን 2011 ዓ.ም በፅ/ቤታቸው ተቀብለው ህንድ-ኢትዮጵያ የፈጠራና ቴክኖሎጂ ሽግግር እና ንግድ በተሰኘ ፕሮግራም (India Ethiopia Innovation Technology Transfer & Commercialization Program) ላይ አነጋገሩ፡፡

ፕሮግራሙ ኢትዮጵያ ቅድሚያ በሰጠቻቸው የኢንቨስትመንት ዘርፎች ላይ ያተኮሩ ብቃታቸውና ጥራታቸው የተረተጋገጠላቸውን የህንድ ፈጠራና ቴክኖሎጂዎችን መጠቀም የሚስችላት መሆኑ በውይይቱ ላይ ተገልጿል፡፡ የኢትዮጵያ የንግድ እና የዘርፍ ማኅበራት ምክር ቤትም ፕሮግራሙ ለንግዱ ማህበረሰቡም ሆነ ለሀገር ኢኮኖሚያዊ እድገት እጅግ ጠቃሚ እንደሚሆን ገልጾ ለተፈጻሚነቱ ከፕሮግራሙ የቴክኒክ ኮሚቴ ጋርም ሆነ ከህንድ የንግድና ኢንዱስትሪ ምክር ቤት ጋር ተባብሮ እንደሚሰራ ፍላጎቱን አሳይቷል፡፡

ፕሮግራሙ በህንድ የንግድና ኢንዱስትሪ ምክር ቤት እና በኢፌዴሪ የፈጠራና ቴክኖሎጂ ሚኒስቴር ትብብር ተግባራዊ እንደሚደረግ ለመረዳት ተችሏል፡፡


19 ኛው ዓለም አቀፍ የኤክስፖርት ንግድ ኮንፈረንስ በአትዮጵያ እንደሚካሄድ ተገለፀ, ግንቦት 14 ቀን 2011 ዓ.ም.


የኢትዮጵያ የንግድ እና የዘርፍ ማኅበራት ምክር ቤት ፕሬዚደንት ኢንጂነር መልአኩ እዘዘው ከዓለም አቀፉ የንግድ ማዕከል የሰስረራ ኃላፊዎችን ግንቦት 14 ቀን 2011 ዓ.ም በፅ/ቤታቸው ተቀብለው ስለ19 ኛው ዓለም አቀፍ የኤክስፖርት ንግድ ኮንፈረንስ አስመልክተው አነጋገሩ፡፡

ኮንፈረንሱ እ.ኤ.አ ከኖቬምበር 18-22 ቀን 2019 በአትዮጵያ አዲስ አበባ እንደሚካሄድ፣ በዚያም ወቅት የንግዱ ማህበረሰብ በሚሳተፍባቸው የአቻለአቻ ውይይት፣ ፎረም እና ሌሎች ተመሳሳይ የቢዝነስ ኩነቶች ዝግጅቶችን እንዲሁም ለተሳትፎው ምን ዘርፎች ትኩረት ሊሰጣቸው ይገባል በሚሉት ነጥቦች ዙሪያ የተነጋገሩ ሲሆን ለተግባራዊነቱ እብረው ለመስራት ሁለቱ ወገኖች ተስማምተዋል፡፡

ኮንፈረንሱ በኢፌዴሪ የንግድና ኢንዱስትሪ ሚኒስቴር እና የዓለም አቀፉ የንግድ ማዕከል ከአፍሪካ ህብረት ጋር በመተባበር እንደሚዘጋጅ ታውቋል፡፡


ፕሬዚደንቱ የትሬድ ማርክ ምስራቅ አፍሪካ ልዑካን ቡድንን ተቀብለው አነጋገሩ, ግንቦት 14 ቀን 2011 ዓ.ም.



የኢትዮጵያ የንግድ እና የዘርፍ ማኅበራት ምክር ቤት ፕሬዚደንት ኢንጂነር መልአኩ እዘዘው የትሬድ ማርክ ምስራቅ አፍሪካ (Trademark East Africa) ልዑካን ቡድንን ግንቦት 14 ቀን 2011 ዓ.ም በፅ/ቤታቸው ተቀብለው አነጋገሩ፡፡

ድርጅቱ ፅ/ቤቱን በኢትዮጵያ ከፍቶ ስራ የጀመረ እንደሆነና የገበያ ተደራሽነት በማፋጠን፣ የሊጂስቲክ ወጪን በመቀነስ፣ የግል ኩባንያዎችን ተፎካካሪነት እንዲጨምሩ በማድረግ ኢትዮጵያን ጨምሮ በምስራቅ አፍሪካ ያሉ አገሮች የንግድ እንቅስቃሴያቸውን ከፍ እንዲደርጉ በመርዳት ኢኮኖሚያቸውን ማሳደግ እንዲችሉ አልሞ የሚሰራ ተቋም መሆኑ በውይይታቸው ላይ የተወሳ ሲሆን ምክር ቤቱም ከድርጅቱ ጋር ተባብሮ ለመስራት ፍላጎቱን ገልጿል፡፡



ፕሬዚደንቱ የኮሞሮስ ልዑካን ቡድንን ተቀብለው አነጋገሩ, ግንቦት 13 ቀን 2011 ዓ.ም.



የኢትዮጵያ የንግድ እና የዘርፍ ማኅበራት ምክር ቤት ፕሬዚደንት ኢንጂነር መላኩ እዘዘው የኮሞሮሰ ልዑካንን ግንቦት 13 ቀን 2011 ዓም ተቀብለው አነጋገሩ፡፡

ሁለቱ አካላት ስለየአገሮቻቸው የንግድ ምክር ቤቶች አደረጃጀት እና ትገባራት፣ ኢምፖርትና ኤክስፖርት ምርቶች፣ የንግድና ኢንቨስትመንት እድሎች እንዲሁም ትብብር ስለሚያደርጉበትና ተያያዥነት ያላቸው በርካታ ጉዳዮች ዙሪያ ሰፋ ያለ ውይይት አካሄደዋል፡፡

በቀጣይም በሁለቱ አገሮች የንግድ ምክር ቤቶች አማካኝነት ግንኙነታቸውን በማጠናከር የንግዱን ማህበረሰብ በማቀራረብ የንግድና ኢንቨስትመንት እድሎቻችውን ማስፋፋት እንደሚገባቸው ተስማምተዋል፡፡



የኢትዮ አውሮፓ የቢዝነስ ፎረም በብራሰልስ መካሄድ ጀመረ, ግንቦት 6 ቀን 2011 ዓ.ም.


ይህ የቢዝነስ ፎረም በኢትዮጵያ ያለውን የኢንቨስትመንት አማራጭ ለመጠቀም ፍላጎት ያሳዩ አውሮፓውያን ኢንቨስተሮች በአንድ ለማግኘት የሚያስችል ነው ተብሏል፡፡

በፎረሙ ታዋቂው የመኪና አምራች ቮልስዋገን እና ምግብ፣ መጠጥ፣ የውበት መጠበቂያ እና ሌሎችን ምርቶችን በማምረት የሚታወቀው የዩኒሌቨር ኩባንያ የስራ ሃላፊዎች ተገኝተዋል፡፡

በዚህም በኢትዮጵያ ባለው ከፍተኛ ገቢያ፣ የኢንቨስትነት መዳረሻዎች እና በኢትዮጵያ ያለውን የጥሬ እቃዎችን በተመለከተ ውይይት ተደርጓል፡፡

በብራሰልስ እየተካሄደ በሚገኘው የቢዝነስ ፎረም የኢትዮጵያውያን ኢንቨስተሮች እየተሳተፉ እንደሚገኝ የኢትዮጵያ ኢንቨስትመት ኮሚሽን ኮሚሽነር አቶ አበበ አበባየሁ አስታውቀዋል፡

በዛሬው ዕለት መካሄድ የጀመረው ይህ የቢዝነስ ፎረም እስከ ነገ ድረስ የሚካሄድ መሆኑን ከወጣው መርሃ ግብር ለማወቅ ተችሏል፡፡ ምንጭ፡ https://fanabc.com

3ኛዉ የቻይና የንግድ ሳምንት በይፋ ተከፈተ, ሚያዝያ 24 ቀን 2011 ዓ.ም.


በቻይና ዓለም አቀፍ የንግድ ምክር ቤት፣ የኢፌዲሪ የንግድና ኢንዱስትሪ ሚኒሰቴር እና የውጪ ጉዳይ ሚኒስቴር እንዲሁም በኢትዮጵያ የንግድና የዘርፍ ማህበራት ምክር ቤት እውቅና ተሰጥቶት በፕራና ኤቨንትስ እና በኤም አይ ኤቨንትስ የተዘጋጀው 3ኛዉ የቻይና የንግድ ሳምንት የሁለቱም አገሮች የንግዱ ማህበረሰብ ተወካዮች፣ ከፍተኛ የመንግስት ሀላፊዎች እና ተጋባዥ እንግዶች በተገኙበት በሚሊንየም አዳራሽ ሚያዝያ 24 ቀን 2011 ዓ.ም. በይፋ ተከፈተ፡፡

ከሚያዝያ 24-26 ቀን 2011 ዓ.ም. ለንግድ ጎብኝዎች ክፍት ሆኖ የሚቆየው የቻይና የንግድ ሳምንት በቀላል ኢንዱስትሪዎችና ጨርቃጨርቅ፣ በግንባታ እቃዎችና ማሽኖች፣ በምግብና በመጠጥ ማቀነባበሪያ ቴክኖሎጂ፣ በቤት ዉስጥ መገልገያ እቃዎችና ፈርኒቸሮች፣ በሃይልና በብርሀን አማራጭ ምርቶች፣ በውበትና ጤና፣ በባዮኬሚካል እና በሞተር ተሸከርካሪ ክፍሎች እና መለዋወጫዎች ላይ የተሰማሩ ከ100 በላይ የሚሆኑ የቻይና ኩባንያዎች ምርቶቻቸውንና አገልግሎታቸውን የሚያቀርቡበት መድክ ሲሆን የኢትዮጵያ የንግዱ ማህበረሰብ ከቻይና አምራቾች እና የቴክኖሎጂ አቅራቢዎች ጋር በቀጥታ የሚገናኙበት እንደሆነ ተገልጿል፡፡

የኢትዮ-ሱዳን የንግድና ኢንቨስትመንት ፎረም ተካሄደ, ሚያዝያ 21-22 ቀን 2011 ዓ.ም.


የሚመለከታቸው የኢትዮጵያና የጀርመን (ባቫርያ) ከፍተኛ የመንግስት ባለስልጣናት እና የንግዱ ማህረሰብ ተወካዮች የተሳተፉበት የኢትዮ-ጀርመን የኢኮኖሚ ፎረም ሚያዝያ 7 ቀን 2011 ዓ.ም. በሃያት ሪጀንሲ አዲስ አበባ ተካሄደ፡፡

የፎረሙ ዋና ዓላማ በኢትዮጵያ እና በጀርመን መካከል ያለውን የኢኮኖሚ ትብብር ለማጠናከር እና አዳዲስ ትብብሮችን ለመጀመር እንዱሁም አዳዲስ የቢዝነስ ዕድሎችን ለመጠቀም እንደሆነ ተገልጿል፡፡

በፎረሙ ላይ “የኢትዮ-ጀርመን የንግድና ኢንቨስትመንት ግኙነቶች እና ምቹ የቢዘነስ እድሎች በኢትዮጵያ ” በሚሉ ርዕሶች ላይ ሁለት የፓናል ውይይቶች የተካሄዱ ሲሆን በሁለቱ አገሮች መካከል ያሉ ትብብሮችን ለማሳደግ የሚረዱ አምስት የሚሆኑ የመግባቢያ ስምምነቶችም ተፈርመዋል፡፡

የሚመለከታቸው የሁለቱም ሀገራት ከፍተኛ ባለስልጣናት እና በተለያዩ ዘርፎች ላይ የተሰማሩ የአትዮጵያ የግል ኩባንያዎች ከጀርመን አቻዎቻቸው ጋር በድምሩ ሁለት መቶ ሰባ ስምንት ተወካዮች በኢኮኖሚ ፎረሙ ላይ ተሳትፈዋል፡፡

ምክር ቤቱ የጀርመን ልዑካንን ተቀብሎ አነጋገረ, ሚያዝያ 22 ቀን 2011 ዓ.ም.


የኢትዮጵያ ንግድና የዘርፍ ማኅበራት ምክር ቤት ምክትል ዋና ፀሐፊ ኦቶ ውቤ መንግስቱ ጉዳዩ ከሚመለከታቸው የምክር ቤቱ የማነጅመንት አባላት ጋር በመሆን አምስት አባላት ያሉት የጀርመን ልዑካን ቡድንን ሚያዚያ 22 ቀን 2011 ዓ.ም. በምክር ቤቱ የቦርድ አዳራሽ ተቀብለው በጀርመን አገር ስለሚሰጠው የማናጀር ስልጠና ፕሮገራም ላይ አነጋገሩ፡፡

የኢትዮጵያ ንግድና የዘርፍ ማኅበራት ምክር ቤት ምክትል ዋና ፀሐፊ ኦቶ ውቤ መንግስቱ ጉዳዩ ከሚመለከታቸው የምክር ቤቱ የማነጅመንት አባላት ጋር በመሆን አምስት አባላት ያሉት የጀርመን ልዑካን ቡድንን ሚያዚያ 22 ቀን 2011 ዓ.ም. በምክር ቤቱ የቦርድ አዳራሽ ተቀብለው በጀርመን አገር ስለሚሰጠው የማናጀር ስልጠና ፕሮገራም ላይ አነጋገሩ፡፡


 

የሃዘን መግለጫ, ሚያዝያ 22 ቀን 2011 ዓ.ም.






የኢትዮጵያ የንግድ እና የዘርፍ ማኅበራት ምክር ቤት የዴሬክተሮች ቦርድ፣ የማኔጅመንት አባላት እና መላው ሰራተኞች በቀድሞ የ ኤፌዴሪ ፕሬዚደንት ዶ/ር ነጋሶ ጊዳዳ ህልፈት የተሰማቸውን ሃዘን እየገለጹ ለወዳጅ ዘመዶቻቸው እና ለመላው የኢትዮጵያ ህዝብ መጽናናትን ይመኛሉ፡፡





 

የኢትዮ-ጀርመን (ባቫርያ) የኢኮኖሚ ፎረም ተካሄደ, ሚያዝያ 7 ቀን 2011 ዓ.ም.


የሚመለከታቸው የኢትዮጵያና የጀርመን (ባቫርያ) ከፍተኛ የመንግስት ባለስልጣናት እና የንግዱ ማህረሰብ ተወካዮች የተሳተፉበት የኢትዮ-ጀርመን የኢኮኖሚ ፎረም ሚያዝያ 7 ቀን 2011 ዓ.ም. በሃያት ሪጀንሲ አዲስ አበባ ተካሄደ፡፡

የፎረሙ ዋና ዓላማ በኢትዮጵያ እና በጀርመን መካከል ያለውን የኢኮኖሚ ትብብር ለማጠናከር እና አዳዲስ ትብብሮችን ለመጀመር እንዱሁም አዳዲስ የቢዝነስ ዕድሎችን ለመጠቀም እንደሆነ ተገልጿል፡፡

በፎረሙ ላይ “የኢትዮ-ጀርመን የንግድና ኢንቨስትመንት ግኙነቶች እና ምቹ የቢዘነስ እድሎች በኢትዮጵያ ” በሚሉ ርዕሶች ላይ ሁለት የፓናል ውይይቶች የተካሄዱ ሲሆን በሁለቱ አገሮች መካከል ያሉ ትብብሮችን ለማሳደግ የሚረዱ አምስት የሚሆኑ የመግባቢያ ስምምነቶችም ተፈርመዋል፡፡

የሚመለከታቸው የሁለቱም ሀገራት ከፍተኛ ባለስልጣናት እና በተለያዩ ዘርፎች ላይ የተሰማሩ የአትዮጵያ የግል ኩባንያዎች ከጀርመን አቻዎቻቸው ጋር በድምሩ ሁለት መቶ ሰባ ስምንት ተወካዮች በኢኮኖሚ ፎረሙ ላይ ተሳትፈዋል፡፡

1ኛው ዓለም አቀፍ የኢንቨስትመንትና ቱሪዝም የንግድ ትርዒትና ባዛር ተከፈተ


በአማራ ክልል ርዕሰ መዲና በሆነችው ባህርዳር ከተማ የአማራ ክልል ንግድና ዘርፍ ማህበራት ምክር ቤት ከኢትዮጵያ ንግድና ዘርፍ ማህበራ ምክር ቤት ጋር በመተባበር ያዘጋጁት 1ኛው ዓለም አቀፍ የኢንቨስትመንትና ቱሪዝም ንግድ፣ ትርዒት/ ባዛር ሚያዝያ 4 ቀን 2011 ዓ.ም በክቡር አቶ አገኘሁ ተሻገር የአማራ ክልል ንግድና ገበያ ልማት ቢሮ ኃላፊ አማካኝነት ተከፍቶ ኩነቱ በደመቀ ሁኔታ እየተካሄደ ይገኛል፡፡


በዚህ 1ኛው ዓለም አቀፍ የኢንቨስትመንትና ቱሪዝም ንግድ፣ ትርዒት/ ባዛር ላይ ከሱዳን፣ ከግብፅና ከህንድ የመጡ የውጭ አገር ኩባንያዎች የተለያዩ የሶላር፣የኬሚካል፣ የአልባሳት እንዲሁም ልዩ ልዩ ቴክኖሎጅዎችን አቅርበው ግብይቱ እየተካሄደ ሲሆን ከአገራችንና ከክልላችን የተለያዩ አካባቢዎች ተሳታፊ የሆኑ ኩባንያዎች፣ አምራቾችና ገዢዎችም ምርቶቻቸውንና አገልግሎቶቻቸውን እያስተዋወቁና እየሸጡ ይገኛሉ፡፡

ኩነቱን የአማራ ልማት ማህበርና የኢትዮጵያ ንግድ ባንክ በፕላቲንየም ደረጃ ስፖንሰር ያደረጉ አድርገውታል፡፡ ስለሆነም በዚህ በደመቀ ሁኔታ እየተካሄደ ባለው 1ኛው ዓለም አቀፍ የኢንቨስትመንትና ቱሪዝም ንግድ፣ ትርዒት/ ባዛር ላይ እርስዎም ተሳታፊ በመሆን ምርትዎንና አገልግሎትዎች ያስተዋውቁ፣ ይሽጡ፣ ይሸምቱ!!!

የአማራ ክልል ንግድና ዘርፍ ማህበራት ምክር ቤት እና የኢትዮጵያ ንግድና ዘርፍ ማህበራት ምክር ቤት፡፡
 

የኢትዮጵያ-ሚያሚ የቢዝነስ ፎረም ተካሄደ, መጋቢት 24 ቀን 2011 ዓ.ም.


የኢትዮጵያ ንግድና የዘርፍ ማኅበራት ምክር ቤት ከሚያሚ የኢኮኖሚ ልማትና ቱሪዝም ኤጀንሲ ጋር በመተባበር የኢትዮጵያ- ሚያሚ የቢዝነስ ፎረም መጋቢት 24 ቀን 2011 ዓ.ም. በሂልተን ሆቴል አዘጋጀ፡፡

የሚያሚ የግሉ ዘርፍ ተወካዮች ከኢትዮጵያ አቻዎቻቸው ጋር የቢዝነስ ለቢዝነስ ውይይት ያደረጉ ሲሆን በሚያሚ ብራንድ ማስተዋወቂያ ፕሮግራም ላይ ስለ ሚያሚ ምጣኔያዊ ሀብት ተፅዕኖ አምጪነት፣ ስለአላት አለምአቀፍ አውሮፕላን ማረፊያ፣ ለአፍሪካና ለኢትዮጵያ አየር መንገዶች ስለሚሰጠው አገልግሎት፣ ስለቱሪዝም ሀብቷ፣ እና ስለወደቧ እንዲሁም በዓለማችን ተመራጭ ከተማ ስለሚያደርጓት ልዩ ልዩ እሴቶቿ አስመልክቶ ለፎረሙ ተሳታፊዎች ገለጻዎች ተደርገዋል፡፡

በተጨማሪም የሚያሚ እና የኢትዮጵያ ነጋዴ ሴቶች ተወካዮች ወደፊት ተረዳድተውና ተባብረው በሚሰሩበት ረገድ እንዲሁም የቢዝነስ ትስስራቸውን በሚያጠናክሩበት ነጥቦች ዙሪያ ሰፊ ውይይት አካሂደዋል፡፡

የኢትዮ-የተባበሩት አረብ ኢሜሬቶች የቢዝነስ ፎረም ተካሄደ, መጋቢት 11 ቀን 2011 ዓ.ም.


ኢትዮጵያ ያሰተናገደችው የኢትዮ-የተባበሩት አረብ ኢሜሬትስ የቢዝነስ ፎረም የሁለቱም ሀገራት ከፍተኛ ባለስልጣናትና የንግዱ ማህበረሰብ ተወካዮች በተገኙበት መጋቢት 11/2011 ዓ.ም. በሃያት ሪጀንሲ ሆቴል ተካሄደ፡፡

የፎረሙ ዋና ዓላማ በሁለቱ ሀገራት የንግድ ማህበረሰብ መካከል ያለውን ኢኮኖሚያዊ ግንኙነት የበለጠ ለማጠናከርና አዳዲስ የቢዝነስ አጋርነት ለመፍጠር ነው፡፡

የንግድና ኢንዱስትሪ ሚኒስቴር ሚኒስትር አምባሳደር ምስጋኑ አረጋ በመክፈቻ ንግግራቸው በሁለቱ ቸገሮች መካከል ያለው መልካም የዲፕሎማሲ ግንኙነት የተባበሩት አረብ ኢሜሬቶች ኢንቨስትመንትን ወደ ኢትዮጵያ በመሳብ ረገድ ጉልህ ሚና እንደሚኖረው ተናግረዋል፡፡ ሚንስቴር መስሪያ ቤታቸው አስፈላጊውን ድጋፍ ለማድረግና ንግድና ኢንቨስትመንትን ለማፋጠን ዝግጁ እንደሆነም ሚኒስትሩ ቃል ገብተዋል፡፡

የውጪ ጉዳይ ሚኒስቴር ሚኒስትር ደኤታ ዶ/ር አክሊሉ ሀይለሚካኤል እንደገለጹት የተባበሩት አረብ ኢሜሬቶች ኩባንያዎች በኢትዮጵያ ምቹ የቢዝነስ ከባቢ ተፈጥሮላቸው ኢንቨስት እንዲያደርጉ የኢትዮጵያ መንግስት ጠንክሮ ይሰራል፡፡ የተባበሩት አረብ ኢሜሬቶች የንግድ ማህበረሰብ በኢትዮጵያ ያሉ በርካታ የቢዝነስ እድሎችን ለመጠቀም ጊዜው አሁን እንደሆነ ሚኒስትር ደኤታው ጨምረው ገልጸዋል፡፡

የተባበሩት አረብ ኢሜሬቶች በኢኮኖሚ ሚኒስቴር የዉጪ ንግድ ረዳት ፀሀፊ ሚስተር አብዱላህ አል ሳለህ በበኩላቸው እንዳሉት ኢትዮጵያ ለተባበሩት አረብ ኢሜሬቶች ልማት አጀንዳ ቀዳሚ ዘርፎች የሚሆኑ የኢንቨስትመንት እድሎች ያሏት አገር ናት፡፡ ፎረሙ ለኢትዮጵያ የኤክስፖርት ሂደት መሰናክል የሆኑ ችግሮችን ለመፍታት የተግባቦት እና የትብብር መስመሮችን እንደሚከፍትም ሚስተር አብዱላህ ተናግረዋል፡፡

በቢዝነስ ፎረሙ ላይ “በኢትዮጵያ የቢዝነስ እድሎች፣ የተባበሩት አረብ ኢሜሬትስ ኢኮኖሚ፣ የኢትዮጵያ የውጪ ንግድ እድሎች እንዲሁም የኢትዮ-የተባበሩት አረብ ኢሜሬትቶች የቢዝነስና ኢንቨስትመንት ተግዳሮቶችና እድሎች” በሚሉ ርዕሶች ላይ የፓወር ፖይንት ገለፃዎች የተተደረጉ ሲሆን “የኢትዮ-የተባበሩት አረብ ኢሜሬትቶች የኤክስፖርት እድሎች” በሚል ርዕስም ላይ የፓናል ውይይት ተካሂዷል፡፡

የኢትዮጵያ የንግድና ዘርፍ ማህበራት ምክር ቤት ዋና ፀሀፊ አቶ እንዳልካቸው ስሜ በፓናል ውይይቱ ላይ እንደአብራሩት የተባበሩት አረብ ኢሜሬቶችን ቴከኖሎጂ እና ልምድ በመጠቀም እሴት ተጨምሮባቸው ወደ ውጪ አገር የሚላኩ የኢትዮጵያ ምርቶች አዋጪ ኢንቨስትመንት ናቸው፡፡ ስትራቴጂካው ግንኙነት ያላቸው እና ለሁለቱ አገሮች የግሉ ዘርፎች የጋራ ጥቅም የሚያስገኙ የኢንቨስትመንት ዘርፎች ላይ ትኩረት አድረጎ መስራት የበለጠ ትርፋማ እንደሚያደርግም ጨምረው አብራርተዋል፡፡ በመጨረሻም የተባበሩት አረብ ኢሜሬቶች ኩባንያዎች በሽርክና፣ በክህሎትና በቴክኖሎጂ ሽግግር አጋርነት ከኢትዮጵያ አቻዎቻቸው ጋር አብረው እንዲሰሩም ዋና ፀሀፊው የግብዣ መልዕክታቸውን አስተላልፈዋል፡፡

በግንባታ፣ በምግብ ኢንዱስትሪ፣ በግብርና ቢዝነስ፣ በቴሌኮም፣ በፕላስቲክ፣ በጎማ፣ በፓኬጂንግ እና በቴክኖሎጂ ዘርፎች ላይ የተሰማሩ አርባ ስምንት የተባበሩት አረብ ኢሜሬቶች የግል ኩባንያዎች ከኢትዮጵያ አቻዎቻቸው ጋር የአቻ ለአቻ ውይይቶች አድርገዋል፡፡

የም/ቤቱ ፕሬዚደንት የቱርክ ንግድ ምክር ቤት ልዑካን ቡድንን ተቀብለው አነጋገሩ, መጋቢት 9 ቀን 2011 ዓ.ም.


የኢትዮጵያ ንግድና የዘርፍ ማኅበራት ምክር ቤት ፕሬዚደንት መልአኩ እዘዘው (ኢንጂነር) በኢስታንቡል ንግድ ምክር ቤት ምክትል ፕሬዚደንት ዱርሱን ቶፕኩ የተመራውንና አምስት አባላትን የያዘውን የምክር ቤቱን ልዑካን ቡድን መጋቢት 9 ቀን 2011 ዓ.ም. በጽ/ቤታቸው ተቀብለው አነጋገሩ፡፡

የልዑካን ቡድኑ ጉብኝት ዋነኛ ዓላማ ንግድ ምክር ቤቱ እ.ኤ.አ. በዓመቱ መጨረሻ ላይ በአዲስ አበባ ለማዘጋጀት ባቀደው ኢግዚቢሽን ላይ ለመወያየት ነው፡፡

ኢትዮጵያ እያስመዘገበች ያለው ተከታታይ የኢኮኖሚ ዕድገት ትኩረታቸውን እንደሳበው የገለጹት ምክትል ፕሬዚደንቱ እንደተናገሩት በኢትዮጵያ ዓለም አቀፍ ደረጃውን የጠበቀ ኤግዚቢሽን ማዘጋጀት የቱርክ ምርቶች በአፍሪካ ገበያ ውስጥ የሚኖራቸውን ፍላጎት ከፍ ያደርገዋል፡፡ የኢትዮጵያ ንግድና የዘርፍ ማኅበራት ምክር ቤትም ካለው ዓለም አቀፍ ሥፍራ ኤግዚቢሽኑን በማዘጋጀቱ ረገድ አብረው መሥራታቸው ትልቅ ዋጋ ይኖረዋል ብለዋል፡፡

የአፍሪካ ሀገሮች በአህጉራዊ ነፃ የንግድ ቀጠና እየተሳሰሩ ያሉበት ወቅት በመሆኑ ይህ ለኢስታንቡል ኩባንያዎች መልካም ዕድልን ይፈጥራል ያሉት ኢንጂነር መልአኩ የኢስታንቡል ንግድ ምክር ቤት ከምክር ቤታቸው ጋር ለመሥራት ያለውን ፍላጎት አድንቀው በዝርዝር የኤግዚቢሽኑ ዝግጅት ላይ ከወዲሁ መወያየት እንደሚያስፈልግ አሳስበዋል፡፡

ኤግዚቢሽኑ ተከታታይና ዓለም አቀፍ ደረጃውን የጠበቀ እንደሚሆን የሚጠበቅ ሲሆን በመጀመሪያው ኤግዚቢሽን ላይ ከ100 በላይ የቱርክ ኩባንያዎች ሊሳተፉ እንደሚችሉ ምክትል ፕሬዚደንቱ ዱርሱን አስታውቀዋል፡፡ ከወዲሁም ከኢትዮጵያውያን ባለሀብቶች ጋር እንዲወያዩ የቱርክ የንግድ ልዑካን ቡድን እንደሚልኩም አስታውቀዋል፡፡

በስቶክ ገበያ ስጋቶችና ተስፋዎች ላይ ያተኮረ የቢዝነስ ራት ፕሮግራም ተዘጋጀ መጋቢት 5 ቀን 2011 ዓ.ም.


የኢትዮጵያ የንግድና የዘርፍ ማህበራት ምክር ቤት የንግዱ ማህበረሰብ ተወካዮች፣ ከፍተኛ የመንግስት ስራ ሃላፊዎች እና በዘርፉ የተሰማሩ ባሙያዎች የተሳተፉበት “በኢትዮጵያ የስቶክ ገበያ ተግዳሮቶች እና ተስፋዎች (Stock Market in Ethiopia፡ Challenges and Prospects)” በሚል ርዕሰ መጋቢት 5 ቀን 2011 ዓ.ም. የኢትዮ- ቻምበር ቢዝነስ የእራት ፕሮገራም በሂልተን ሆቴል አዘጋጀ፡፡

የስቶክ ገበያ የአንድን ሀገር የኢንቨስትመንት ዕድሎችን በማስፋት አስተማማኝ የገንዘብ አቅም እንዲኖር ከማስቻሉም በላይ የግሉ ዘርፍ በትላልቅ የኢኮኖሚ ዘርፎች ውስጥ የሚኖረውን ተሳትፎ የሚያሳድግ በመሆኑ የተወዳዳሪነት ምህዳሩን በማስፋትና የዋጋ ንረትን በመቆጣጠር ዜጎች በተመጣጣኝ ዋጋ አገልግሎት እንዲያገኙ የሚያስችል መሆኑ ተወስቷል፡፡

ጠንካራና ተገቢ የሆነ የቁጥጥር ሥርዓት አለመዘርጋት፣ ለግሉ ዘርፍ አንቀሳቃሾች ፍትሃዊ የመጫወቻ ሜዳ ቀድሞ አለመዘጋጀት፣ ተያያዥ የሆኑ የሕግ ማዕቀፍ አለመንደፍና ጠንካራ ተቋማትና ትምህርት ላይ ትኩረት አድርጎ በተገቢው አለመሥራት፣ ዓለም አቀፍ ምርጥ ተሞክሮዎችን ከኢትዮጵያ ሁኔታ ጋር በማጣጣም መተግበር አለመቻል እና የመሳሰሉት በአግባቡ ካልተያዙ እና ቀደም ብሎ ካልተሰራባቸው ዘርፉ ክፍተት ኖሮበት የሚፈለገውን ርቀት እንዳይጓዝ የሚያደርጉ ሥጋቶች መሆናቸውም ተገልጿል፡፡

በኢትዮጵያ የስቶክ ገበያ ፅንሰ-ሀሳብና ጥቅሞቹ እና በኢትዮጵያ የስቶክ ገበያ ተግዳሮቶች እና ተስፋዎች በሚሉ ርዕሶች ላይ በዘርፉ ባለሙያዎች ማብራሪያ የተሰጠ ሲሆን በተሳታፊዎች ሰፊ እና ግልፅ ዉይይት ተደርጎባቸዋል፡፡

ፕሮግራሙ የተሳካ እንዲሆን ድጋፍ ላደረጉ የደርባ ሜድክ ስሚንቶ ኃ/የተ/የግ/ማ፣ አዋሽ ኢንሹራንስ ኩባንያ አ.ማ.፣ ዳሽን ባንክ፣ አቢሲንያ ስቲል፣ አባሀዋ ትሬዲንግ ኃ/የተ/የግ/ማ፣ ዛብሎን ትሬዲንግ፣ ሆራ ትሬዲንግ ድርጅቶች እና ለፅሁፍ አቅራቢዎች የምስጋና የምስክር ወረቀት ተበርክቶላቸዋል፡፡

የሃዘን መግለጫ መጋቢት 2 ቀን 2011 ዓ.ም.





የኢትዮጵያ ንግድ እና የዘርፍ ማኅበራት ምክር ቤት የዴሬክተሮች ቦርድ፤ ማኔጅመንት እና መላው ሰራተኞች መጋቢት 1 ቀን 2011 ዓ.ም. ከአዲስ አበባ ወደ ናይሮቢ ሲበር በነበረ የኢትዮጵያ አየር መንገድ ቦይንግ 737-በረራ ቁጥር 302 አውሮፕላን ላይ በደረሰው አደጋ ሕይወታቸውን ላጡ ተሳፋሪዎች ቤተሰቦችና ወዳጆቻቸው እንዲሁም ለመላዉ የኢትዮጵያ ህዝብ የተሰማቸዉን ጥልቅ ሃዘን ይገልፃሉ፡፡




 

ሁለተኛው የኢትዮ-ግሪክ የቢዝነስ ፎረም ተካሄደ የካቲት 28 ቀን 2011 ዓ.ም.


የኢትዮጵያ የንግድና ዘርፍ ማህበራት ምክር ቤት እና ኤስኢቪ የግሪክ ድርጅቶች ፌደሬሽን /SEV Hellenic Federation of Enterprises/ በጋራ ያዘጋጁት ሁለተኛው የኢትዮ-ግሪክ የቢዝነስ ፎረም ከተለያዩ ዘርፎች የተዉጣጡ የሁለቱ አገሮች ትልልቅ የግል ኩባንያዎች ባለቤቶችና ተወካዮች እንዲሁም ከፍተኛ የመንግስት የስራ ሃላፊዎች በተገኙበት የካቲት 28 ቀን 2011 ዓ.ም. በግሪክ ኢምባሲ ተካሄደ፡፡

የፎረሙ ዋና ዓላማ በሁለቱ ሀገራት የንግድ ማህበረሰብ መካከል ያለውን የቢዝነስ ግንኙነት የበለጠ ለማጠናከርና አዳዲስ የቢዝነስ አጋርነት ለመፍጠር ነው፡፡

ፎረሙ የሁለቱን የንግድ ማህበረሰብ ተወካዮች በአንድ ጣራ ስር በማሰባስብ የቢዝነስ ትሰስር እንዲፈጥሩ፣ የንግድና ኢንቨስትመንት መረጃዎችን እንዲለዋወጡ እና የቢዝነስ አጋርነት እንዲመስርቱ የሚያስችል እንዲሁም በሁለቱ አገሮች የኢኮኖሚና የኢንዱስትሪ ትብብር እንዲፋጠንና እንዲያድግ የሚረዳ እንደሆነ ተገልፃል፡፡

በምክር ቤቱ እና በኤስኢቪ የግሪክ ድርጅቶች ፌደሬሽን መካከል የመግባቢያ ስምምነት የተፈረመ ሲሆን በሁለቱ አገሮች የንግዱ ማህበረሰብ ተወካዮች መካከልም የአቻ ለአቻ ውይይቶች ተካሂደዋል፡፡

ፎረሙ የሁለቱን ሀገራት የኢኮኖሚና የንግድ ግንኙነት የበለጠ እንደሚያጠናክረው ተገለፀ የካቲት 22 ቀን 2011 ዓ.ም.


የኢትዮጵያ የንግድና የዘርፍ የማህበራት ምክር ቤት፣ ከኢፌድሪ የውጭ ጉዳይ ሚኒስቴር፣ ከኬንያ የውጭ ጉዳይ ሚኒስቴር እና ከኬንያ ብሄራዊ የንግድ ምክር ቤት እና ኢንዱስተሪ ጋር በመተባበር የኢፌድሪ ጠቅላይ ሚኒሰቴር ደ/ር አብይ አህመድ እና የኬንያው ፕሬዚደንት ኡሁሩ ኬንያታን ጨምሮ የሁለቱ አገሮች ከፍተኛ የመንግስት ባለስልጣናት እና የግል ኩባንያዎች ተወካዮች የተገኙበት የኢትዮጵያ-ኬንያ የንግድና ኢንቨስትመንት ፎረም የካቲት 22 ቀን 2011 ዓ.ም. በስካይ ላይት ሆቴል አካሄደ፡

የፎረሙ ዋና አላማ የንግዱ ማህበረሰብ በሁለቱ ሀገራት ያሉትን የንግድና ኢንቨስትመንት እድሎች እንዲያውቁና በጋራ እንዲሰሩ ሁኔታዎችን በማመቻቸት የሁለቱን ሀገራት የኢኮኖሚና የንግድ ግንኙነትና ትብብር የበለጠ ለማጠናከር ነዉ፡፡ጠቅላይ ሚኒሰቴር ደ/ር አብይ አህመድ በፎረሙ መክፈቻ ንግግራቸው እንደገለፁት የኢትዮጵያን ፈጣን የኢኮኖሚ እድገት እና የንግድና ኢንቨስትመንት ትብብሯን ከጎረቤት አገሮች ጋር በተለይም ከኬንያ ጋር ለማስቀጠል ባለፉት 10 ወራት መንግስታቸው ጠንክሮ እየሰራ ነው፡፡ በሁለቱ አገሮች መካከል ሰላምና ኢኮኖሚን ለማሳደግ ድንበር ተሸጋሪ ንግድና ኢንቨስትመንት በጣም ጠቃሚ እንደሆነም አስገንዝበዋል፡፡ ኢትዮጵያ ከኬንያ በተለይም በቱሪዝሙ ዘርፍ ልምድና እዉቀት ማግኘት የምትፈልግ መሆኗን በመጥቀስ በአግሮ ኢንዱስትሪ፣ ቴክስታይልና ቆዳ በመሳሰሉት የማኑፋክቸሪንግ ዘርፎች እንዲሁም በኢነርጂና በአቬሽን የኢንቨስትመንት እድሎች ላይ ለሚሰማሩ የኬንያ ባለሀብቶች በሯ ክፍት እንደሆነ ጨምረው ተናግረዋል፡፡

በመሰረተ-ልማት ዝርጋታ ፕሮጀክት ሁለቱን አገሮች ብሎም ምስራቅ አፍሪካን ለማገኛኘት በተስማሙት መሰረት ኬንያ አሁንም አጋርነቷን ጠብቃ እየሰራች መሆኗ ያስታወሱት የኬንያው ፕሬዚደንት በበኩላቸው በምግብ ዋስትና ማስጠበቅ፣ በቤቶች ግንባታ፣ በማኑፋክቸሪንግ እና በጤና ጥበቃ የኢንቨስትመንት እድሎች ላይ በሽርክና የሚሰሩ የኢትዮጵያ ባለሀብቶችን ግብዘዋል፡፡

የሁለቱ ሀገራት መረዎች ያሏቸውን የንግድና ኢንቨስትመንት እድሎች በማስተዋወቅና በጋር በመጠቀም የሁለቱን ሀገራት የኢኮኖሚና የንግድ ግንኙነትና ትብብር የበለጠ ለማጠናከር ጠንክረው እንደሚሰሩም ቃል ገብተዋል፡፡ የኢፌድሪ የውጭ ጉዳይ ሚኒስቴር ሚኒስትር ዶ/ር ወርቅነህ ገበየሁ ፣ የኢትዮጵያና የኬንያ ግንኙነት በጋራ ባህልና ጠንካራ ታሪክ ላይ የተመሰረተ መሆኑን በማስታወስ የሁለቱን አገሮች የቢዝነስ፣ ኢንቨስትመንት፣ ግብርና እና መሰረተ-ልማት ግንኙነተት የበለጠ ለማጠናከር ፋይዳ ያለውን ይህን ፎረም ለማካሄድ በወሰዱት ርምጃ የሁለቱን አገሮች መንግስታት አመስግነዋል፡፡ በፎረሙ ላይ ስለሁለቱም ሀገሮች የንግድና ኢንቨስትመንት እምቅ ሀብቶች እና እድሎች ላይ የፓወር ፖይንት ገለፃ እና የፓናል ዉይይት ተደርጓል፡፡

የኢትዮጵያ ንግድና የዘርፍ ማኅበራት ምክር ቤት ዋና ፀሐፊ አቶ እንዳልካቸው ስሜ በፓናል ዉይይቱ ወቅት የኢትዮጵያና የኬንያ የኢኮኖሚ እድገትን ከግል ዘርፉ እይታ አንፃር አስመልክተው እንደተናገሩት የኬንያ የግሉ ዘርፍ ጠንካራ ከመሆኑ አንፃር በኬንያ ኢኮኖሚ እድገት ላይ የመሪነቱን ሚና በመያዝ ከፍተኛውን ድርሻ እያበረከተ ይገኛል፡፡ በአፍሪካ ቀጠናዎች እና አህጉር ያሉ የገበያ እድሎችን በመጠቀም የተሻለ በመሆኑም ኢትዮጵያ እንደ አፍሪካ አህጉር ነፃ የንግድ ቀጠና(ACFTA) የመሳሰሉ የገበያ እድሎችን ወደፊት በአግባቡ ለመጠቀም እንድትችል ከኬንያ ጋር በአጋርነት በመስራት ልምድና እውቀት ልትወስድ ይገባታል፡፡ የግሉ ዘርፎች ሁለቱም አገሮች ቅድሚያ በሚሰጧቸው የማኑፋክቸሪንግ፣ ኤይሲቲ፣ መሰረተ-ልማት በመሳሰሉት የኢንቨስትመንት ዘርፎች ላይ በሽርክና ቢሰሩ ተጠቃሚ እንደሚሆንም አብራርተዋል፡፡ ዋና ፀሐፊው አክለው እንደገለጹት የኢፌድሪ ጠቅላይ ሚኒሰቴር በሀገሪቱ ላይ እያደረጉት ያለው አዲስ አመራር የግሉን ዘርፍ የበለጠ የሚያነቃቃ እና ኢንቨስትመንትን የሚስብ በመሆኑ የግሉ ዘርፍ አንቀሳቃሾች በአንድ ላይ በመሆን መንግስት ለሚያደረገው የፖሊሲ ተሃድሶ/መሸሻል/ ውጤታማና ጠቃሚ ሊሆን የሚችል ፕሮፖዛል ሰርተው ማቅረብ ይገባል፡፡

በማኑፋክቸሪንግ፣ በግብርና፣ በትራንስፖርትና ሎጂስቲክ፣ በኢነርጂ፣ በፋይናንስ እና በአገልግሎት ሰጪ ዘርፎች ላይ የተሰማሩ ከ300 በላይ የኢትዮጵያ ኩባንያዎች 200 ከሚሆኑ የኬንያ አቻዎቻቸው ጋር የአቻ ለአቻ ስብሰባ አካሂደዋል፡፡

ም/ቤቱ ለክብርት አምባሳደር ሙሉ ሰለሞን የእንኳን ደስ ያሎት የራት ፕሮግራም እና የሽኝት ስነ-ስርዓት አካሄደ፡፡


ክብርት አምባሳደር ሙሉ ሰለሞን በጀርመን የኢትዮጵያ ባለ ሙሉ ስልጣን አምባሳደር ሆነው በመሾምዎት እንኳን ደስ ያሎት ለማለት እወዳለሁ፤ ሲሉ ንግግራቸውን የጀመሩት የምክር ቤቱ ፕሬዚደነት ኢንጂነር መላኩ እዘዘው፤ የዝግጅቱ ዓላማ ክብርት አምባሳደር የምክር ቤታችን ፕሬዚደንት በነበሩበት ወቅት ላሳዩት አመራር እና ላስገኙት ውጤት እውቅናን ለመስጠት የተሰናዳ ብቻ ሳይሆን፤ በመንግስት የተጣለባቸውን ኃላፊነት እና አደራ በላቀ አፈጻጸም እንደሚወጡም እምነታችንን ለመግለጽ ጭምር ነው ሲሉ አክለዋል፡፡

አያይዘውም የምከር ቤታችን ፕሬዚደንት በነበሩበት ዓመታት የግሉዘርፍ ተሳትፎ በሚፈለገው መልኩ እንዲያድግ እና የውጪ ኢንቨስትመንት ለመሳብ እንዲቻል ካሳዩት ከፍተኛ ጥረት ባሻገር ባልዎት ሙያ ፣ ዕውቀትና ክህሎት ብሎም ተሞክሮ የተጣለብዎትን ኃላፊነትም በተሻለ መልኩ እንደሚወጡ እምነታችን ነው ብለዋል፡፡

በሌላም በኩል ሁለቱን አገራት በንግድ እና ኢንቨስትመንት የበለጠ ለማስተሳሰር በሚያደርጉት ጥረት የኢትዮጵያ የንግድና ዘርፍ ማህበራት ምክር ቤትም ከጎናቸው እንደማይለይ አረጋግጠዋል፡፡

በፕሮግራሙ ላይ ጥሪ የተደረገላቸው እንግዶችም ተገኝተዋል፡፡

ፕሬዚደንቱ የአውስትራሊያን አምባሳደር አነጋገሩ የካቲት 19 ቀን 2011 ዓ.ም.


የኢትዮጵያ የንግድና ዘርፍ ማኅበራት ምክር ቤት ፕሬዚደንት መልአኩ እዘዘው (ኢንጂነር) በኢትዮጵያ የአውስትራሊያ አምባሳደር ፒተር ዶይለን የካቲት 19 ቀን 2011 ዓ.ም. በጽ/ቤታቸው ተቀብለው አነጋገሩ፡፡

በግንኙነታቸውም ወቅት አውስትራሊያ እና ኢትዮጵያ በዘመናዊ ቴክኖሎጂ በመታገዝ የቁም ከብቶች አርባታ፣ ድለባ፣ በሰጋ እና በወተት ውጤቶቻቸው እንዲሁም በቆዳ ምርቶቻቸዉ ላይ እሴት በመጨመር አብረው በሚሰሩበት አግባብ እና በሁለቱ አገሮች የንግዱ ማህበረሰብ መካከል ስለሚኖረው የቢዝነስ ግንኙነት ላይ አነጋገሩ፡፡

ኢትዮጵያ በአፍሪካም ሆነ በአለም ደረጃ ከፍተኛ የቁም ከብቶች ቁጥር ያላት አገር ቢሆንም ማግኘት የሚገባትን ጥቅም እያገኘች እንዳልሆነ የጠቆሙት ፕሬዚደንቱ አውስትራሊያ በዘርፉ ያላትን ከፍተኛ የእዉቀትና ልምድ ደረጃ በተለይም የስጋና የወተት ምርታማነትን በማሳደግ እና እሴት በመጨመር የሚመረትበትን አሰራር መማር እንደምትፈልግ ተናግረዋል፡፡

ፕሬዚደንቱ ጨምረው የአውስትራሊያ ባለሀብቶች ከኢትዮጵያ አቻዎቻቸው ጋር ተባብረው በዚህ እና እንደ ቆዳ፣ ቡናና ሰሊጥ ባሉ ሌሎችም የግብርና ነክ ዘርፎች እንዲሁም በኢንደስትሪ ፓርኮች ላይ ቢሰማሩ ትርፋማ ስለሚሆኑ ኢትዮጵያ ያሏትን የንግድና ኢንቨስትመንት እድሎች አስመልክቶ መረጃ ለአውስትራሊያ የንግድ ማህበረሰብ እንዱያስተላልፉ እና ባለሀብቶቹ መጥተው ኢንቨስት እንዱያደርጉ አምባሳድሩን ጠይቀዋል፡፡

አምባሳድር ፒተር በበኩላቸው አውስትራሊያ በቁም ከብቶች እርባታና ድለባ፣ በወትትና በስጋ ምርቶች ምርታማነት ላይ በመሰማራት ለበርካታ ዘመናት እየሰራች ያለች አገር መሆኗን በመጥቀስ የሁለቱ አገሮች የቢዝነስ ማህበረሰብ በጋራ ቢሰሩ ተጠቃሚ ይሆናለ፡፡

በቀጣይ የኢትዮጵያ እና የአውስትራሊያ የንግድ ምክር ቤቶች ተቀራርበው በመስራት የሁለቱን አገሮች የንግድ ማህበረሰብ የቢዝነስ ግንኙነት በሚያጠናክሩበት ረገድ እና ሁለቱ አገሮች ኢኮኖሚያዊ ተጠቃሚ በሚሆኑበት መንገድ ዙሪያም መክረዋል፡፡

የሀዘን መግለጫ - ታህሳስ 8 ቀን 2011 ዓ.ም.


የኢትዮጵያ የንግድና ዘርፍ ማኅበራት ምክር ቤት የሥራ አመራር ቦርድ፣ ማኔጅመንትና ሠራተኞች በቀድሞው የኢፌዴሪ ፕሬዚደንት ክቡር ግርማ ወልደ ጊዮርጊስ ህልፈት የተሰማቸውን ጥልቅ ሀዘን ይገልፃሉ።

ክቡር ግርማ ወልደ ጊዮርጊስ፤ በኢፌዴሪ ፕሬዚደንትነት ካገለገሉበት ከፍተኛ መንግስታዊ ኃላፊነት ባሻገር፤ የምክር ቤታችን የስራ አመራር ቦርድ አባል በመሆን የሚጠበቅባቸውን ኃላፊነት በላቅ ደረጃ የተወጡ ሲሆን፤ በሀገሪቱ በየጊዜው እየተመናመነ የመጣውን የደን ሽፋን መልሶ እንዲያገግም በማድረግ ለአረንጓዴ ልማት አስተዋጽኦ ያበረከቱ የአገር ባለውለታም ናቸው፡፡

በዚሁ አጋጣሚ የኢትዮጵያ የንግድና ዘርፍ ማኅበራት ምክር ቤት ለቤተሰቦቻቸውና ለመላው የኢትዮጵያ ሕዝቦች መጽናናትን ይመኛል።


 

የኢትዮጵያ-ቻይና ዚጅያንግ የንግድና ኢንቨስትመንት ሲምፖዚየም ተካሄደ


የኢትዮጵያ የንግድና የዘርፍ የማህበራት ምክር ቤት ከኢፌዲሪ የውጪ ጉዳይ ሚኒስቴር እና ከቻይና የዚጅያንግ አውራጃ አለም አቀፍ የንግድ ማስፋፋት ካውንስል ኮሚቴ ጋር በመተባበር ህዳር 14/2011 ዓ.ም. በሂልተን አዲስ ሆቴል የኢትዮጵያ-ቻይና ዚጅያንግ የንግድና ኢንቨስትመንት ሲምፖዚየምን አዘጋጀ፡፡

ሲምፖዚየሙ በኢትዮጵያና በቻይና ዚጅያንግ መካከል ያለዉን የንግድና ኢንቨስትመንት ትብብርና ግንኙነት የበለጠ እንደሚያጠናክረው ተገልጿል፡፡ በሲምፖዚየሙ ላይ በአዲስ አበባ ዩኒቨርሲቲ እና በቻይና ዚጅያንግ ሜዲካል ዩኒቨርሲቲ መካከል እንዲሁም በአራት የዚጅያንግ ድርጅቶች እና በአዲስ አበባ ዩኒቨርሲቲ መካከል ተቋማዊ ትብብርን የሚያጠናክሩ የመግባቢያ ሰነድ ስምምነቶች ተፈርመዋል፡፡

በኤሌክትሮኒክስ፤ በመድሀኒት፣ በእርሻ፣ በኢነርጂ፤ በነዳጅ፣ በማዕድን፤ በግንባታ፤ በፍራፍሬና አትክልት፣ በጨርቃጨርቅ፣ በደህንነት አገልግሎት፣ በኮምፒውትር፤ በንግድ ልማት ኢንቨስትመንት፣ በአካባቢ እንክብካቤ፤ በፕላስቲክ ምርቶች፣ በጤና ዩኒቨርሲቲ እና በሌሎችም ዘርፎች ላይ የተሰማሩ ስድሳ ስድስት የቻይና ዚጅያንግ የግል ኩባንያዎች ከአትዮጵያ አቻዎቻቸው ጋር የአቻ ለአቻ ውይይትም አካሂደዋል፡፡

ለኮንፌክሽነሪ ምርቶች የሚሰጠው ከለላ ለአግሮ ፕሮሰሲንግ ሽግግር ድርሻ ይኖረዋል ተባለ


የኢትዮጵያ ንግድና የዘርፍ ማኀበራት ምክር ቤት ዋና ፀሐፊ አቶ እንዳልካቸው ስሜ በአቶ መኮንን ሽፈራው፣ የስኳርና ጣፋጭ አምራቾች ማኅበር ፕሬዚደንት የተመራውን የማኅበሩ ልዑካን ቡድንን ህዳር 4 ቀን 2011 ዓ.ም. በጽ/ቤታቸው ተቀብለው አነጋገሩ፡፡

የልዑካን ቡድኑ ጉብኝት መንግሥት ለኮንፌክሽነሪ (ለጣፋጭ ምግቦች/ምርቶች) ከለላ እንዲሰጥ በምክር ቤቱ በኩል ትኩረት ማድረግ በሚቻልበት ሁኔታ ላይ ለመወያየት ነው፡፡

ኢትዮጵያ የኮሜሳ አባል ሀገራትን ነፃ የንግድ ቀጠና (COMESA Free Trade Area/FTA) እና እ.ኤ.አ. ባለፈው ማርች 2017 ኪጋሊ ሩዋንዳ ላይ የተደረገውን የአፍሪካ ሀገራት ነፃ የንግድ ቀጠና (African Countries Free Trade Area/AfCFTA) መፈረሟን የጠቀሱት አቶ እንዳልካቸው በተለይ ከኪጋሊው ሦስት የስምምነት ነጥቦች መካከል ኢትዮጵያ የሸቀጦች በአፍሪካ ሀገሮች መካከል በነፃ የመንቀሳቀስ (Free Movement of Goods) እና የኪጋሊ ዲክለሬሽን (በሀገራት ደረጃ የስምምነቱን ተቀባይነት ለማረጋገጥ የተዘጋጀውን ሰነድ/Kigali Declaration) መቀበሏንና ተወዳዳሪ አምራች ድርጅቶችን መፍጠር ከተቻለ ስምምነቱ አዎንታዊ ተፅዕኖ እንደሚኖረው ጠቁመዋል፡፡ ይህ ካልሆነ ግን ሀገሪቱ የገቢ ምርቶች መራገፊያ ከመሆኗም ባሻገር የሀገር ውስጥ አምራቾችን ከጨዋታው ውጭ እንደሚያደርጋቸው ስጋታቸውን ገልጸዋል፡፡ የልዑካን ቡድኑ አባላት በበኩላቸው መንግሥት ነፃ የንግድ ቀጠናውን የሚፈቅደውን ስምምነት በሚፈርምበት ወቅት በገቢ ምርቶች የመጥለቅለቅ አደጋ እንዳይደርስባቸው የፖሊሲና ሌሎች የድጋፍ ከለላዎችን የሚያደርግላቸው የሀገር ውስጥ ምርቶች መኖራቸውን ጠቅሰው ከነዚህ ውስጥ የጣፋጭ ምርቶች አምራች ድርጅቶች አለመካተታቸው ትልቅ ሥጋት ስለሆነ ሀገራዊ ምክር ቤቱ ጉዳዩን በማጤን ከመንግሥት ጋር የምክክር መድረክ እንዲፈጥር ጠይቀዋል፡፡

እንደ ቸኮሌት፣ ብስኩቶች፣ ከረሜላዎች፣ መስቲካዎችና ሌሎች ከውጭ የሚገቡ ጣፋጮች በአንደር ኢንቮይስ እና በኮንትሮባንድ በመግባት የሀገር ውስጥ ምርቶችን ከገበያ እንዲወጡ ማድረጋቸውን የጠቀሱት አባላቱ እነዚህ ሁኔታዎች እልባት ባላገኙበት ሁኔታ በነፃ የንግድ ቀጠናው ወለል ብሎ የሚከፈተው የንግድ በራችን የውጭ ሸቀጦች ማራገፊያ እንደሚሆን ስጋታቸውን አልሸሸጉም፡፡ የልዑካን ቡድኑ አባላት መንግሥት ለኮንፌክሽነሪ ዘርፉ ከለላ (ፕሮቴክሽንን) ጨምሮ ሌሎች ቴክኒካል ድጋፎች ያስፈልጉናል ካሉ በኋላ ዘርፉን በተመለከተ አጠቃላይ የሆነ የግንዛቤ ችግርም መኖሩን ጠቅሰው የኮንፌክሽነሪ ምርቶች የምግብ ይዘታቸው የበለፀገና በካርቦሃይድሬትና በኢነርጂ የዳበሩ ስለሆኑ በአግባቡ ከተጠቀምናቸው በተለይ ለህፃናት ኃይልን የሚሰጡ መሆናቸውን አስረድተዋል፡:

ልዑካን ቡድኑ ከስኳር አቅርቦት ጋር ተያይዞ ስለሚፈጠረው ችግርም አንስተዋል፡፡ የስኳር ኮርፖሬሽን የሚያቀርበውን የስኳር ፍጆታ ከ60 – 70 ከመቶ የሚሆነውን የሚጠቀሙት የጣፋጭ አምራቾች ቢሆኑም በቂ አቅርቦት እንደማያገኙና ኮርፖሬሽኑ ትኩረት እንዲያደርግ ጠይቀዋል፡፡ በአሁኑ ሰዓት ቸኮሌትና ሌሎች ምርቶችን በሀገር ውስጥ ማምረት መጀመሩንም ጠቅሰው ይህ እርምጃ ገቢ ምርቶችን መተካት ያስቻለን ነው ካሉ በኋላ ከውጭ የሚመጡ እንደ ግሉኮስና ፍሌቨሮችን ማምረት ቢቻል ደግሞ የወጪ ምርቶችን ማምረት ያስችለናል ብለዋል፡፡ ግሉኮስ ከበቆሎ የሚገኝ ስለሆነ ከገበሬው በቀጥታ በመውሰድ እሴት መጨመር ከማስቻሉም በላይ የአግሮፕሮሰሲንግ ሽግግሩ ላይ ትልቅ ሚና ይጫወታል ብለዋል፡፡

በልዑካን ቡድኑ የተነሱትን አጠቃላይ ችግሮችና ሀሳቦች ያደመጡት የምክር ቤቱ ዋና ፀሐፊ አቶ እንዳልካቸው ለችግሩ ግምት በመስጠት ማህበሩ በሥሩ ላሉት ኩባንያዎች በማስታወቅ በመንግሥት ደረጃ ሊፈቱ የሚችሉ ጉዳዮችን በሚቀጥሉት 15 ቀናት ውስጥ እንዲያቀርቡ እንዲያደርግ አሳስበዋል፡፡ ጉዳዮቹ ታህሣሥ መጨረሻው ላይ ከክቡር ጠቅላይ ሚኒስትሩ ጋር በሚደረገው ከፍተኛ የምክክር መድረክ ላይ እንደሚታዩም ዋና ፀሀፊው ገልጸዋል፡፡ ልዑካን ቡድኑ 6 አባላትን የያዘ ሲሆን የማህበሩ ፕሬዚደንት፣ ምክትል ፕሬዚደንቷ፣ የቀድሞ ፕሬዚደንት፣ ሁለት የቦርድ አባላትና የማህበሩ ዋና ፀሀፊ ተገኝተዋል፡፡

በሴቷ ቢዝነስ ስኬታማነት ላይ መረባረብ የግሉን ዘርፍ በጠንካራ መሰረት ላይ እንደመመስረት ነው ተባለ


የኢትዮጵያ የንግድና የዘርፍ የማህበራት ምክር ቤት ጥቅምት 28/2011 ዓ.ም. በግዮን ሆቴል ለነጋዴ ሴቶች እና ለአነስተኛና መካከለኛ ድርጅቶች የገንዘብ አቅርቦትን አስመልክቶ ባሉ እድሎች ላይ የግንዛቤ መስጨበጫ አውደጥናት አዘጋጀ፡፡

የግንዛቤ ማስጨበጫው አላማ ለነጋዴ ሴቶች እና ለአነስተኛና መካከለኛ ድርጅቶች በመንግስትና በግል ተቋማት ያሉ የገንዘብ አቅርቦት ዕድሎቸ ላይ ግንዛቤ በመፍጠር የእድሉ ተጠቃሚ እንዲሆኑ ማድረግ ነው፡፡ የኢትዮጵያ የንግድ እና የዘርፍ ማኅበራት ምክር ቤት ዋና ፀኃፊ አቶ እንዳልካቸው ስሜ እንደተናገሩት የሴቶች ቢዝነስ ትርፍ መሰብሰቢያ ብቻ ሳሆን 90% የሚሆነውን የቢዝነስ ትርፋቸውን ለሚመሩት ቤተሰብና ለሚኖሩበት ማህበረሰብ ትምህርትና ጤና ላይ መልሰው ኢንቨስት የሚያደርጉት እንደሆነ ጥናቶች ያመላክታሉ፡፡ ዋና ፀኃፊው ጨምረው እንደገለፁት የጤናማ ኢኮኖሚና ውጤታማ ቢዝነስ መሰረት የሆነውን ቤተሰብና ማህበረሰብ ለማስጠበቅና ለማጠናከር ኢንቨስት ለሚደረገው የሴቷ ቢዝነስ ስኬታማነት ላይ መረባረብ የግሉን ዘርፍ በጠንካራ መሰረት ላይ እንደመመስረት ይቆጠራል፡፡

ለነጋዴ ሴቶች እና ለአነስተኛና መካከለኛ ድርጅቶች የተዘጋጁ የገንዘብ አቅርቦት ዕድሎቸን አስመልክቶ በኢትዮጵያ ልማት ባንክ፣ በኢትዮጵያ ንግድ ባንክ፣ በእናት ባንክ፣ በውሜን ኢንተርፕርነርሽፕ ልማት ፕሮገራም እና በፌደራል የስራ ፈጠራና የምግብ ዋስትና ኤጀንሲ ተወካዮች የፓወር ፖይንት ገለፃ ተደርጓል፡፡ የአነስተኛና መካከለኛ ኢንተርፕይራዞች እና ሴት ነጋዴዎች በቢዝንስ እንቅስቃሴያቸው ተገቢውን እድገት ማስመዝገብ እንዲችሉ የገንዘብ ፍላጎታቸውን ከማሟላት ባሻገር በቂና ምቹ የመስሪያ ቦታ፣ የገበያ ተደራሽነት፣ የሚፈለገውን ያህል የትምህርትና የስልጠና እድልም በተሻለ ሁኔታ ማግኘት እንደሚያስፈልጋቸው በውይይቱ ላይ ተወስቷል፡፡

የእለቱ የግንዛቤ ማስጨበጫ አውደጥናት የፋይናንስ አቅርቦት እድሎችን ጨምሮ በርካታ ጠቃሚ መረጃዎች የተገኙበት እና ሃሳቦች የተንሸራሸሩበት እንዲሁም የፖሊሲ ሪፎርም ለሚያስፈልጋቸው የግሉ ዘርፍ ችግሮች ግብአት የተወሰደበት ሲሆን ከአነስተኛና መካከለኛ ድርጅቶች እንዲሁም በሴቶች ከሚመሩ ኢንተርፕራይዞች የተውጣጡ 53 ተወካዮች ተሳትፈውበታል፡፡

ምክር ቤቱ 9ኛ መደበኛ ጠቅላላ ጉባዔውን አካሄደ


የኢትዮጵያ የንግድና የዘርፍ ማኅበራት ምክር ቤት 9ኛ መደበኛ ጠቅላላ ጉባዔውን ጥቅምት 26 ቀን 2011 ዓ.ም በኢንተር ኮንቲኔንታል ሆቴል የስብሰባ አዳራሽ በደማቅ ሥነ-ሥርዓት አካሄደ፡፡

በዚህ የሀገራዊ ምክር ቤቱ ጠቅላላ ጉባዔ ላይ በክብር እንግድነት ተገኝተው የመክፈቻ ንግግር ያደረጉት የኢትዮጵያ ፌዴራላዊ ዲሞክራሲያዊ ሪፐብሊክ ፕሬዚደንት ሳህለወርቅ ዘውዴ ናቸው፡፡

ጠቅላላ ጉባዔው በምክር ቤቱ ፕሬዚዳንት የቀረበለትን የ2010በጀት ዓመት የሥራ አፈፃፀም ሪፖርት አድምጦ ውይይት የተካሄደ ሲሆን በተጨማሪም የምክር ቤቱ የ2010 በጀት ዓመት የሂሣብ መግለጫና የኦዲት ሪፖርት፤ በምርጫ አፈጻጻጸም መመሪያ ማሻሻያ እና በሌሎች አጀንዳዎች ላይ ውይይት ተካሂዷል፡፡

በዚህም በስራ ላይ ያለው መተዳደሪያ ደንብ እና የምርጫ አፈጻጸም መመሪያ በሚሻሻሉባቸው ዝርዝሮች ላይም ተወያይቶ ውሳኔ አሳልፏል፡፡ በጉባዔ ላይ ከመላው ሀገሪቱ የተውጣጡ እና ከሁሉም አባል ምክር ቤቶች እና ማኅበራት የተወከሉ ከ140 በላይ ተሳታፊዎች ተገኝተዋል፡፡

11ኛው የኢትዮ-ቻምበር ዓለም አቀፍ የንግድ ትርዒት በይፋ ተከፈተ


የኢትዮጵያ የንግድና ዘርፍ ማኅበራት ምክር ቤት ያዘጋጀው 11ኛው የኢትዮ-ቻምበር ዓለም አቀፍ የንግድ ትርዒት የንግድ ሚኒስትሯ ክብርት ወ/ሮ ፈትለወርቅ ገብረእግዚአብሄር እና የግሉ ዘርፍ ተወካዮች እንዲሁም ዲፕሎማቶች በተገኙበት ጥቅምት 22 ቀን 2011ዓ.ም. በኤግዚብሽን ማዕከል በልዩ ልዩ ፕሮግራሞች በይፋ ተከፈተ ፡፡

ወ/ሮ ፈትለወርቅ በመክፈቻ ንግግራቸው እንደ ኢትዮጵያ ያሉ በማደግ ላይ ያሉ ሀገሮች ያለቁ ምርቶችንና ቴክኖሎጂዎችን የሚያገኙት ባደጉ ሀገሮች ላይ ጥገኛ በመሆን ሲሆን ያደጉ ሀገሮች ግን ጥሬ ዕቃዎችንና ባመዛኙም የግብርና ጥሬ ምርቶችን ከታዳጊ ሀገሮች ያስገባሉ ብለዋል፡፡ ይሁንና የኢትዮጵያ መንግሥት ለግብርና ጥሬ ዕቃዎች እሴት ለመጨመር ለአምራች ኢንዱስትሪው ትኩረት የሰጠ የኢንዱስትሪ ፖሊሲ በማውጣት እየሠራ መሆኑን በመጥቀስ ለዚህም ይረዳ ዘንድ የግሉ ዘርፍ በአምራች ኢንዱስትሪው ዘርፍ የሚሰማራበትን ዕድልም እያመቻቸ ነው ሲሉ የኢንዱስትሪ ምርቶች በሀገር ውስጥ እንዲመረቱ የሚደረገውን ጥረት ገልጸዋል፡፡

እንደ ሚኒስትሯ ገለጻ ያለ ንግድ እንቅስቃሴ የአምራች ኢንዱስትሪው ብቻውን የሚያመጣው ትርፍ ስለማይኖር ዘላቂና አስተማማኝ የንግድ እንቅስቃሴ ሲኖር የአምራች ኢንዱስትሪው ዘርፍም በዚያው ልክ እያደገ ይሄዳል፡፡ ‹‹በመሆኑም›› ይላሉ ሚኒስትሯ፣ ‹‹በመሆኑም እንደ የንግድ ትርዒት ያሉ ኩነቶች ኢንዱስትሪን ለማሳደግ በእጅጉ አስፈላጊ ናቸው፡፡

የምክር ቤቱ ምክትል ፕሬዚደንት አቶ አሰፋ ገብረስላሴ በእንኳን ደህና መጣችሁ ንግግራቸው እንደተናገሩት ‹‹የኢትዮጵያን ይግዙ›› በሚል መሪ ቃል የሚዘጋጀው ኢትዮ-ቻምበር ዓለም አቀፍ የንግድ ትርዒት ዓላማ የሀገር ውስጥ ምርትና አገልግሎትን በማስተዋወቅ የገበያ ተወዳዳሪነትን ማሳደግና ኢንቨስትመንትን መሳብ ነው፡፡ እንደ ምክትል ፕሬዚደንቱ የንግድ ትርዒቱ ምርቶችን ከማስተዋወቅ ባለፈም የሀገር ውስጥ የገበያ አቅምን የማጠናከር ዓላማም አለው፡፡ የዘንድሮው 11ኛው የንግድ ትርዒት ላይ አዳዲስ የሀገር ውስጥ ምርቶች ይተዋወቃሉ ተብሎ እንደሚጠበቅም አቶ አሰፋ ተናግረዋል፡፡ እስከ ጥቅም 26 ቀን 2011 ዓ.ም. በሚቆየው የንግድ ትርዒት ላይ ከሱዳን፣ ሶማሊ ላንድ፣ ግብፅ፣ ሞሮኮ፣ ኢራን፣ እንግሊዝ፣ ቻይናና የመሳሰሉት ሀገሮች የተውጣጡ 13 የሚጠጉና 200 ያህል የሀገር ውስጥ ኩባንያዎች ከቤት ዕቃዎች እስከ አልባሳት፣ ከምግብ ውጤቶች እስከ መድኃኒትና የመዋቢያ ምርቶቻቸውን አቅርበዋል፡፡

የመጀመሪያው ኢትዮ-ቱኒዝያ የቢዝነስ ፎረም ተካሄደ, መስከረም 29 ቀን 2011 ዓ.ም.


የኢትዮጵያ የንግድና የዘርፍ ማህበራት ምክር ቤት ከውጪ ጉዳይ ሚኒስተር እና ከቱኒዝያ ኢምባሲ ጋር ያዘጋጁት የመጀመሪያው ኢትዮ- ቱኒዝያ የቢዝነስ ፎረም መስከረም 29/2011 ዓ.ም. በሸራተን አዲስ ሆቴል ተካሄደ፡፡

የፎረሙ ዋና ዓላማ በሁለቱ ሀገራት ያለውን ኢኮኖሚያዊ ግንኙነት የበለጠ ለማጠናከርና አዳዲስ የቢዝነስ አጋርነት ለመፍጠር ነው፡፡ በፎረሙ ላይ በኢትዮጵያ ስላሉ የኢንቨስትመንት እድሎች፣ የኢትዮጵያ የምርት ገበያ ስራ እንቅስቃሴዎች፣ የቱኒዝያ ኤክስፖርት ምርቶች፣ የሁለትዮሽ ንግድናትብብር እና ተዛማች ርእሶችን አስመልክቶ የፓወር ፖይንት ገለፃ ተደርጓል፡፡

በፎረሙ ላይ በኢትዮጵያ የንግድና የዘርፍ ማህበራት ምክር ቤት እና በቱኒዝያ የኢንዱስትሪ፣ ንግድና የእጅ ጥበብ ሙያ ስራዎች ማህበር (Tunisian Union of Industry, Trade and Handicrafts) መካከል በቢዝነስ ትብብር ላይ የመግባቢያ ሰነድ ስምምነት የተፈረመ ሲሆን ስምምነቱ የሁለቱን አገሮች የግል ቢዝነስ ተዋናዮች በማቀራረብ አብረው እንዲሰሩ፣ መረጃ፣ እውቀትና ልምድ ለመለዋጥ መድረክ የሚፈጥር፣በሁለቱም ወገኖች ቢዝነስ እንዲስፋፋ እና በሽርክና ለመስራት የሚያበረታታ እንደሆነ ተነግሯል፡፡በምክር ቤቱ በኩል ስምምነቱን የተፈራረሙት ምክትል ፕሬዚደንቱ አቶ አሰፋ ገ/ስላሴ ናቸው፡፡

የአትዮጵያ የግል ኩባንያዎች በእርሻ ምግብ ፣ በአለም አቀፍ ንግድ፣ በኬሚካል ምርቶች፣ በግንባታ ቁሳቁስ፣ በትምህርት መሳሪያ አቅርቦት፣ ቧንቧና ውሃ ማጣራት፣ በጽዳትና ንጽህና፣ በወረቀት ምርት፣ በቴሌኮም እና በሌሎች ዘርፎች ላይ ከተሰማሩ የቱኒዝያ አቻዎቻቸው ጋር የአቻ ለአቻ ውይይት አካሂደዋል፡፡

ምክር ቤቱ ከጀርመን ልዑካን ቡድን ጋር ተወያ, መስከረም 24 ቀን 2011 ዓ.ም.


የኢትዮጵያ ንግድና የዘርፍ ማኅበራት ምክር ቤት ፕሬዚደንት ኢንጂነር መልአኩ እዘዘው እና ዋና ፀሐፊው አቶ እንዳልካቸው ስሜ ስድስት አባላት የያዘ የጀርመን ልዑካን ቡድንን መስከረም 24 ቀን 2010 ዓ.ም. ተቀብለው በኢትዮጵያ እድገትና ባሏት የቢዝነስ ዕድሎች አማራጮች በቢዝነስ ትብብርና አጋርነት ሌሎችም በርካታ ጉዳዮች ላይ ተነጋገሩ፡፡

የልዑካን ቡድኑ የመጣበት ዓላማ የኢትዮጵያ እድገት በምን ደረጃ ላይ እንደሆነ በማየት በሀገሪቷ ስላሉ የንግድ፣ ኢንቨስትመንትና ገበያ እድሎችና አማራጮች ለማወቅ እና ለጀርመን ኩባናያዎች መረጃ በመስጠት ከኢትዮጵያ አቻዎቻቸዉ ጋር ተገኛኝተው እንዲሰሩ ለማድረግ ነው፡፡

ሁለቱ ወገኖች ስለ ተማሪዎች ተግባራዊ ስልጠና ስርዓት፣ የግዴታና ፈቃደኛ የቢዝነስ አባልነት፣የቴክኖሎጂና የእውቀት ሽግግር፣ የውጪ ቀጥተኛ ኢንቨስትመንት፣ በኢትዮጵያ ስላሉ የንግድ ኢንቨስትመንትና ገበያ እድሎችና አማራጮች፣ በሀገሪቱ ስላሉ ምቹ የቢዝነስ ሁኔታዎች አስመልክቶ በሰፊው ተነጋግረዋል፡፡

የሁለቱን አገሮች የግል ኩባንያዎች ተሳትፎ ለማሳደግ የሁለቱ አገሮች ምክር ቤቶች አብረዉ በሚሰሩበት አግባብ እንዲሁም ለሁለቱ አገሮች የጋራ ኢኮኖሚ ጥቅም በትብብር የሚሰሩ በርካታ ጉዳዮችንም አንስተዉ ተወያይተዋል፡፡

የም/ቤቱ ፕሬዚደንትና ዋና ፀሀፊ ከኢስቶኒያ አምባሳደር ጋር ተወያዩ, መስከረም 10 ቀን 2011 ዓ.ም.


የኢትዮጵያ የንግድና ዘርፍ ማህበራት ም/ቤት ፕሬዚደንት መልአኩ እዘዘው (ኢንጂነር) እና ዋና ፀሀፊ አቶ እንዳልካቸው ስሜ የኢስቶኒያን አምባሳደር ሳንደር ሶኔን መስከረም 10 ቀን 2011 ዓ.ም. በዋና ፀሐፊው ፅ/ቤት ተቀብለው በጋራ በሚሰሩበት በርካታ ጉዳዮች ላይ ተወያዩ፡፡

አምባሳደሩ ሀገራቸው በኢትዮጵያ በአጋርነት በሚሰሩ ጉዳዮች ላይና በኢንቨስትመንት እንዲሁም ኩባንያዎችን የመክፈት ፍላጎት እንዳላት ገልጸዋል፡፡

የምክር ቤቱ ፕሬዚደንትና ዋና ፀሐፊም በኢትዮጵያ ስላለው ምቹ ሁኔታና በምክር ቤቱ የሥራ ኃላፊነት ላይ ማብራሪያ ሰጥተዋል፡፡

ኢስቶኒያ ማሺነሪዎችንና የምግብ ምርቶች (በተለይም የወተት ተዋፆኦዎችና የወተት ዱቄት)፣ ከአገልግሎት ዘርፉም የፋይናንሺያል ዘርፉንና የአይ.ሲ.ቲ. ዘርፍ ላይ ምርቶችን ወደ ውጭ እንደምትልክ እንደዚሁም ነዳጅ ዘይትን በዋናነት እንደምታስገባ አምባሳደር ሳንደር አስታውቀዋል፡፡

ኢትዮጵያ በተለያዩ ከተሞች በርካታ የጨርቃ ጨርቅና የቆዳ ውጤቶች ማምረቻ የኢንዱስትሪ መንደሮችንና የግብርና ኢንዱስትሪ መንደሮችን በመገንባት የተለያዩ የውጭ ኢንቨስተሮችን በመጋበዝ በማምረት ላይ መሆናቸውን ያብራሩት የምክር ቤቱ ኃላፊዎች ኢስቶኒያ በሚመቻት ኢንቨስትመንት ዘርፍ ብትሰማራ ተጠቃሚ እንደምትሆን ገልጸዋል፡፡

ቻምበር አካዳሚ ከሳይፕ የሥልጠና ቡድን ጋር የምክክር ዐውደ ርዕይ አካሄደ, መስከረም 10 ቀን 2011 ዓ.ም.


በኢትዮጵያ ንግድና የዘርፍ ማኅበራት ምክር ቤት ሥር የሚገኘው የኢትዮጵያ ቻምበር አካዳሚ መስከረም 10 ቀን 2011 ዓ.ም. ከሴንተር ፎር ኢንተርናሽናል ፕራይቬት ኢንተርፕራይዝ (በምህፃረ ቃሉ ሳይፕ) የሥልጠና ቡድን ጋር በሥልጠና አሰጣጥ ሂደት ላይ በምክር ቤቱ አዳራሽ የምክክር ዐውደ ርዕይ አካሄደ፡፡

የአካዳሚው ፕሮጀክት ሥራ አስኪያጅ አቶ አመሃ ሀደገ እንደተናገሩት፣ የሥልጠና ቡድኑ ከሳይፕ ጋር በመተባበር ለአባል ምክር ቤቶች ባለሙያዎች አካዳሚው ባዘጋጀው የሥልጠና መርሃ ግብር ሥር የሰርቲፊኬት ስልጠና የሚያዘጋጅ ነው፡፡

የምክክሩ ዓላማም በሥልጠና አሠጣጡ ሂደት ላይ ከአሰልጣኞች ጋር በመወያየት መሻሻል በሚገባቸው ነጥቦች ላይ ሀሳባቸውን በመቀበል አንድ ወጥ የሆነ አሠራር ለመዘርጋት እንደሆነ ፕሮጀክት ሥራ አስኪያጁ ተናግረዋል፡፡

አካዳሚው መሰል ሥልጠናዎችን ለሦስት ዙር መስጠቱን የጠቀሱት አቶ አመሃ የሥልጠናውን አስፈላጊነት ሲገልጹ የየምክር ቤቶቹን ባለሙያዎች ብቃትና ክህሎት በማሳደግ የተሻለ አገልግሎት መስጠት የሚያስችላቸውን አቅም ለመፍጠር ነው፡፡ ምክር ቤቱ ቻምበር አካዳሚውን በማቋቋም ሥራውን ከጀመረ አምስት ዓመታትን እንዳስቆጠረም ታውቋል፡፡

ዋና ፀሐፊ የስሪ ላንካ ልዑካን ቡድንን ተቀብለው አነጋገሩ, መስከረም 4 ቀን 2011 ዓ.ም.


የኢትዮጵያ ንግድና የዘርፍ ማኅበራት ምክር ቤት ዋና ፀሐፊ እንዳልካቸው ስሜ አምስት አባላትን የያዘውን የስሪ ላንካ የቢዝነስ ልዑካን ቡድንን መስከረም 4 ቀን 2011 ዓ.ም. በጽ/ቤታቸው ተቀብለው አነጋገሩ፤ ከስሪ ላንካ የውጭ ጉዳይ ሚኒስቴር ሚኒስትር ደኤታ ቫሳንዛ ሴናናያኬ እና በኢትዮጵያ የስሪ ላንካ አምባሳደር ሱሚዝ ዳሳናያኬ ጋርም በሁለቱ ሀገራት የንግዱ ማኅበረሰቦች መካከል ያለውን የኢኮኖሚ ትሥሥር በሚያጠናክሩበት ሁኔታም ተወያይተዋል፡፡

ሀገራቸው በዋነኛነት በኢንቨስትመንት፣ ቴክኖሎጂ እና ማኑፋክቸሪንግ ላይ ትኩረት ማድረጓን የገለጹት ዋና ጸሐፊ እንዳልካቸው በተለይ በጨርቃ ጨርቅና የቆዳ ውጤቶች ላይ የተመረጡ ኩባንያዎችን የመሳብ ፍላጎት እንዳላት አስታውቀዋል፡፡

የስሪ ላንካ የውጭ ጉዳይ ሚኒስትር ደኤታ ሴናናያኬም በበኩላቸው እንደተናገሩት የሀገራቸው ኩባንያዎች ቀደም ሲልም ቢሆን በኢትዮጵያ የጨርቃ ጨርቅ ኢንዱስትሪ እንዳላቸው በመጠቆም የተጀመረውን ግንኙነት ማሳደግ እንደሚፈልጉ ገልጸዋል፡፡

በውይይታቸው ላይ በሁለቱም ሀገሮች ኩባንያዎች መካከል በአጋርነትና በሽርክና መስራት የሚቻልበትን ስትራቴጂያዊ ግንኙነት በሚያጠናክሩበት ሁኔታ ላይም መክረዋል፡፡

በመጨረሻም፣ የሁለቱንም ሀገሮች የንግዱ ማኅበረሰብ እኩል ተጠቃሚነት ማረጋገጥ የሚያስችል የሁለትዮሽ ግንኙነት ለመፍጠር የመግባቢያ ሰነድ የመፈራረም አስፈላጊነት ላይ ተወያይተዋል፡፡

ዋና ፀሀፊው ከፖርቹጋል አምባሳደር ጋር ተወያዩ, መስከረም 4 ቀን 2011 ዓ.ም.


የኢትዮጵያ የንግድና ዘርፍ ማህበራት ም/ቤት ዋና ፀሀፊ አቶ እንዳልካቸው ስሜ የፖርቹጋል አምባሳደርን መስከረም 4 ቀን 2011 ዓ.ም. በፅ/ቤታቸው ተቀብለው በጋራ በሚሰሩበት በርካታ ጉዳዮች ላይ ተወያዩ፡፡

አምባሳደሯ ወደ ምክር ቤቱ የመጡበት ዋናዉ ምክንያት ስለ ኢትዮጵያ የንግድና ኢንቨስትመንት እንዲሁም የገበያ አማራጮችን ለማወቅ እና የፖርቹጋል የግል ኩባንዎች ከኢትዮጵያ አቻዎቻቸው ጋር በሚሰሩበት መንገዶች ለመነጋገር ነው፡፡

የሁለቱ አገሮች የግል ኩባንያዎች የኢንቨስትመንትና ንግድ አማራጮችን በሚያዉቁበትና በሽርክና በሚሰሩበት፣የሁለቱ አገሮች ንግድና ኢንቨስትመንት በሚስፋፋበት፣የቢዝነስ ፎረሞች፣ ኤግዚቢሽን፣ ንግድ ትርኢቶችን የመሳሰሉ የተለያዩ የቢዝነስ ኩነቶችን በማዘጋጀት እና በንግዱ ማህበረሰብ መካከል አቻ ለአቻ ግንኙነቶችን ለመፍጠር የሚያስችል የልዑካን ቡድኖችን በሚለዋወጡበት ረገድ ምክር ቤቱና የፖርቹጋል ኢምባሲ በጋራ በሚሰሩበት በርካታ ጉዳዮች ላይ ተወያይተዋል፡፡

ዋና ፀሀፊው የዩኤንዲፒ ልዑካን ቡድንን አነጋገሩ, መስከረም 2 ቀን 2011 ዓ.ም.


የኢትዮጵያ የንግድና ዘርፍ ማህበራት ም/ቤት ዋና ፀሀፊ አቶ እንዳልካቸው ስሜ ሶስት አባላት ያሉትን የዩኤንዲፒ ልዑካን ቡድን መስከረም 2 ቀን 2011 ዓ.ም. በምክር ቤቱ የቦርድ አዳራሽ ተቀብለው በምክር ቤቱ ስትራቴጅካዊ እቅዶች ዙሪያ አነጋገሩ፡፡

የስብሰባው ዓላማ ዩኤንዲፒ የሚያደርገው የአቅም ፍላጎት መለየት ዳሰሳ ጥናት የግሉን ዘርፍ ችግር ፈቺ መሆኑን ለማወቅ እንዲያስችል በምክር ቤቱ ስትራቴጅካዊ ዕቅዶች ላይ መወያየት ነው፡፡

ሁለቱ ወገኖች የግሉን ዘርፍ ልማት፣ የግሉ ዘርፍ የምክክር መድረክ፣ በብሄራዊ የቢዝለስ አጀንዳዎች፣ በግሉ ዘርፍ መዋቅራዉ አደረጃጀት መሻሻል አስፈላጊነት፣ ከመንግስት ተቋማትና አጋር የልማት ድርጅቶች ጋር ግንኙነት ማጠናከር እና መሰል ጉዳዮችን አስመልክቶ ምክር ቤቱ በቀጣይ አምስት ዓመት በሚኖረዉ የሁለኛው ስትራጂክ እቅዶች ዙሪያ እና ባጋጠሙ ዋና ዋና ችግሮች ዙሪያ በሰፊው ተወያይተዋል፡፡

የኢትዮጵያ ዩኤንዲፒ ፅ/ቤት ለኢትዮጵያ መንግስት ስትራቴጅካዊ ጉዳዮች ጠቃሚና ምላሽ ሰጪ የሚሆን የአቅም ፍላጎት መለየት ዳሰሳ ጥናት ሊያካሂድ እንደሆነ ለመረዳት ተችሏል፡፡

ም/ቤቱ የዴሬክተሮች ቦርድ አባላት እና አመራሮች የቦሌ ለሚ የኢንዱስትሪ ፓርክን ጎብኙ, ነሐሴ 8 ቀን 2010 ዓ.ም.



የኢትዮጵያ ንግድና የዘርፍ ማህበራት ምክር ቤት የዴሬክተሮች ቦርድ አባላት እና አመራሮች ነሐሴ 8 ቀን 2010 ዓም የቦሌ ለሚ የኢንዱስትሪ ፓርክን ጎብኙ፡፡

የኢትዮጵያ የንግድና የዘርፍ ማህበራት ም/ቤት በኢትዮጵያ የኢኮኖሚ እንቅስቃሴ ዉስጥ የመሪነት ሚና የሚጫወት፣ ጠንካራና ዘላቂ አቅም ያለዉ የግል ዘርፍ በመፍጠር ንግድና ኢንቨስትመንትን ለማሳለጥ ነው፡፡ ለዚህም ይረዳ ዘንድ ከመንግሥት፣ ከንግዱ ማህበረሰብ፣ ከልማት አጋሮችና ከሚመለከታቸው ባለድርሻ አካላት ጋር ይሠራል፡፡

ጉብኙትም ምክር ቤቱ ይህንን ዓላማውን በተገቢው መልኩ ለመወጣት እና የኢንዱስትሪ ፓርኮቻችን ያሉበትን ሁኔታ በቅርበት ለማየት ያስቻለ ነው፡፡




የውይይት መድረኮች ተካሄዱ, ነሐሴ 8 - 9 ቀን 2010 ዓ.ም.


የኢትዮጵያ የንግድና ዘርፍ ማኅበራት ምክር ቤት “በኢትዮጵያ የመንግስት ተቋማት አስተዳደር በግሉ ዘርፍ ልማት ላይ ያለው አንድምታ” እና “ፖሊሲና ደንቦችን በኢትዮጵያ ላሉ አነስተኛና መካከለኛ ኢንተርፕራይዞች እና በሴቶች ለሚተዳደሩ ድርጅቶች ካላቸው ጠቀሜታ አንፃር መገምገም ” በሚሉ ሁለት አበይት ርዕሶች ላይ ነሐሴ 8 እና 9 ቀን 2010 ዓ.ም. በተከታታይ በሀርመኒ ሆቴል የውይይት መድረኮችን (Validation Workshops) አካሄደ፡፡

በሁለቱም የውይይት መድረኮቹ ላይ የሚመለከታቸው ከመንግስት እና የመንግስት ያልሆኑ ድርጅቶች፣ እንዲሁም ከንግዱ ህብረተሰብ የሚወከሉ ከፍተኛ የስራ ኃላፊዎች እና በርካታ ባለሙዎች ተሳትፈዋል፡፡

የኢትዮጵያ የንግድና ዘርፍ ማኅበራት ምክር ቤት ፕሬዚደንት ኢንጂነር መላኩ እዘዘው እንደገለጹት የውይይት መድረኮቹ ከመንግሥት ጋር በመሆን የተለያዩ ሀገራዊ ፖሊሲዎች፣ መመሪያዎችና ደንቦች ከግሉ ዘርፍ ፍላጎት፣ መብትና ጥቅም ጋር የማይጋጩ መሆን አለመሆናቸውን በመገምገም፣ ጥናታዊ ዘገባዎችን በማዘጋጀትና የመፍትሄ ሃሳብ በማቅረብ ህጎች በሚቀየሩበት አለያም ሊሻሻሉ በሚችሉበት ሁኔታ ላይም የበኩሉን አስተዋጽኦ ለማበርከት የሚያስችሉ ናቸው ብለዋል፡፡

ዋና ፀሀፊው ከህንድ ልዑካን ቡድን ጋር ተወያዩ, ሐምሌ 30 ቀን 2010 ዓ.ም.

የኢትዮጵያ የንግድና ዘርፍ ማኅበራት ምክር ቤት ዋና ፀሐፊ አቶ እንዳልካቸው ስሜ በህንድ አዲትያ ቢርላ ግሩፕ የተባለ ኩባንያ የዉጪ አገሮች ዘርፍ ዋና ስራ አስፈፃሚ በሆኑት ሚስተር ካፒል አግራዋል የተመራውን ሶስት የህንድ የቢዝነስ ልዑካን ቡድን አባላት በፅ/ቤታቸው ተቀብለው በጨርቃጨርቅ ዘርፍ ላይ ስለሚደረግ ኢንቨስትመንት አነጋገሩ፡፡

የኢትዮጵያ የንግድና ዘርፍ ማኅበራት ምክር ቤት ዋና ፀሐፊ አቶ እንዳልካቸው ስሜ በህንድ አዲትያ ቢርላ ግሩፕ የተባለ ኩባንያ የዉጪ አገሮች ዘርፍ ዋና ስራ አስፈፃሚ በሆኑት ሚስተር ካፒል አግራዋል የተመራውን ሶስት የህንድ የቢዝነስ ልዑካን ቡድን አባላት በፅ/ቤታቸው ተቀብለው በጨርቃጨርቅ ዘርፍ ላይ ስለሚደረግ ኢንቨስትመንት አነጋገሩ፡፡

አቶ እንዳልካቸው ስሜ በበኩላቸው በኢትዮጵያ የጨርቃጨርቅ ዘርፉ ገና ያልተነካ እምቅ ሀብት እንደሆነ፣ ለውጭ ባለሀብቶች ተስማሚ የስራ ሁኔታ እና በርካታ ማበረታቻዎች እንዳሉ ገልፀዋል፡፡

አዲትያ ቢርላ ግሩፕ ዋና ፅ/ቤቱ በሙምባይ የሚገኝና በተለያዩ አገሮች ውስጥ የሚሰራ የህንድ የግል ኩባንያ ሲሆን በጨርቃጨርቅ፣ በብረታብረት፣ በኬሚካል፣ በማዳበሪያ፣ ቴሌኮም፣አይቲ አገልግሎት እና ሌሎች ዘርፎች ላይ የተሰማራ ነው፡

የኢትዮጵያ-ኳታር ቢዝነስ ፎረም የሁለቱን አገሮች የቢዝነስ ግንኙነት የበለጠ ያጠናክረዋል ተባለ, ሐምሌ 23 ቀን 2010 ዓ.ም.

የኢትዮጵያ የንግድና የዘርፍ የማህበራት ምክር ቤት ከኢአጌት ጋር በመተባበር የኢትዮጵያ- ኳታር ቢዝነስ ፎረምን ሀምሌ 23/2010 ዓ.ም. በኢነተርኮንቲኔንታል አዲስ ሆቴል አካሄደ፡፡

የፎረሙ አላማ የኢትዮጵያ እና የኳታርን የግል ኩባንዎች በአንድ መድረክ በማገናኘት ትስስር እንዲፈጥሩና ግንኙነታቸውን እንዲያጠናክሩ በማድረግ በሁለቱ አገሮች ያለዉን የቢዝነሰ ግንኙነት የበለጠ ለማሳደግ ነዉ፡፡

የኢትዮጵያ-ኳታር ቢዝነስ ፎረም እና ተያያዥ ኩነቶች የሁለቱን አገሮች የሁለትዮሽ እና የቢዝነስ ግንኙነቶች የበለጠ እንደሚያጠናክሩት ተገለፀ፡፡

በኢትዮጵያ ያሉ እምቅ የቢዝነስ እድሎች እና የገበያ አማራጮችን አስመልክቶ የፓወር ፖይንት ገለፃ የተደረገ ሲሆን በሁለቱ አገሮች የግል ኩባንያዎች መካከልም የአቻለአቻ የቢዝነስ ውይይት ተካሂዷል፡፡

የሁለቱም ሀገራት ከፍተኛ ባለስልጣናት፣ በፕላስቲክ፣ በፍራሽና ትራስ፣ ብረታብረት፣ ኬብል፣ ምስታዎት፣ መድሀኒት ምርቶች እና ሌሎችም ዘርፎች ላይ የተሰማሩ አስራ ስድስት የኳታር ኩባንያዎች ከኢትዮጵያ አቻዎቻቸው ጋር በቢዝነስ ፎረሙና የአቻለአቻ ውይይቱ ላይ ተሳትፈዋል፡፡


ከኢትዮጵያ የንግድ እና የዘርፍ ማኀበራት ምክር ቤት የዴሬክተሮች ቦርድ አባላት እና መላው ሰራተኛ የተሰጠ የሀዘን መግለጫ, ሐምሌ 19 ቀን 2010 ዓ.ም.


የኢትዮጵያ የንግድ እና የዘርፍ ማኀበራት ምክር ቤት የዴሬክተሮች ቦርድ አባላት እና መላው ሰራተኛ በታታሪው፣ የጽናትና የቁርጠኝነት ተምሳሌቱ ኢንጀነር ስመኘው በቀለ ህልፈት የተሰማውን ጥልቅ ኃዘን እየገለጸ ለቤተሰቦቻቸው፣ ወዳጆቻቸው እና ለመላው የኢትዮጵያ ህዝብ መጽናናትን ይመኛል፡፡

ኢንጅነር ስመኘው በቀለ የታላቁ የኢትዮጵያ ህዳሴ ግድብ ግንባታ ዕውን እንዲሆን ከኢትዮጵያ ህዝብና መንግስት የተሰጣቸውን ኃላፊነትንና አደራ ለመወጣት በከፍተኛ ቁርጠንኝነት አገልግለዋል፡፡ ደከመኝ ሰለቸኝ ሳይሉ ባደረጉት ርብርብም ታላቁ የኢትዮጵያ ህዳሴ ግድባችን አሁን የደረሰበትን ደረጃ እንዲደርስ ከፍተኛ አስተዋጽኦ አድርገዋል፡፡

ኢንጅነር ስመኘው በቀለ ከዚህ ዓለም በሞት ቢለዩም ትጋታቸውና ጽናታቸው በእያንዳንዱ ኢትዮጵያዊ ልብ ውስጥ ታትሞ የሚኖር ነው፡፡ የንግዱ ኅብረተሰብም ታላቁን የኢትዮጵያ ህዳሴ ግድብ ግንባታ ከዳር ለማድረስ የሚያደረገውን ርብርብ እንደከዚህ ቀደሙ ሁሉ በማጠናከር የኢንጅነር ስመኘው በቀለን ህልምና ራዕይ ዕውን ያደርጋል፡፡


ምክር ቤቱ ከህንድ አይቲኤምኢ ማህበረሰብ ጋር ውይይት አካሄደ, ሐምሌ 16 ቀን 2010 ዓ.ም.

የኢትዮጵያ ንግድና የዘርፍ ማኅበራት ምክር ቤት ፕሬዚደንት መልአኩ እዘዘው (ኢንጂነር) ከምክር ቤቱ ዋና ፀሐፊ አቶ እንዳልካቸው ስሜ ጋር በመሆን ሀምሌ 17 ቀን 2010 ዓ.ም. በህንድ ዓለም አቀፍ የጨርቃ ጨርቅ ማሽነሪ ኤግዚቢሽን ማህበረሰብ (India International Textile Machinery Exhibitions Society /India ITME Society) ዋና ዳይሬክተር የሆኑት ወ/ሮ ሤማ ሰሪቫስታቫ የተመራውን የህንድ የቢዝነስ ልዑካን ቡድንን በምክር ቤቱ መሰብሰቢያ አዳራሽ ተቀብለው አነጋገሩ፡፡

እ.ኤ.አ ከጥር 18-20/ 2019 ሙምባይ በሚካሄደው ሁለተኛው አለም ዓቀፍ የጨርቃ ጨርቅ ቴክኖሎጂና ኢንጂነሪንግ አውደ-ርዕይ 2019 እና ከየካቲት 14- 16 / 2020 አዲስ አበባ በሚካሄደው ዓለም አቀፍ የጨርቃ ጨርቅ ማሽነሪ ኤግዚቢሽን አፍሪካ 2020 ኩነቶች ላይ የግሉ ዘርፍ በሚሳተፍበት አግባብ ዙሪያ በሰፊው ተወያይተዋል፡፡

የህንድ ዓለም አቀፍ የጨርቃ ጨርቅ ማሽነሪ ኤግዚቢሽን ማህበረሰብ የእውቀት ልውውጥ፣ የቴክኖሎጂ ሽግግር እና የውጪ ቀጥተኛ ኢንቨስትመንትን እንዲሁም በሽርክና መስራትን በማፋጠን የአገር ውስጥና ዓለም አቀፍ ጨርቃ ጨርቅ ኢንዱስትሪን የማስፋፋት ስራ ይሰራል፡፡

ምክር ቤቱ የጀርመን ልዑክን ተቀብሎ አነጋገረ, ሐምሌ 16 ቀን 2010 ዓ.ም.


የኢትዮጵያ የንግድና ዘርፍ ማኅበራት ምክር ቤት ዋና ፀሐፊ አቶ እንዳልካቸው ስሜ በጀርመን የኢግዚቢሽን ዶክተርስ በተባለ ድርጅት ከፍተኛ የኢግዚቢሽን አማካሪ የሆኑትን ሚስተር ዩዶ ትሬይርን ሀምሌ 16 ቀን 2010 ዓ.ም. በጽ/ቤታቸው ተቀብለው ከንግድ አዉደ-ርዕይ እና ኢግዚቢሽን ጋር በተያያዙ ጉዳዮች ዙሪያ ተወያዩ፡፡

በኢትዮጵያ የንግድ ትርኢት አዉደ-ርዕይ እና ኢግዚቢሽን አዘገጃጀትን አስመልክቶ በሰፊው የተወያዩ ሲሆን የፋሲሊቲ እጥረት፣ በቂ ደንብና መመሪያ አለመኖር እንዲሁም የእዉቀት ማነስ በዘርፉ የሚስተዋሉ ከፍተኛ ማነቆዎች እንደሆኑም ተወስቷል፡፡

የቀረቡ አስተያየቶችን እና ጥያቄዎችን ያደመጡት የብሄራዊ ባንክ ገዢ ዶ/ር ይናገር ደሴ መንግስት በምክር ቤቱ በኩል በንግዱ ኅብረተሰብ የቀረቡ ቅሬታዎችን እንዲሁም በእለቱ የተነሱ ሌሎች ሀሳቦችን በጥልቀት እንደሚመለከት ገልጸው ችግሮቹንም በተቻለ ፍጥነት ለማስተከላከል እንደሚሰራ ተናግረዋል፡፡


ፕሬዚደንቱ የአፍሪካ የንግድና ልማት ባንክ ዳይሬክተሩን ተቀብለው አነጋገሩ, ሐምሌ 13 ቀን 2010 ዓ.ም.


የኢትዮጵያ የንግድና ዘርፍ ማኅበራት ምክር ቤት ፕሬዚደንት ኢንጂነር መልአኩ እዘዘው በኢትዮጵያ የንግድና ልማት ባንክ ዳይሬክተር ሚስተር ጆን አንቶይኔ ከቪል ኢስዘርን ሀምሌ 13 ቀን 2010 ዓ.ም. በጽ/ቤታቸው ተቀብለው በንግድና ልማት ባንክ አገልግሎት አሰጣጥ ዙሪያ አነጋገሩ፡፡

የንግድና ልማት ባንኩ በሚሰጣቸው የአገልግሎት አይነቶች እና የንግዱ ማህበረሰብም ከባንኩ የብድር አገልግሎት ተጠቃሚ በሚሆንበት መንገዶች ዙሪያ ተነጋግረዋል፡፡

ባንኩ በንግድ፣ በኢንቨስትመንት፣ፕሮጀክትና መሰረተ-ልማት ላይ ለሚውሉ ልማቶች የብድር አገልግሎት በመስጠት ንግድን፣ ማህበራዊና ኢኮኖሚያዊ ልማትን እንዲሁም በአፍሪካ አህጉር የቀጠናውን የኢኮኖሚ ትስስር ለማፋጠን የሚሰራ መሆኑ ተገልጿል፡፡ ባንኩ የኮሜሳ ተቋም እንደሆነና ዋና ፅ/ቤቶችም ቡርንዲና ሞሪሽየስ እንደሚገኙ ታዉቋል፡፡
 

የንግዱ ህብረተሰብ አባላት በገንዘብ አቅርቦት ዙሪያ እያጋጠሟቸው ባሉ ችግሮች ዙሪያ ውጤታማ ውይይት ተካሄደ, ሐምሌ 12 ቀን 2010 ዓ.ም.


የገንዘብ አቅርቦትን በተመለከተ የግሉ ዘርፍ እያጋጠመው ያለው ችግሮች እና ሊወሰዱ በሚገባቸው የመፍትሄ እርምጃዎች ዙሪያ የብሄራዊ ባንክ ገዢ ዶ/ር ይናገር ደሴ በተገኙበት ጥልቀት ያለው ውጤታማ ውይይት ተካሄደ፡፡ የኢትዮጵያ የንግድና ዘርፍ ማህበራት ምክር ቤት ፕሬዚደንት ኢንጂነር መላኩ እዘዘው በመድረኩ ላይ እንዳብራሩት እንደ ኢትዮጵያን ባሉ በአነስተኛ የእድገት ደረጃ ላይ በሚገኙ ሀገራት ውስጥ ለሚስተዋለው የገንዘብ አቅርቦት ችግሮች የተለያዩ ምክንያቶች በመንስኤነት እንደሚጠቀሱ፤ በተለይም የሀገሪቱ የፋይናስ ፖሊሲ፣ንግድ ባንኮች ተግባራዊ እንዲያደርጓቸው በየጊዜው የሚወጡ መመሪያዎች እና መመሪያዎቹ የባንኮችን የማበደር አቅም ማዳከማቸው፣ ባንኮች የሚከተሉት የብድር ፖሊሲ እና የተንዛዛ የብድር አሰጣጥ ስርዓት፣ ዘመናዊ የገንዘብ አቅርቦት አገልግሎት አለመስፋፋት፣ የማይክሮ-ፋይናንስ ተቋማት ያሉባቸው ችግሮች፣ በብድር አሰጣጥ እና በውጭ ምንዛሬ አቅርቦት ረገድ የሚስተዋለው ሙስናና አድሏዊ አስራር፣ ከፍተኛ የውጭ ምንዛሬ እጥረት፣ የካፒታል ገበያ አለመጀመር ወ.ዘ.ተ በሀገሪቱ ለሚታየው የገንዘብ አቀርቦት ችግር በምክንያትነት ይጠቀሳሉ ሲሉ ማብራሪያ ሰጥተዋል፡፡

የምክር ቤቱን ፕሬዚደንት ካቀረቡትን ሰፊ ገለጻ በኋላም በብሄራዊ ባንክ የመሰብሰቢያ አዳራሽ የተገኙ ተሳታፊዎች በተለይም ከብድር አቅርቦት እና ከውጪምንዛሪ ጋር ተያይዘው ባለሁ ሳንኮች ዙሪያ አስተያየት እና ጥያቄዎችን አቅርበዋል፡፡

የቀረቡ አስተያየቶችን እና ጥያቄዎችን ያደመጡት የብሄራዊ ባንክ ገዢ ዶ/ር ይናገር ደሴ መንግስት በምክር ቤቱ በኩል በንግዱ ኅብረተሰብ የቀረቡ ቅሬታዎችን እንዲሁም በእለቱ የተነሱ ሌሎች ሀሳቦችን በጥልቀት እንደሚመለከት ገልጸው ችግሮቹንም በተቻለ ፍጥነት ለማስተከላከል እንደሚሰራ ተናግረዋል፡፡

የኢፌድሪ ጠቅላይ ሚኒስትር ክቡር ዶ/ር አብይ አህመድ ከንግዱ ህብረተሰብ አባላት ጋር ሚያዝያ 8 ቀን 2010 ዓ.ም ባደረጉት ውይይት ወቅት በገንዘብ አቅርቦት ላይ የሚስተዋሉ ችግሮች ለስራቸው ትልቅ ችግር እንደሆነባቸው በውይይቱ ላይ ተሳታፊ በነበሩ የንግዱ ህብረተሰብ አባላት በስፋት ገልፀዋል፡፡

በውይይቱ ማጠናቀቂያ ክቡር ጠቅላይ ሚኒስትሩ የገንዘብ አቅርቦትን ጨምሮ ሌሎች የንግዱ ህብረተሰብ አባላትን እያጋጠሙ ላሉ ችግሮች ምላሽ መስጠት ችግሮቹ በኢትዮጵያ የንግድና ዘርፍ ማህበራት ም/ቤት በኩል ተደራጅተው ለፅ/ቤታቸው እንዲቀርብ አቅጣጫ መስጠታቸው የሚታወቅ ሲሆን ዛሬ ሓምሌ 12 ቀን 2010 ዓ.ም. በገንዘብ አቅርቦት ዙሪያ እያጋጠሟቸው ያሉ ችግሮች ዙሪያ የተካሄደው ውይይትም የዚህ አካል ነው፡፡

የምክር ቤቱ ከፍተኛ ኃላፊዎች ከቱርክ ልዑካን ቡድን ጋር ውይይት አደረጉ, ሐምሌ 9 ቀን 2010 ዓ.ም.


የኢትዮጵያ ንግድና የዘርፍ ማኅበራት ምክር ቤት ፕሬዚደንት መልአኩ እዘዘው (ኢንጂነር) እና ዋና ፀሐፊ እንዳልካቸው ስሜ ሀምሌ 9 ቀን 2010 ዓ.ም. በቱርክ አምባሳደር ፋቲህ ኡልሶይ የተመራውን ሰባት አባላት የያዘ የቱርክ ልዑካን ቡድን በምክር ቤቱ የቦርድ መሰብሰቢያ አዳራሽ ተቀብለው በኢትዮጵያ የቱርክ ባለሀብቶች እያጋጠሟቸው ባሉ አንኳር ችግሮች ላይ ተወያዩ፡፡

የቱርክ ባለሀብቶች በኢትየጵያ እያደረጉት ባለው የቢዝነስ እንቅስቃሴ ወቅት እያጋጠሟቸው ባሉት የጥሬ እቃዎች እና የኤሌትሪክ ሀይል አቅርቦት እንዲሁም የውጪ ምንዛሬ እጥረት፣ የገቢ ግብር አከፋፈል፣ የሰራተኞች ደመወዝ ሁኔታ፣ ከወደብ ጋር በተያያዘ የትራንስፖርት ዋጋ መናር፣ የኤል ጂ ጋዝ ውስንነት፣ አላስፈላጊ በሆኑ ቢሮክራሲያዊ አሰራር እና መሰል ዋና ዋና ችግሮች ዙሪያ ዉይይት ተካሂዷል፡፡

ምክር ቤቱ የኦስትሪያ ልዑካን ቡድንን ተቀብሎ አነጋገረ, ሐምሌ 6 ቀን 2010 ዓ.ም.



የኢትዮጵያ የንግድና ዘርፍ ማኅበራት ምክር ቤት ዋና ፀሐፊ አቶ እንዳልካቸው ስሜ በኦስትሪያ የልማት ምርምር (OFSE) ዳይሬክተር ሚስተር ወነር ራዛ የሚመራ ልዑካን ቡድንን ሀምሌ 6 ቀን 2010 ዓ.ም. በጽ/ቤታቸው ተቀብለው በቄዳ ኢንዱስትሪ እና መሰል ጉዳዮች ላይ አነጋገሩ፡፡

የኢትዮጵያ ቄዳ ኢንዱስትሪ በቂ ጥሬ እቃዎች በማግኘት፣ ዘመናዊ የማምረቻ ቴክኖሎጂ በማሟላት፣የገበያ ትስስር በመፍጠር፣ በሽርክና የመስራት፣የውጪ አገር ገበያ አማራጮችን በመጠቀምና ሌሎችም ግብአቶችን በማግኘት ምርቱን በተሸለ ጥራትና በብዛት በማምረት ወደ ውጭ ሀገር ለመላክ በሚችልበት መንገዶች ዙሪያ በስፋት ተነጋግረዋል፡፡


 

ምክር ቤቱ ከሲሲአይፒቲ ልዑካን ቡድን ጋር ተወያየ, ሐምሌ 2 ቀን 2010 ዓ.ም.


የኢትዮጵያ ንግድና የዘርፍ ማኅበራት ምክር ቤት ም/ፕሬዚደንት አቶ አሰፋ ገ/ስላሴ እና ዋና ፀሐፊው አቶ እንዳልካቸው ስሜ በሲሲአይፒቲ ም/ሊቀመንበር ሚስተር ዛንግ ዌ የተመራውን አስራ ስድስት አባላት የያዘ የቻና ልዑካን ቡድን ሐምሌ 2 ቀን 2010 ዓ.ም. በምክር ቤቱ ቦርድ መሰብሰቢያ አዳራሽ ተቀብለው በቢዝነስ ትብብር፣ ኢንቨስትመንት ግንኙነትና በርካታ ተዛማች ጉዳዮች ላይ አብረዉ በሚሰሩበት አግባብ ላይ አነጋገሩ፡፡

የኢትዮጵያ ንግድና የዘርፍ ማኅበራት ምክር ቤት ም/ፕሬዚደንት እና ዋና ፀሐፊው ስለ ምክር ቤቱ ዋና ዋና ተግባራት በተለይም የምክርቤቱ አካዳሚ ከሲሲአይፒቲ አካዳሚ ጋር በስልጠናና አቅም ግንባታ ላይ ተባብሮ መስራት እንደሚችሉ፣ በኢትዮጵያ ስላሉ የኢንቨስትመንት አማራጮች በተለይም የጠቀናጀ አግሮ ኢንዱስትሪ ፓርኮች እና ምቹ የቢዝነስ ሁኔታዎችን እንዲሁም በትብብር በሚሰሩ በርካታ ጉዳዮችን አስመልክቶ ለልዑካን ቡድኑ ማብራሪያ ሰጥተዋል፡፡

የኢትዮጵያ ንግድና የዘርፍ ማኅበራት ምክር ቤት ም/ፕሬዚደንት እና ዋና ፀሐፊው ስለ ምክር ቤቱ ዋና ዋና ተግባራት በተለይም የምክርቤቱ አካዳሚ ከሲሲአይፒቲ አካዳሚ ጋር በስልጠናና አቅም ግንባታ ላይ ተባብሮ መስራት እንደሚችሉ፣ በኢትዮጵያ ስላሉ የኢንቨስትመንት አማራጮች በተለይም የጠቀናጀ አግሮ ኢንዱስትሪ ፓርኮች እና ምቹ የቢዝነስ ሁኔታዎችን እንዲሁም በትብብር በሚሰሩ በርካታ ጉዳዮችን አስመልክቶ ለልዑካን ቡድኑ ማብራሪያ ሰጥተዋል፡፡

የምክር ቤቱ የዴሬክተሮች ቦርድ አባላት ጉብኝት, ሰኔ 18 ቀን 2010 ዓ.ም.





የኢትዮጵያ የንግድ እና ዘርፍ ማኅበራት ምክር ቤት የዴሬክተሮች ቦርድ አባላት፣ የቀድሞ አመሮቸች እና የአባላት የስራ ኃላፊዎች ቅዳሜ አዲስ አበባ ላይ ጠቅላይ ሚኒስትር ዶ/ር አብይ አህመድ በእስካሁን ቆይታቸው ላስመዘገቡት ውጤት እውቅና ለመስጠት እና ለመደገፍ በተካሄደው ሕዝባዊ የድጋፍ ሰልፍ ላይ የተፈጸመውን አስነዋሪ የሽብር ድርጊት የተጎዱ ዜጎችን በጥቁር አንበሳ ሆስፒታል በመገኘት ጎበኙ፡፡






2ኛው የቢዝነስ ሩጫ በድምቀት ተካሄደ, ሰኔ 10 ቀን 2010 ዓ.ም.
"ዝግጅቱ ባማረና በተሳካ ሁኔታም ተጠናቋል"


‹‹ለኢንዱስትሪ ልማት እንሩጥ!›› በሚል መሪ ቃል የተዘጋጀው 2ኛው የኢትዮጵያ የቢዝነስ ሩጫ እሁድ ሰኔ 10 ቀን 2010 ዓ.ም. በደመቀ ሁኔታ ተከበረ፡፡

መነሻውንና መድረሻውን መስቀል አደባባይ በማድረግ 5ኪ.ሜ. በሚሸፍነው በዚህ ሩጫ ላይ ከኢንዱስትሪ ሚኒስቴር፣ ከኢንቨስትመንት ኮሚሽንና ከተለያዩ የመንግሥት ተቋማት፣ ከፌዴራል ብረታ ብረትና ኢንጂነሪንግ ኮርፖሬሽን፣ ከሚድሮክ ቴክኖሎጂ ግሩፕ፣ ከሰንሻይን ኮንስትራክሽን፣ ከኢትዮ ፓወር ኢንጂነሪንግ እና ከበርካታ የተለያዩ የግል ድርጅቶች የተውጣጡ ከፍተኛ አመራሮችና ሠራተኞቻቸው እና ማህበረሰቡ ተሳትፈዋል፡፡


የኢትዮጵያ የቢዝነስ ሩጫ ባለቤትና አዘጋጅ የኢትዮጵያ ንግድና የዘርፍ ማኅበራት ምክር ቤት ሲሆን የዝግጅቱ ዓላማ በሀገሪቱ ስላለው የኢንዱስትሪ ልማት ለህብረተሰቡ ግንዛቤ ለማስጨበጥና የግሉ ዘርፍ (የንግዱ ማህበረሰብ) በኢንዱስትሪው ዘርፍ ላይ የሚኖረውን ሚና ለማሳደግ እንደሆነ ታውቋል፡፡

በዕለቱ የእንኳን ደህና መጣችሁ ንግግር ያደረጉት የምክር ቤቱ ፕሬዚደንት መልአኩ እዘዘው (ኢንጂነር) እንደተናገሩት ምክር ቤቱ በአዋጅ ከተቋቋመባቸው ተግባርና ኃላፊነቶች ውስጥ አንዱ ንግድና ኢንዱስትሪ እንዲስፋፋ በማገዝ የግሉ ዘርፍ በሀር ኢኮኖሚ ውስጥ የመሪነት ሚናውን እንዲጫወት ማስቻል ነው ካሉ በኋላ ይህ 2ኛው የኢትዮጵያ የቢዝነስ ሩጫም ንግድና ኢንቨስትመንትን በማስፋፋት የግሉ ዘርፍ በኢንዱስትሪው ልማት ውስጥ የሚኖረውን ድርሻ ለማሳደግ የሚደረገው ጥረት አንዱ አካል እንደሆነ ገልጸዋል፡፡

የዕለቱ የክብር እንግዳ የሆኑት የፌዴራል የኢንዱስትሪ ሚኒስትር ዶ/ር አምባቸው መኮንን በመክፈቻ ንግግራቸው የ2ኛው የኢትዮጵያ የቢዝነስ ሩጫ አዘጋጅ የሆነው የኢትዮጵያ ንግድና የዘርፍ ማኅበራት ምክር ቤት አመራሮችና ሠራተኞች የኢትዮጵያ ቢዝነስ ሩጫ ጠንሳሾችና ጀማሪ ባለቤቶች በመሆናችው አክብሮታቸውን በምስጋና ከገለጹ በኋላ ‹‹ለኢንዱስትሪ ልማት እንሩጥ!›› በሚል መሪ ቃል በተለይ ደግሞ በዘላቂ አረንጓዴ ማኑፋክቸሪንግ (sustainable manufacturing) ላይ ትኩረት ያደረገው ይኸው ሩጫ ሀገራችን ወደ ኢንዱስትሪ ልማት በምታደርገው ሽግግር ውስጥ ከፍተኛ ሚና ይጫወታል ብለዋል፡፡


በዕለቱ በዝግጅቱ ላይ የተገኙት የአውሮፓ ህብረት ተወካይ ሚ/ር ጆን ህብረቱ የሀገሪቱን የኢንዱስትሪያላይዜሽን ስትራቴጂ እንደሚደግፍ እምነታቸውን ገልጸዋል፡፡

የውድድሩ ተሳታፊወዎች ስፖርት በባህሪው ከተለያዩ አካባቢ የሚመጡ ቡድኖችን በማቀራረብ አንድ ዓይነት ስሜት እንዲጋሩ የማድረግ ኃይል እንዳለው በመግለጽ የዛሬው የቢዝነስ ሩጫ ከዚህ አንፃር በንግዱ ማህበረሰብ መሃል ያለው ግንኙነት የበለጠ እንዲጨምርና ልምዳቸውን እንዲጋሩ ያስችላል ብለዋል፡፡ ዝግጅቱ በቀጣይ የግሉ ዘርፍ በሀገር ኢኮኖሚ ውስጥ ሊያበረክት በሚችለው ድርሻ ላይ ትኩረት ለማድረግ እንደሚያስችለውም እምነታቸውን ገልጸዋል፡፡


2ኛውን የቢዝነስ ሩጫ ዓባይ ባንክ፣ ደርባ ሲሚንቶ፣ የኢትዮጵያ አየር መንገድ፣ ቤካ ጀነራል ቢዝነስ፣ ሮሃ ፓክ ኃ.የተ.የግ ኩባንያ፣ የኢትዮጵያ መድን ድርጅት፣ ጎመጁ ኦይል ኢትዮጵያ፣ አሀዱ ኃ.የተ. የግል ኩባንያ፣ ሚድሮክ ቴክኖሎጂ ግሩፕ፣ ዲ.ኤች. ገዳ፣ ኔትኮ ትሬዲንግ ኃ.የተ. የግል ኩባንያ፣ ፀሐይ ኢንዱስትሪ አክስዮን ማኅበር፣ ጣምራ ቴክኖፓኬጂንግ ኃ.የተ. የግል ማኅበር፣ እና ፋና ብሮድካስቲንግ ኮርፖሬት በገንዘብና በቁሳቁስ ድጋፍ ያደረጉ ሲሆን፣ በቀጣይ ምክር ቤቱ ለሚያከናውናቸው የልማት ተግባራት አጋርነታቸው ተጠናክሮ እንደሚቀጥል የምክር ቤቱ ፕሬዚደንት እምነታቸውን ገልጸዋል፡፡

የምክር ቤቱ ፕሬዚደንት ኢንጂነር መልአኩ ‹‹ባለፈው ዓመት በ1ኛው የቢዝነስ ሩጫ ላይ የተሳተፋችሁ የኩባንያ ባለቤቶችና ሠራተኞች በመጀመሪያውና በታሪካዊው ሩጫ ላይ ያሳያችሁትን አብሮነትና ትብብር ለመድገም ዛሬም ከኛ ጋር ስለሆናችሁ ደስታዬ እጥፍ ድርብ ነው፡፡›› ሲሉም ለተሳታፊ ድርጅቶች ምስጋናቸውን አቅርበዋል፡፡

ምክር ቤቱ ይህንን የጎዳና ላይ ሩጫ ያዘጋጀው ከኢንዱስትሪ ሚኒስቴር፣ ከአውሮፓ ህብረትና ከተባበሩት መንግሥታት የኢንዱስትሪ ልማት ድርጅት (ዩኒዶ) ጋር በመተባበር ሲሆን ዝግጅቱ በተሳካ ሁኔታ ያጠናቀቀ ሲሆን ለአሸናፊ ተወዳዳሪዎችና ድርጅቶቻቸው ሽልማት ተበርክቶላቸዋል፡፡

ምክር ቤቱ የኤስ ኤንድ ፒ ሬቲንግ ኤጀንሲ ልዑካን ቡድንን ተቀብሎ አነጋገረ, ሰኔ 6 ቀን 2010 ዓ.ም.


የኢትዮጵያ ንግድና የዘርፍ ማኅበራት ምክር ቤት ዋና ፀሐፊ እንዳልካቸው ስሜ የስታንዳርድ ኤንድ ፑርሰ ሬቲንግ ኤጀንሲ ልዑካን ቡድንን ሰኔ 6 ቀን 2010 ዓ.ም. በጽ/ቤታቸው ተቀብለው አነጋገሩ፡፡ ሁለቱ አካላት የግሉን ዘርፍ በሚመለከቱ የቢዝነስ ጉዳዮች ላይ ውይይት አድርገዋል፡፡

ልዑካን ቡድኑ የግሉ ዘርፍ በሀገር ኢኮኖሚ ውስጥ ስላለው እንቅስቃሴ ደረጃና ስለሚደረግለት የፋይናንስ፣ የሎጂስቲክስና ሌሎች አቅርቦቶች አስመልክቶ ላነሱት ጥያቄ ዋና ጸሐፊው ምላሽ ሰጥተዋል፡፡

ኤስ ኤንድ ፑርስ ሬቲንግ የአንድን ኩባንያ፣ ከተማ ወይም ሀገር የመበደር፣ ቦንድ የመሸጥና ተያያዥ ጉዳዮች ላይ ያለውን አቅም የመመዘንና የፋይናንስ ጥናቶችን የሚያሳትም ዓለም አቀፍ ተቋም ሲሆን በዓመት ሁለት ጊዜ ከዚሁ ጋር የተያያዙ ሪፖርቶችን እንደሚያወጣ ይታወቃል፡፡

በንግዱ ማህበረሰብ ጥያቄዎችና ቅሬታዎች ላይ ውይይት ተደረገ, ግንቦት 30 ቀን 2010 ዓ.ም.


የኢትዮጵያ የንግድ እና የዘርፍ ማኅበራት ምክር ቤት ከገቢዎችና ግምሩክ ባለስልጣን ጋር በመተባበር በንግዱ ማህበረሰብ ቅሬታዎችና ጥያቄዎች ላይ ግንቦት 30 ቀን 2010ዓ.ም በባለስልጣኑ የስብሰባ አዳራሽ ውይይት አደረጉ ፡፡

የውይይቱ ዋና ዓላማ ሚያዝያ 8 ቀን 2010 ዓ.ም ክቡር የኢፌድሪ ጠቅላይ ሚኒስቴር ከንግዱ ማኅብረሰብ ጋር በነበራቸው ውይይት ጥያቄዎቻቸውና ቅሬታዎቻቸው በኢትዮጵያ የንግድና የዘርፍ ማህበራት ምክር ቤት በኩል በማሰባሰብና በማጠናቀር ለሚመለከታቸው የመንግስት አካላት እንዲቀርብና ምላሽ እንዲሰጡበት በአስቀመጡት አቅጣጫ መሰረት ምክር ቤቱ እና ቅሬታ ያቀረቡ ነጋዴዎች ከኢትዮጵያ የገቢዎች እና ጉምሩክ ባለስልጣን የስራ ኃላፊዎች ጋር በተነሡ ጉዳዮች ዙሪያ ውይይት ለማካሄድ ነው፡፡

የኢትዮጵያ የንግድና የዘርፍ ማኅበራት ምክር ቤት ፕሬዚደንት መልአኩ እዘዘው (ኢንጂነር) በኢትዮጵያ የንግድ እና የዘርፍ ማኅበራት ምክር ቤት አማካኝነት ከንግዱ ማህበረሰብ የተሰበሰቡ ልዩ ልዩ ቅሬታዎችና ጥያቄዎች መኖራቸውን ጠቅሰው በእለቱ የሚቀርቡት ጥያቄዎችና ቅሬታዎች ከገቢዎችና ግምሩክ ባለስልጣን ጋር ብቻ የተያያዙ እንደሆኑ ገልፀዋል፡፡

በዕለቱ ከግብር ነፃ አጠቃቀም፣ ከኦዲት አሰራርና የወጪ ደረሰኝ አጠቃቀም፤ ከግብር ተመላሽ አና ቫት ተመላሽ እንዲሁም ከግምሩክ አሰራር ጋር የተያያዙ በርካታ የንግዱ ማህበረሰብ ጥያቄዎች በኢትዮጵያ የንግድና የዘርፍ ማኅበራት ምክር ቤት ፕሬዚደንት መልአኩ እዘዘው (ኢንጂነር) በኩል በዝርዝር የቀርቡ ሲሆን በሚመለከታቸው የገቢዎችና ግምሩክ ባለስልጣን ከፍተኛ ሃላፊዎች ምላሽ ተሰጥቶባቸዋል፡፡

በመጨረሻም ተጨማሪ ጥያቄዎች ከተሳታፊዎች ተነስተው ምላሽ የተሰጠባቸው ሲሆን የንግዱ ማህበረሰብ አለኝ የሚለውን ተጨማሪ ማስረጃ እስከ መጪው ሰኞ እንዲያቀርብ እና ባለስልጣን መስሪያ ቤቱም የቀረቡለትን ጥያቄዎችና ቅሬታዎች በዘርፍ በዘርፍ በመለየት በተናጠል ምላሽ እንዲሰጥባቸው ለሰኔ 5 ቀን 2010 ዓ.ም ቀጠሮ ተይዟል፡፡

አባል ምክር ቤቶች የበለጠ በመቀራረብ አብረው መስራት እንደሚገባቸው ተጠቆመ, ግንቦት 17 ቀን 2010 ዓ.ም.


የኢትዮጵያ የንግድ እና የዘርፍ ማኅበራት ምክር ቤት አባል ምክር ቤቶችን የሚያሳትፍ የውይይት መድረክ ግንቦት 17 ቀን 2010 ዓ.ም አዘጋጀ፡፡

የፎረሙ ዓላማ ተሳታፊዎች የመጡበትን ተቋም ወክለው ያላቸውን የስራ እንቅስቃሴዎች፣ መረጃዎች እና ልምዳቸውን አንዱ ለሌላው በማካፈል፣ እርስ በርስ የሚማማሩበትን እና የሚተዋወቁበትን መድረክ ለመፍጠር ነው፡፡

በውይይቱ ወቅት አባል ምክር ቤቶች የበለጠ በመቀራረብ እና አብረው በመስራት የንግዱን ማህበረሰብ ተወዳዳሪነት እና የሀገሪቱን ኢኮኖሚ መዘውር አንቀሳቃሽነት እውነታ እውን ማድረግ እንደሚባ ተገልጿል፡፡

በፎረሙ ላይ የክልል ንግድ ምክር ቤቶች እና የማህበራት ከፍተኛ አመራሮች፣ የኢትዮጵያ የንግድ እና የዘርፍ ማኅበራት ምክር ቤት የቦርድ እና የማኔጅመንት አባላት የልምድና አጠቃላይ የመረጃ ልዉዉጥ ያድርጉ ሲሆን በማቋቋሚያ አዋጅ ቁጥር 341/1995 ለማሻሻል በቀረቡ ሃሳቦች ላይም ተወያይተዋል፡፡

በወተት ማምረትና በዶሮ እርባታ የሚጋጥሙት ችግሮች ለመፍታት ከመንግሥትና ግል ዘርፍ ግብረ-ኃይል ተቋቋመ, ግንቦት 16 ቀን 2010 ዓ.ም.


በኢትዮጵያ የንግድና ዘርፍ ማህበራት ምክር ቤት የተዘጋጀና በወተትና ዶሮ እርባታ ዘርፍ ያሉ ዋና ዋና ችግሮችና መፍትሄዎችን የሚጠቁም ጥናት ለዘርፉ ባለሃብቶችና ባለድርሻ አካላት ቀርቦ ግንቦት 18 ቀን 2010 ዓ.ም. በሂልተን ሆቴል ውይይት ተደርጎበታል።

ከውይይቱ በኋላም ችግሮቹን በቅንጅት ለመፍታት የሚረዳ ከመንግሥትና ግል ዘርፍ ግብረ-ኃይል ተቋቁሟል። ግብረ-ኃይሉ ሰባት አባላት ያሉት ሲሆን በግብርናና እንስሳት ኃብት ሚኒስቴር የሚመራ መሆኑ ተገልጿል። የተቋቋመው ግብረ-ኃይልም በዘርፉ እየገጠሙ ያሉ ችግሮችን ተባብሮ ለመፍታት የሚያስችል እንደሆነ ተናግረዋል።

በጥናቱ የመኖ፣ የህክምናና የመድሃኒት አቅርቦት፣ የመሰረተ ልማትና የመሬት አቅርቦት ችግር በዘርፉ እየተስተዋሉ እንደሆነ ተገልጿል። ከውይይቱ ተሳታፊዎች መካከል የኢትዮጵያ የወተት አምራቾች ማህበራት ቦርድ አባል አቶ ካሳ አበበ በዘርፉ የመኖ እጥረት እየገጠማቸው መሆኑን ይናገራሉ። በዚህም ሳቢያ የወተት ምርት እጥረት እንደገጠመ ገልፀው ችግሩን ለመፍታት መንግስት የቁጥጥር ተግባር ሊያከናውን ይገባል ብለዋል።

የኢትዮጵያ የዶሮ አርቢዎችና አቀነባባሪዎች ማህበር የቦርድ አባልና የግብረ-ኃይሉ አባል አቶ አሸናፊ ደስታ ዘርፉ የመኖ አቅርቦት፣ የመድሃኒትና የክትባት ችግር እየገጠመው መሆኑን ገልፀዋል።

የኢትዮጵያ የእንስሳት መኖ ኢንዱስትሪ ማህበር አባል አቶ አለማየሁ አሳየ በበኩላቸው የመኖ እጥረት የተፈጠረው ህገ-ወጥ ደላሎች መኖ በማከማቸትና ጊዜ ጠብቆ በውድ ዋጋ በመሸጥ ያለአግባብ ትርፍ ለማግኘት በሚያደርጉት ጥረትና ከፋብሪካ የሚወጡና ለመኖ ግብዓት የሚውሉ ተረፈ ምርቶች ላይ ተጨማሪ እሴት ታክስ በመጣሉ ምክንያት ነው ይላሉ። ተቋቋመው ግብረ-ኃይልም በዘርፉ ያሉ ችግሮችን የሚፈታ ይሆናል የሚል እምነት እንዳላቸው ገልፀዋል።

በኢትዮጵያ ከፍተኛ የቁም እንስሳት እምቅ ኃብት ቢኖርም አገሪቱ በሚፈለገው መጠን ጥቅም አላገኘችም ያሉት ደግሞ የግብርናና የእንስሳት ኃብት ሚኒስትር ዴኤታ ፕሮፌሰር ፈቃዱ በየነ ናቸው። ዘርፉ በዘመናዊ ቴክኖሎጂ አለመደገፉና የቅንጅት ችግር በመኖሩ ምክንያት አገሪቱ ከዘርፉ የሚገባትን ጥቅም እንዳታገኝ አድርጓታል ነው ያሉት። የእንስሳት ኃብት ምርታማነትን ለማሳደግና የግብዓት ችግርን ለማስተካከል በትኩረት ይሰራል ብለዋል። በጥናቱ የተለዩ ችግሮችን ለመፍታተ የተጀመሩ ስራዎች መኖራቸውን ገልፀው በቀጣይም በቅንጅት የሚፈቱ ይሆናሉ ነው ያሉት። ግብረ-ኃይሉ የዘርፉን ችግሮች ለማስተካከል እንደሚረዳ የገለጹት ፕሮፌሰር ፈቃዱ ሁሉም የመፍትሄ አካል መሆኑን ተረድቶ በቅንጅት ሊሰራ እንደሚገባ አስገንዝበዋል።

የእንስሳት ሃብት ዘርፍ ከ15 እስከ 17 በመቶ ለአጠቃላይ አገራዊ ምርት፤ 10 በመቶ ደግሞ ለአጠቃላይ የወጪ ንግድ ገቢ አስተዋፅኦ እንዳለው በጥናቱ ተገልጿል። በአገሪቱ አንድ ሰው በዓመት 19 ሊትር ወተት፣ ስምንት እንቁላል እንዲሁም 0 ነጥብ 6 ኪሎ ግራም የዶሮ ስጋ እንደሚመገብ በጥናቱ ተጠቁሟል።


የኢትዮ- ጀርመን የጤና ዘርፍ ቢዝነስ ፎረም ተካሄደ, ሚያዝያ 18 ቀን 2010 ዓ.ም.


በኢትዮጵያ የተስተናገደው የመጀመሪያው ኢትዮ-ጀርመን የጤና ዘርፍ ቢዝነስ ፎረም ሚያዝያ 18/2010 ዓ.ም. በራዲሰን ብሉ ሆቴል ተካሄደ፡፡

የፎረሙ ዋና ዓላማ የጀርመን እና ኢትዮጵያ የንግድ ማህበረሰብን በማገናኘት በጤናው ዘርፍ ኢንቨስትመንት ላይ በጋራ እንዲሰሩ ብሎም ሁለቱ ሀገራት ኢኮኖሚያዊ ግንኙነታቸውን የበለጠ እንዲያጠናክሩ ለማድረግ ነው፡፡

በፎረሙ ላይ በጤና ኢንቨስትመንት እና ማበረታቻዎች፣ የጤና አጠባበቅ፣ የመድሀኒቶች ግብይት፣ የመድሀኒቶች ጥራትና ቁጥጥር፣ የሰው ሀይል አቅም ግንባታ እና ተዛማጅ ርእሶችን አስመልክቶ የፓወር ፖይንት ገለፃ እና የፓናል ውይይት የተደረገ ሲሆን የአቻለአቻ ስብሰባም ተካሂዷል፡፡

ከፍተኛ ባለስልጣናትና በጤናው ዘርፍ ላይ የተሰማሩ የሁለቱም ሀገራት የንግዱ ማህበረሰብ ተወካዮች በቢዝነስ ፎረሙ ላይ ተገኝተዋል፡፡


የኢትዮጵያ-ሳውዲ አረቢያ አቻለአቻ የቢዝነስ ስብሰባ ተካሄደ, ሚያዝያ 17 ቀን 2010 ዓ.ም.


የኢትዮጵያ የንግድና የዘርፍ ማህበራት ምክር ቤት ከሳውዲ አረቢያ ኢምባሲ ጋር በመተባበር የኢትዮጵያ-ሳውዲ አረቢያ አቻለአቻ የቢዝነስ ስብሰባ ሚያዝያ 17/2010 ዓ.ም በምክር ቤቱ ቦርድ ሩም አካሄደ፡፡

የሳውዲ አረቢያ የቢዝነስ ልዑካን ቡድን መሪ ሚስተር ሪያድ እንዳሉት የስብሰባው አላማ በኢትዮጵያና በሳውዲ አረቢያ መካከል ያለውን የቢዝነስ ግንኙነት ለማጠናከር እና አዳዲስ ኢንቨስትመንቶችን ለመጀመር ነው፡፡ ሳውዲ አረቢያ እንደ ኢትዮጵያ በእሻና በሌሎች ተፈላጊ ዘርፎች በርካታ ሀብት ካላቸው ጎረቤት ሀገሮች ጋር አብሮ በመስራት ግንኙነቷን ማጠናከር እንደምትፈልግ አክለው ተናግረዋል፡፡

የኢትዮጵያ የንግድና የዘርፍ ማኅበራት ምክር ቤት ዋና ፀሐፊ አቶ እንዳልካቸው ስሜ በበኩላቸው እነደተናገሩት ሁለቱ አገሮች የቆዬ ታሪካዊ ትሰስር ቢኖራቸውም ማግኘት የሚገባቸውን ኢኮኖሚያዊ ጠቀሜታ አላገኙም፡፡ ዋና ፀሐፊው ጨምረው እንደገለፁት የግብርና እና የቁም ከብት ንግድና ኢነቨስትመንትን አስመልክቶ ሳውዲ አረቢያ የኢትዮጵያ ስትራቴጅክ አጋር እንደሆነች እና ሌሎች በርካታ የቢዝነስ እድሎችንም ከኢተዮጵያ ተጠቃሚ መሆን ትችላለች፡፡

በስብሰባው ላይ ለሳውዲ አረቢያ የቢዝነስ ልዑካን ቡድን እና ለኢትዮጵያ አቻዎቻቸው በኢትዮጵያ ስላሉ የኢንቨስትመንት አማራጮችና ማበረታቻዎች፣ በሁለቱ አገሮች መካከል ስለሚላኩና ስለሚገቡ ምርቶች እንዲሁም ሌሎች መረጃዎችን አስመልክቶ ሰፊ የፓወር ፖይንት ገለፃ ተደርጓላቸዋል፡፡


የእንኳን ደስ ያሎት መልዕክት, መጋቢት 26 ቀን 2010 ዓ.ም.


የኢትዮጵያ ንግድና የዘርፍ ማኅበራት ምክር ቤት የኢትዮጵያ ህዝቦች አብዮታዊ ዴሞክራሲያዊ ግንባር ሊቀመንበር ክቡር ዶ/ር ዓብይ አህመድ የኢፌዲሪ ጠቅላይ ሚኒስትር ሆነው በመመረጣቸው የተሰማውን ደስታ ገለጸ፡፡

የህዝብ ተወካዮች ምክር ቤት መጋቢት 24 ቀን 2010 ዓ.ም. ባደረገው ስብሰባ ክቡር ዶ/ር ዓብይን የኢፌዲሪ ጠቅላይ ሚኒስትር አድርጎ መሰየሙን ተከትሎ ምክር ቤቱ የእንኳን ደስ አለዎት መልእክቱን እያስተላለፈ የግሉ ዘርፍ በሀገር ኢኮኖሚ ግንባታ ውስጥ በሚጫወተው ሚና ከመንግሥት ጋር በጋራ የሚያከናውነውን ተግባር በቀጣይ ይበልጥ በተጠናከረ ትብብር ለመስራት ያለውን ፍላጎት ይገልጻል፡፡

በመጨረሻም፣ በኃላፊነት ዘመናቸው በሙሉ የተሣካ ጊዜ እንዲኖራቸው መልካም ዕድል ይመኛል፡፡



ዋና ፀሐፊ የጀርመን ንግድ ምክር ቤት ተወካይን በጽ/ቤታቸው ተቀብለው አነጋገሩ, መጋቢት 18 ቀን 2010 ዓ.ም.

የኢትዮጵያ ንግድና የዘርፍ ማኅበራት ምክር ቤት ዋና ፀሐፊ እንዳልካቸው ስሜ በጀርመን ንግድና ኢንዱስትሪ ምክር ቤት (IHK /Chamber of Commerce and Industry Reutlingen, Germany) ዓለም አቀፍ ንግድ ማኔጂንግ ዳይሬክተር ማረቲን ፋሃሊንግ ጋር መጋቢት 18 ቀን 2010 ዓ.ም. በጽ/ቤታቸው በምክር ቤቶቹ የትብብር ጉዳዮች ላይ ተወያዩ፡፡

ኃላፊዎቹ የጀርመን ምክር ቤት ለግሉ ዘርፍ ሊያደርግ በሚችለው ዘርፈ ብዙ ድጋፎች ዙሪያ የተወያዩ ሲሆን፣ በተለይ በአቅም ግንባታ፣ በፋይናንስ እና በቴክኒካል ድጋፎች ዙሪያ መሥራት በሚችሉባቸው አግባቦች ላይ ሀሳብ ተለዋውጠዋል፡፡



ምክር ቤቱ የህንድ ልዑካን ቡድንን ተቀብሎ አነጋገረ, መጋቢት 17 ቀን 2010 ዓ.ም.

የኢትዮጵያ ንግድና የዘርፍ ማኅበራት ምክር ቤት ፕሬዚደንት መልአኩ እዘዘው (ኢንጂነር) ከምክር ቤቱ ምክትል ዋና ፀሐፊ ውቤ መንግሥቱና ከምክር ቤቱ ሌሎች ኃላፊዎች ጋር በመሆን መጋቢት 17 ቀን 2010 ዓ.ም. በህንድ ዓለም አቀፍ የጨርቃ ጨርቅ ማሽነሪ ኤግዚቢሽን ማህበር (India International Textile Machinery Exhibitions Society /India ITME Society) ሊቀመንበር ሃሪ ሻንካር የተመራውን የህንድ የቢዝነስ ልዑካን ቡድንን በምክር ቤቱ መሰብሰቢያ አዳራሽ ተቀብለው አነጋገሩ፡፡

የልዑካን ቡድኑ የጉብኝት ዓላማ በሁለቱ ሀገሮች መካከል ያለውን የንግድ ግንኙነት የበለጠ ለማጠናከር ሲሆን በተለይ ደግሞ በጨርቃ ጨርቅ ዘርፍ በጋራ መሥራት በሚቻልበት ሁኔታ ላይ ለመወያየት ነው፡፡

የምክር ቤቱ ፕሬዚደንት በኢትዮጵያ በጨርቃ ጨርቅ ዘርፍ ያለውን እምቅ አቅም እና የኢትዮጵያ መንግሥት ለጨርቃ ጨርቅ ኢንዱስትሪው ዕድገት እየሰጠ ያለውን ትኩረት በማስታወስ ማህበሩ በኢትዮጵያ የጨርቃ ጨርቅ ኢንዱስትሪ እና በህንድ የጨርቃ ጨርቅ ኢንጂነሪንግ ኢንዱስትሪ መካከል አጋርነት ለመፍጠር ያሳየውን ፍላጎት በደስታ መቀበላቸውን ገልጸዋል፡፡

የማህበሩ ዋና ዳይሬክተር የሆኑት ወ/ሮ ሤማ ሰሪቫስታቫ በበኩላቸው ማህበሩ የህንድ ኢንቨስትመንትን እና ሌሎች የንግድና የሥራ ዕድሎችን ወደ ኢትዮጵያ ለመሳብ ያላሰለሰ ሥራ እንደሚሠራም እምነታቸውን ገልጸዋል፡፡

የህንድ የጨርቃ ጨርቅ ኤግዚቢሽን ማህበር ዘመናዊ ቴክኖሎጂን ለማስፋፋት እ.ኤ.አ. ከ1980 ጀምሮ በአራት ዓመት አንድ ጊዜ ኤግዚቢሽን እንደሚያካሂድ የገለጹት ዋና ዳይሬክተሯ በኢትዮጵያም ዓለም አቀፍ ኤግዚቢሽን የማካሄድ ፍላጎት እንዳለው ተናግረዋል፤ በዚህ ረገድ በሁለቱም ሀገሮች የግሉ ዘርፍ መሃል አጋርነት መመሥረትም ይፈልጋሉ፡፡

በመጨረሻም በመጪው ህዳር መጀመሪያው ላይ በሚካሄደው 11ኛው ኢትዮ-ቻምበር ዓለም አቀፍ የንግድ ትርዒት ላይ የህንድ ኩባንያዎች ወደ ኢትዮጵያ መጥተው ምርቶቻቸውን እንዲያሳዩ ማህበሩ ተጋብዟል፡፡

ምክር ቤቶቹ አጋርነት ለመፍጠር የሚያስችላቸውን ቅድመ ውይይት አደረጉ, መጋቢት 5 ቀን 2010 ዓ.ም.

የኢትዮጵያ ንግድና የዘርፍ ማኅበራት ምክር ቤት እና የጂቡቲ ንግድ ምክር ቤት መጋቢት 5 ቀን 2010 ዓ.ም. ባደረጉት የሁለትዮሽ ውይይት በቀጣይ አጋርነት ለመፍጠር ያስችለናል ያሉትን ቅድመ ውይይት በተወካዮቻቸው አማካኝነት አደረጉ፡፡ ውይይቱ የተደረገው የኢትዮጵያ ንግድና የዘርፍ ማኅበራት ምክር ቤት ፕሬዚደንት መልአኩ እዘዘው (ኢንጂነር) እና ዋና ፀሐፊው እንዳልካቸው ስሜ በጂቡቲው ንግድ ምክር ቤት ሊቀመንበር ዩሱፍ ሙሳ የተመራውን አራት አባላትን የያዘውን ልዑካን ቡድን በጽ/ቤታቸው ከተቀበሉ በኋላ ነው፡፡

በተለይ ሁለቱ ምክር ቤቶች በአፍሪካ ደረጃ የመጀመሪያዎቹና ረጅም ዕድሜ ያስቆጠሩ ምክር ቤቶች እንደመሆናቸውና በሁለቱ ሀገሮች መንግሥታት መካከልም ከጉርብትና ያለፈ ጥብቅ ግንኙነት ያለ ቢሆንም በምክር ቤት ደረጃ ግን ትርጉም ያለው ሥራ እንዳልተሠራ በመተማመን፣ ምክር ቤቶቹ ለሁለቱም ሀገሮች የግሉ ዘርፍ አባላት ዕድገት በጋራ መሥራት በሚችሉባቸው ነጥቦች ዙሪያ በዝርዝር መወያየት አስፈላጊ እንደሚሆን አጽንኦት ሰጥተዋል፡፡ በዚሁ መሠረት፣ አጋርነት ለመፍጠር ያስችላሉ ያሏቸውን ነጥቦች በማንሳት ሰፊ ውይይት ያደረጉባቸው ሲሆን ከነዚህም ውስጥ ክልላዊ የመንግሥትና የግሉ ዘርፍ ምክክርን (Public Private Partnership /PPD), ማጠናከር፣ በሥልጠና የታገዘ የአቅም ግንባታ መፍጠር እንደዚሁም፣ ክልላዊ ትብብርን ማጎልበት በሚሉት ነጥቦች ላይ አጋርነት ቢፈጥሩ ለሁለቱም ሀገሮች የግሉ ዘርፍ ዕድገት የድርሻቸውን እንዲወጡ እንደሚያስችላቸው አስምረውበታል፡፡

በንግዱና በኢንቨስትመንቱ እንቅስቃሴ ውስጥ ቁልፍ ተሳትፎ ያለው የግሉ ዘርፍ ሆኖ ሳለ የሁለቱም ሀገሮች መንግሥታት በጉዳዩ ላይ ዘርፉን ያላማከለ ውሳኔ እንደሚሰጡ በውይይታቸው ወቅት በሰፊው ያነሱ ሲሆን አጋርነታቸውን በዚህ መልኩ ማጠናከር መቻላቸው፣ ሁለቱም ምክር ቤቶች አንድ ወጥ አቋም በመያዝ በመንግሥታቸው ላይ ተፅዕኖ በመፍጠር የፖሊሲና የህግ ማሻሻያዎች እንዲደረጉ ማድረግ እንደሚያስችላቸው መተማመን ላይ ደርሰዋል፡፡ በፈረንሳይ ልማት ኤጀንሲ የኢትዮጵያ፣ የሱዳንና የደቡብ ሱዳን ሪጅናል ዳይሬክተር የሆኑትና የልዑካን ቡድኑ አባል የሆኑት ሚ/ር ኢኒያስ በበኩላቸው ኢጄንሲው ሁለቱ ምክር ቤቶች አጋርነት ሊያመቻች በሚችለው የቴክኒክና የእቅም ግንባታ ድጋፍ ሀሳባቸውን ሰንዝረዋል፡፡ ፡፡

በመጨረሻ፣ አጋርነት መፍጠር የሚችሉባቸውን ዝርዝር ነጥቦች አስመልክቶ ሪፖርት በማዘጋጀት በቀጣይ ተገናኝተው ለመወያየት ተስማምተዋል፡፡

በአዲሱ የፌዴራል ገቢ ግብር አዋጅ እና የአዋጁ ማስፈፀሚያ ደንብ ላይ የወጡ አንዳንድ አንቀፆች ለአፈፃፀም አሻሚ ናቸው ተባለ, መጋቢት 5 ቀን 2010 ዓ.ም.

የኢትዮጵያ ንግድና የዘርፍ ማኅበራት ምክር ቤት ፕሬዚደንት መልአኩ እዘዘው (ኢንጂነር) የኢትዮጵያ ባንኮች ማህበር ዋና ፀሀፊ አቶ ተገኔ ሲሳይ እና የኦሮሚያ ኢንተርናሽናል ባንክ ፋይናንስ ዳይሬክቶሬት ዳይሬክተር አቶ ጆቴን መጋቢት 5/2010 ዓ.ም. በጽ/ቤታቸው ተቀብለው በፌዴራል ገቢ ግብር አዋጅና ደንብ ዙሪያ አነጋገሩ፡፡

የፌዴራል የገቢ ግብር አዋጅ ቁጥር 979/2008 እና የአዋጁን ማስፈፀሚያ ደንብ ቁጥር 410/2009 አስመልክቶ በተለይም በዓይነት ከሚሰጡት ጥቅማ ጥቅሞች ጋር ተያይዞ የወጡትን ድንጋጌዎች ለመፈፀም አሻሚ በሆኑ ነጥቦች ላይ በሰፊው ተወያይተዋል፡፡

በቀጣይ ከፌዴራል የገንዘብና ኢኮኖሚ ሚኒስቴር ፣ የኢትዮጵያ ገቢዎችና ጉምሩክ ባለስልጣን እና ጉዳዩ ከሚመለከታቸው አካላት ጋር ውይይት በማድረግ ለአፈፃፀም አሻሚ በሆኑ ጉዳዮች ላይ የጋራ መግባባት መድረስ አስፈላጊ እንደሆነም ተነጋግረዋል፡፡

የምክር ቤቱ ፕሬዚደንት የአዲስ አበባ ዩንቨርስቲ ልዑካን ቡድንን አነጋገሩ, መጋቢት 5 ቀን 2010 ዓ.ም.

የኢትዮጵያ ንግድና የዘርፍ ማኅበራት ምክር ቤት ፕሬዚደንት መልአኩ እዘዘው (ኢንጂነር) በአዲስ አበባ ቴክኖሎጂ ኢንስቲቲዩት የኢንዱስትሪ ኢንጂነሪንግ ክፍል ኃላፊ የሆኑትን ፕሮፌሰር ዳንኤል ቅጣው እና ዶክተር እሸቴ በርሄን መጋቢት 5/2010 ዓ.ም. በጽ/ቤታቸው ተቀብለው አነጋገሩ፡፡

ሁለቱ ወገኖች ምክር ቤቱ እና የአዲስ አበባ ቴክኖሎጂ ኢንስቲቲዩት በተለይም የኢንዱስትሪ ጉዳዮችን አስመልክቶ የግሉን ዘርፍ ለመደገፍ በአንድ ላይ መስራት በሚችሉበት አግባብ ላይ ተወያይተዋል፡፡

በመጨረሻም በጋራ የሚሰሩ ስራዎችን የሚያቅድ ኮሚቴ በየተቋማቸው እንዲያቋቁሙና የስምምነት ውል ከተፈራረሙ በኋላ ወደትግበራ እንዲገቡ ተስማምተዋል፡፡


የምክር ቤቱ የዳይሬክተሮች ቦርድ በትግራይ ክልል ጉብኝት አደረገ, ከመጋቢት 1 - 2 ቀን 2010 ዓ.ም.

በመልአኩ እዘዘው (ኢንጂነር)፣ የኢትዮጵያ ንግድና የዘርፍ ማኅበራት ምክር ቤት ፕሬዚደንት የተመራ የምክር ቤቱ የዳይሬክተሮች ቦርድ አባላት ቡድን ከመጋቢት 1-2 ቀን 2010 ዓ.ም. በትግራይ ክልል የሥራ ጉብኝት አደረገ፡፡

በክልሉ በቆየባቸው ሁለት የጉብኝት ቀናት የትግራይ ክልልን እና የመቀሌ ከተማ የንግድና የዘርፍ ማኅበራት፣ እንዲሁም የክልሉንና የከተማውን የዘርፍ ማኅበራት ምክር ቤቶችን የሥራ እንቅስቃሴ ተመልክቷል፡፡

በዕለቱ ከክልሉ ንግድና ኢንዱስትሪ ቢሮ ኃላፊዎች ጋርም በጋራ ጉዳዮች ላይ ውይይት ያደረገ ሲሆን የመቀሌ ከተማ የኢንዱስትሪ መንደርንም ጎብኝቷል፡፡


ም/ቤቱ አለም ዓቀፍ የም/ቤቶች ጉባዔን አስመልክቶ ጋዜጣዊ መግጫ ሰጠ, የካቲት 27 ቀን 2010 ዓ.ም.

የኢትዮጵያ የንግድና የዘርፍ ማህበራት ምክር ቤት ለ12ኛ ጊዜ ስለ ሚካሄደው አለም ዓቀፍ የም/ቤቶች ጉባዔ አስመልክቶ የካቲት 27/2010 ዓ.ም. ለጋዜጠኞች መግጫ ሰጠ፡፡

የምክር ቤቱ ፕሬዚደንት ኢንጂነር መልአኩ እዘዘው በሰጡት መግለጫ ኢትዮጵያ እ.ኤ.አ. በ2021 ለ12ኛ ጊዜ የሚካሄደውን አለም ዓቀፍ የንግድ ምክር ቤቶች ጉባኤ በአዲስ አበባ ለማዘጋጅት ከሌሎች አምስት አገሮች ጋር የታጨች እንደሆነች እና እድሉን ብታገኝ ጉባዔዉን በብቃት ለማካሄድ አቅም እንደሚኖራት ገልጸዋል፡፡

አለም ዓቀፍ የንግድ ምክር ቤቶች ጉባኤ በአለም ዙሪያ የሚገኙ በርካታ ም/ቤቶችና ሌሎች የቢዝነስ ድርጅቶች የሚገናኙበት እንደሆንና የቢዝነስ መረጃ ልውውጥ የሚደረግበት፣ምርጥ ተሞክሮዎች የሚካፈሉበት፣ የንግድና ኢንቨስትመንት አማራጮችን ለማወቅ እድሎች የሚገኙበት፣ የህብረት ስምምነት እና አዳዲስ የቢዝነስ ፈጠራዎችም ሽግግር የሚደረግበት መድረክ እንደሆነም ተብራርቷል፡፡

በመግለጫው ላይ የምክር ቤቱ ፕሬዚደንትና ዋና ፀሀፊ በጋዜጠኞች ለተነሱ በርካታ ጥያቄዎች ምላሽ ሰጥተዋል፡፡

ሁለተኛው አለም ዓቀፍ የአግሮ-አንዱስትሪ ኢንቨስትመንት ፎረም እየተካሄደ ነው, ከየካቲት 26 - 29 ቀን 2010 ዓ.ም.


የኢትዮጵያ መንግስትና የተባበሩት መንግስታት የኢንዱስትሪ ልማት ድርጅት ከተባበሩት መንግስታት የምግብና እርሻ እና የልማት ፕሮገራም ድርጅቶች ጋር በመተባበር ያዘጋጁት የሁለተኛው አለም ዓቀፍ የአግሮ-አንዱስትሪ ኢንቨስትመንት ፎረም ከየካቲት 26-29/2010 ዓ.ም. ድረስ በሚሊንየም አዳራሽ እየተካሄደ ነው፡፡

የጨርቃጨርቅና አልባሳት፣ ቆዳና የቆዳ ውጤቶች፣ከምግብ ማቀነባበሪያ፣ከአበባ፣ታዳሽ ሀይል እና ሌሎች ዘርፎች ላይ የተሰማሩ ኩባንያዎች ምርቶቻቸዉን አቅርበዋል፡፡ በተጨማሪም ከንግድና ኢንቨስትመንት ጋር በተገናኙ በርካታ ርዕሶች ላይ ውይይት እየተደረገ ይገኛል፡፡


የምክር ቤቱ ከፍተኛ ኃላፊዎች ከቱርክ አምባሳደር ጋር የሁለትዮሽ ውይይት አደረጉ, የካቲት 22 ቀን 2010 ዓ.ም.

የኢትዮጵያ ንግድና የዘርፍ ማኅበራት ምክር ቤት ፕሬዚድንት መልአኩ እዘዘው (ኢንጂነር) እና ዋና ፀሐፊ እንዳልካቸው ስሜ የካቲት 22 ቀን 2010 ዓ.ም. ከቱርክ አምባሳደር ፋቲህ ኡልሶይ ጋር በኤምባሲው በመገኘት ውይይት አድርገዋል፤ በሦስት ዋና ዋና አጀንዳዎች ላይም መክረዋል፡፡

በውይይታቸው ወቅት ኢትዮጵያ የቱርክ የውጭ ቀጥተኛ ኢንቨስትመንት መዳረሻ መሆኗ እየተጠናከረ መሄዱን ያወሱ ሲሆን ለዚህ ዋነኛ ምክንያቱም ሁለቱ ሀገሮች የቆየና ታሪካዊ ግንኙነት ያላቸው በመሆኑ መሆኑን አንስተዋል፡፡

የቱርክ ኢንቨስተሮች በሚያጋጥሟቸው ችግሮች ዙሪያ የመንግሥትና የግሉ ዘርፍ የምክክር መድረክ እንዲዘጋጅ በጋራ መሥራት ያስፈልጋል የሚለውም ሌላው የውይይታቸው አጀንዳ ነበር፡፡

በመጨረሻም፣ የምክር ቤቱን ቻምበር አካዳሚ አቅም ለማጎልበት አስፈላጊው ድጋፍ እንደሚደረግም ከኤምባሲው ጋር መግባባት ላይ ተደርሷል፡፡ ቻምበር አካዳሚው በሀገር ውስጥም ሆነ በውጭ የሥልጠና ጥያቄ ለሚያቀርቡ የንግዱ ማኅበረሰብ የአመራር ክህሎት ማበልፀጊያና መሰል የሥራ ላይ ሥልጠና እንደሚሰጥ ይታወቃል፡፡

ምክር ቤቱ የኦስትሪያ ልዑካን ቡድንን ተቀብሎ አነጋገረ, የካቲት 21 ቀን 2010 ዓ.ም.

የኢትዮጵያ ንግድና የዘርፍ ማኅበራት ምክር ቤት ፕሬዚድንት መልአኩ እዘዘው (ኢንጂነር) እና ዋና ፀሐፊ እንዳልካቸው ስሜ በሚ/ር ኩርት ሙለር በኦስትሪያ ኤምባሲ ንግድ ክፍል ኮሜርሻል ኮንስለር የሚመራ አራት አባላትን የያዘ ልዑካን ቡድንን የካቲት 21 ቀን 2010 ዓ.ም. በፕሬዚደንቱ ጽ/ቤት ተቀብለው አነጋገሩ፡፡

የልዑካን ቡድኑ በኢትዮጵያ ስላለው የኢንቨስትመንና የንግድ እንዲሁም ምቹ የሥራ ዕድል ለማወቅና በቀጣይ በጋራ ሊሠሩ በሚችሉባቸው የቢዝነስ ዘርፎች ላይ ለመወያየት ነው፡፡ በመሆኑም አሁን ስላለው የንግድና ኢንቨስትመንት አማራጮችና ምቹ ሁኔታዎች ማብራሪያ ተሰጥቷቸዋል፡፡

የምክር ቤቱ ፕሬዚደንት በኢትዮጵያ በተለይ በግብርናው ዘርፍ ስላለው እምቅ ሀብትና አቅም እንዲሁም በአግሮ ኢንዱስትሪው ዘርፍ ስላለው ሰፊ ዕድል ለልዑካን ቡድኑ አስረድተዋል፡፡ ኢትዮጵያ በያመቱ በርካታ ሚሊዮን ኩንታል ሰሊጥ፣ ቡናና የዘይት እህሎች በማምረት በጥሬው ኤክስፖርት እንደምታደርግ እንዲሁም በቀንድ ከብት ሀብቷም በአፍሪካ በአንደኛ ደረጃ በዓለም ደግሞ በሦስተኛ ደረጃ ላይ እንደምትገኝና ጥሬ ቆዳን ኤክስፖርት እንደምታደርግ አስረድተው እሴት በመጨመር ለውጭ ገበያ ለማቅረብ ዘመናዊ ማሽነሪዎች እንደሚያስፈልጉና ከኦስትሪያ ኩባንያዎች ጋር መሥራት እንደሚቻል ፕሬዚደንቱ ገልጸዋል፡፡

ምክር ቤቱ ለአባላትና ለንግዱ ማኅበረሰብ ሥልጠና የሚያቀርብበት ቻምበር አካዳሚ እንዳለው የጠቀሱት ዋና ፀሃፊው ኦስትሪያ በትምህርት ልማት ላይ ካላት ከፍተኛ ልምድ የተነሣ ምክር ቤቱ አካዳሚውን አቅም ለማጎልበት ዕድሉን መጠቀም እንደሚቻል አስምረውበታል፡፡ ኢትዮጵያ በሳውዝ-ሳውዝ ትብብር (South-South Cooperation) አማካኝነት ከአብዛኞቹ የኢስያ ሀገራት ጋር ጥሩ የንግድና ኢንቨስትመንት ትብብር እንዳላት በመጥቀስ ከአውሮፓ ሀገሮች ጋር ያለውን ዝቅተኛ ግንኙነት ይበልጥ ማጠናከር እንደምትፈልግ ገልጸዋል፡፡ ሚ/ር ሙለርም በበኩላቸው ኦስትሪያ በኢትዮጵያ በተለይም በአግሮ ኢንዱስትሪውና በማኑፋከቸሪንግ ዘርፍ ትብብር ለመፍጠር ያላት ጽኑ ፍላጎት አስረድተዋል፡፡

ኦስትሪያ በኢትዮጵያ ብቻም ሳይሆን በአፍሪካ በአጠቃላይ ያን ያህል እዚህ ግባ የሚባል ትብብር እንደሌላት የተናገሩት ደግሞ በኦስትሪያ ዓለም አቀፍ የንግድ ምክር ቤት ምክትል ዋና ሥራ አስፈጻሚ የሆኑት ፓትሪክ ሳግዊስተር ናቸው፡፡ እንደሳቸው አባባል ኦስትሪያ በአፍሪካ ከአጠቃላይ ኤክስፖርት አቅሟ አንድ ከመቶ ብቻ ያላት ሲሆን በኢትዮጵያም ቢሆን ከጥቂት የኮንስትራክሽን ኩባንያዎች ውጭ ኢንቨስትመንት ስለሌላት ይህንን ሁኔታ መቀየር ትፈልጋለች፡፡

በአሁኑ ሰዓት በኢትዮጵያና በኦስትሪያ መካከል ያለው የንግድ መጠን ከ20-30 ሚሊዮን ዩሮ ብቻ እንደሆነና ይህንንም ማሻሻል እንደሚያስፈልግ ምክትል ዋና ሥራ አስፈጻሚው ተናግረዋል፡፡ ኦስትሪያ በተለይ በኢንጂነሪን፣ በኢንዱስትሪ ማሽነሪስ እና በሌሎች የማኑፋክቸሪንግ ዘርፎች አቅም አላትም ብለዋል፡

በመጨረሻም የሁለቱ ሀገሮች ኩባንያዎች በምን ዓይነት ዘርፎች ላይ በጋራ ሊሰሩ እንደሚችሉ ሁለቱም በየፊናቸው ዝግጅት በማድረግ በቀጣይ በሰፊው ለመነጋገር ተስማምተዋል፡፡

የኢትዮ-እሥራኤል የግብርና ዐውደ ጥናት ተካሄደ, የካቲት 15 ቀን 2010 ዓ.ም.

በተለያዩ የግብርና ዘርፎች ለተሠማሩ ከ40 በላይ ለሚሆኑ ኩባንያዎች የካቲት 15 ቀን 2010 ዓ.ም. በኢሊሊ ሆቴል ግማሽ ቀን የቆየ የግብርና ዐውደ ጥናት ተዘጋጀ፡፡ ዐውደ ጥናቱን ያዘጋጀው የኢትዮጵያ የንግድና የዘርፍ የማህበራት ምክር ቤት በኢትዮጵያ ከእሥራኤል ኢምባሲ ጋር በመተባበር ነው፡፡

የዐውደ ጥናቱ አላማ በኢትዮጵያ በግብርና ዘርፎች ላይ የተሠማሩ ኩባንያዎች ከእሥራኤል አቻዎቻቸው ሊያገኙ በሚችሉት እገዛና ድጋፍ ላይ ለመወያየት ነው፡፡

በኢትዮጵያ የእሥራኤል አምባሳደር ሚ/ር ራፌል ሞራቭ እሥራኤል በመስኖ፣ አካባቢ ጥበቃና ሌሎች የግብርና ዘርፎች ላይ የዘመነ ቴክኖሎጂ ስላላት ሁለቱ ሀገሮች በዚህ ረገድ ትብብር ቢፈጥሩ ኢትዮጵያ የኢኮኖሚዋ መሠረት የሆነውን ግብርናዋን ይበልጥ ልታዘመን እንደምትችል ተናግረዋል፡፡

በምክር ቤቱ የንግድና ኢንቨስትመንት ዳይሬክቶሬት ዳይሬክተር አቶ ቢንያም ምስግና እንደተናገሩትም ኢትዮጵያ ግብርናዋና በማዘመን ምርታማነትን መጨመር ትፈልጋለች፤ በመሆኑም የእሥራኤል የግብርና ቴክኖሎጂ በዚህ ረገድ የሚኖረው እገዛ እጅግ አስፈላጊ ነው፡፡

በዐውደ ጥናቱ ላይ የውሃ ቴክኖሎጂ እና በግብርና ላይ በሚኖረው ፋይዳ ላይ ያተኮረ ጽሁፍም ቀርቧል፡፡ ከ40 በላይ የሚሆኑ በአበባ ምርት የተሠማሩና፣ በሌሎች የግብርና ምርቶች አስመጪና ላኪዎች ከእሥራኤል አቻዎቻቸው ጋር በጋራ በሚሠሩበትና በሚኖሩ እገዛዎችና ድጋፎች ላይ የአቻ ለአቻ ውይይት አድርገዋል፡፡

በመጨረሻም አምባሳደሩ እ.ኤ.አ. በመጪው ሀምሌ 8-10 ቀን 2018 በእሥራኤል ቴል አቪቭ በሚካሄደው 20ኛው ዓለም አቀፍ የግብርና ኢግዚቢሽንና ኮንፈረንስ ላይ እንዲሳተፉም የሀገር ውስጥ ኩባንያዎችን ጋብዘዋል፡፡

አባል ምክር ቤቶች የአቅም ግንባታ ሥልጠና እየወሰዱ ነው, የካቲት 12-15 ቀን 2010 ዓ.ም.

የኢትዮጵያ ንግድና የዘርፍ ማኅበራት ምክር ቤት ከአባል ምክር ቤቶች እና የዘርፍ ማኅበራት ለተውጣጡ ኃላፊዎችና ባለሙያዎች በሊደርሺፕና አመራር ላይ ከየካቲት 12-15 የሚቆይ የአቅም ግንባታ ሥልጠና በምክር ቤቱ መሰብሰቢያ አዳራሽ እየሰጠ ነው፡፡

የምክር ቤቱ ዋና ፀሐፊ የሥልጠናውን አስፈላጊነት አስመልክቶ የግሉን ዘርፍ አደረጃጀት በማጠናከር በኢኮኖሚው ውስጥ የሚኖረውን ሚና ለማሳደግ የአባል ምክር ቤቶች አመራሮችና ባለሙያዎችን የአመራርና የአስተዳደር ክህሎት ለማሳደግ ከተቀረጹ መርሀ ግብሮች አንዱ ነው ብለዋል፡፡

እንደ ዋና ጸሐፊው ገለጻ፣ ምንም እንኳን የኢኮኖሚው እንቅስቃሴ እያደገ መጥቶ አሁን የደረሰበት ደረጃ ላይ ቢደርስም የግሉ ዘርፍ ሚና የሳሳ በመሆኑ ምክር ቤቱ እንዲ ዓይነት ሥልጠናዎችን እና ሌሎች መርሃ ግብሮችን በማዘጋጀት የዘርፉን የአመራርና የአስተዳደር፣ የፋይናንስ አጠቃቀምና የማማከርና ሌሎች ክህሎቶች በማጎልበት የዘርፉን አደረጃጀት ለማጠንከር እየሠራ ይገኛል፡፡

ሥልጠናው እየተሠጠ ያለው በስምንት ርዕሶች ላይ ሲሆን የማህበራት አስተዳደር፣ የአመራር ሙያ፣ የአባላት ልማት፣ ቢዝነስ አድቮከሲ፣ ቢዝነስ አጀንዳ አዘገጃጀት፣ እና ሌሎች ተዛማጅ ርዕሶች ዙሪያ ሲሆን፣ በሥልጠናው ማግሥት ሠልጣኞች የተሻለ አቅም ይፈጥራሉ ተብሎ ይጠበቃል፡፡ ሥልጠናው እየተዘጋጀ ያለው ከሴንተር ፎር ኢንተርናሽናል ፕራይቬት ኢንተርፕራይ (ሳይፕ) በተገኘ ድጋፍ ነው፡፡

ማኅበሩ ‹‹የነጋዴዋ ሴት ወርን›› በአዲስ መልክ ለማክበር ማቀዱን አስታወቀ, የካቲት 14 ቀን 2010 ዓ.ም.

የአዲስ አበባ ነጋዴ ሴቶች ማኅበር በሚቀጥለው መጋቢት ወር የሚያከብረውን ‹‹ማርች ዊመን ኢንተርፕረነርስ መንዝ›› (ማርች የነጋዴዋ ሴት ወር) አስመልክቶ ያለውን ዝግጅት ለማስተዋወቅ የካቲት 14 ቀን 2010 ዓ.ም. የማኅበሩ ቦርድ አባላትና የኢትዮጵያ ንግድና የዘርፍ ማኀበራት ምክር ቤት የበላይ ኃላፊዎችን ጨምሮ ሌሎች አጋሮች ባሉበት የቡና ጠጡ ፕሮግራም አዘጋጅቷል፡፡

የማኅበሩ ፕሬዚደንት ወ/ሮ አቻምየለሽ አሸናፊ ባደረጉት የመክፈቻ ንግግር በያመቱ መጋቢት ወር ‹‹የነጋዴዋ ሴት ወር›› በመሆን ተለይቶ እየተከበረ እንደሚገኝ ገልጸዋል፡፡ ቀደም ሲል ወሩን የተለያዩ ኤግዚቢሽኖችንና ፎረሞችን በማዘጋጀት ያከብሩ እንደነበር የገለጹት ፕሬዚደንቷ ከሚቀጥለው ዓመት ጀምሮ በዓይነቱ በተለየ ኩነት ለማክበር ስትራቴጂ መንደፋቸውን አስታውቀዋል፡፡

በዚሁም መሠረት ከተጠቀሰው ዓመት ጀምሮ በትንሹ 10 ሴት ሥራ ፈጣሪዎችን (ኢንተርፕረነርስ) የማብቃት ስትራቴጂ እንዲነደፍ በማኅበሩ አባላት በተጠየቀው መሠረት በዛሬው የቡና ጠጡ መርሃ ግብር ላይም ከሀገራዊው ንግድና ዘርፍ ማኅበራት ምክር ቤትና አጋር አካላት ጋር በመሆን አንድ የጋራ የሴቶች ኮሚቴ በማቋቋም በይፋ ከፍተዋል፡፡

በዕለቱ በእንግድነት የተጋበዙት የኢትዮጵያ ንግድና የዘርፍ ማኅበራት ምክር ቤት ፕሬዚደንት ኢንጂነር መልአኩ እዘዘው እንደተናገሩት በማህበር ለመደራጀትም ሆነ በግለሰብ ደረጃ ለመንቀሳቀስ ለሴቶች አስቸጋሪ በሆነው ዓለም ላይ ማኅበሩ በጽናትና በትዕግስት ጠንክሮ አሁን ላለበት ደረጃ ለመድረሱ የማኅበሩን አባላት አመስግነው ለቀጣይ ሥራቸውም የሀገራዊ ምክር ቤቱ ድጋፍ እንደማይለያቸው ገልጸዋል፡፡

የማኅበሩ ፕሬዚደንት ወ/ሮ አቻም የለሽም ማኅበሩ ከተቋቋመ ጀምሮ ድጋፍ ሲያደርጉ ለሚገኙ የኢትዮጵያ ንግድና የዘርፍ ማኅበራት ምክር ቤት፣ ሌሎች ማኅበራትና ምግባረ ሰናይ ድርጅቶች እንዲሁም ግለሰቦችን አመስግነው በቀጣይም ለማኅበሩ ዓላማና ግብ መሣካት ድጋፋቸው እንዳይለያቸው ጥሪያቸውን አቅርበዋል፡፡

የአዲስ አበባ ነጋዴ ሴቶች ማኅበር በተለያዩ ዘርፎች ላይ የሚንቀሳቀሱ 1000 ያህል አባላት ያሉት ሲሆን ለአባላት የክህሎት ማዳበሪያ ሥልጠናዎችን የማመቻቸት፣ የተለያዩ ኤግዚቢሽኖች ላይ ምርትና አገልግሎታቸውን የማስተዋወቅና ሌሎች ተግባራትን እንደሚያከናውን ይታወቃል፡፡

የመጀመሪያው የኢትዮጵያና ኢኳቶሪያል ጊኒ ቢዝነስ ፎርም ዛሬ በአዲስ አበባ ተካሂዷል, የካቲት 14 ቀን 2010 ዓ.ም.

በሁለቱ አገራት የግሉ ዘርፍ መካከል ያለውን የንግድ እና ኢንቨስትመንት ግንኙነት የበለጠ ሊጠናከር ይገባል፡ ኢኒጂነር መላኩ እዘዘው::

የኢኳቶሪያል ጊኒ የንግድ ምክር ቤት ፕሬዝዳንት ሚስተር ግሪጎሪዮ ቦሆ ካሞ የቢዝነስ ፎረሙ መካሄድ የሁለቱ አገራት የንግድ ማህበረሰቦች እርስ በእርስ ተሞክሮ እንዲለዋወጡ የሚያግዝ እንደሆነ ተናግረዋል። ኢትዮጵያ በአፍሪካ ፈጣን የኢኮኖሚ እድገት እያስመዘገቡ ከሚገኙ አገራት አንዷ በመሆኗ ከአገሪቷ የምንማራቸው ነገሮች አሉ ብለዋል።

የኢትዮጵያ የንግድና የዘርፍ ማህበራት ምክርቤት ፕሬዚደንት ኢኒጂነር መላኩ እዘዘው በበኩላቸው በሁለቱ አገራት የግሉ ዘርፍ መካከል ያለውን የንግድ እና ኢንቨስትመንት ግንኙነት የበለጠ ለማጠናከር ምክር ቤቱ ጠንክሮ እንደሚሰራ ተናግረዋል፡፡

ኢኳቶሪያል ጊኒ በቱሪዝም፣ በነዳጅና በግብርና እምቅ የሚባል ሀብትና ተሞክሮ እንዳላት የገለጹት ሚስተር ግሪጎሪዮ ኢትዮጵያም አገሪቷ ያላትን ተሞክሮ መቅሰም እንደምትችል ተናግረዋል። ለኢኳቶሪያል ጊኒ የቢዝነስ ልዑክ በኢትዮጵያ ስለሚገኙ የውጪ ንግድ አቅም እንዲሁም የኢንቨስትመንት አማራጮችና እድሎች ገለጻ ተደርጎላቸዋል።

የውጭ ጉዳይ ሚኒስቴር የቢዝነስ ዲፕሎማሲ ዳይሬክተር አቶ ዘላለም ብርሃን የፎረሙ መካሄድ የሁለቱ አገራት ነጋዴዎች ለማቀራረብና የንግድ ትስስሩን ለማሳደግ እንደሚያግዝ ነው የገለጹት። ሁለቱ አገራት ከዚህ በፊት በንግድና ኢንቨስትመንት ያላቸውን ግንኙነት ለማጠናከር የፈረሟቸውን ስምምነቶች ተግባራዊ በማድረግ ረገድ ፎረሙ እንደሚያግዝም ተናግረዋል። አገራቱ በዲፕሎማሲው መስክ ግማሽ ክፍለ ዘመን ያስቆጠረ ግንኙነት ቢኖራቸውም በንግድና ኢንቨስትመንት መስክ ያን ያህል አመርቂ ትብብር የላቸውም ብለዋል።

በቢዝነስ ፎረሙ ላይ የኢትዮጵያ የንግድና የዘርፍ ማህበራት ምክርቤትና የኢኳቶሪያል ጊኒ የንግድ ምክር ቤት ከዘጠኝ ዓመት በፊት ባደረጉት ስምምነት ላይ ማሻሻያዎች በማድረግ በድጋሚ የጋራ መግባቢያ ሰነድ ተፈራርመዋል። የጋራ መግባቢያ ሰነዱ አገራቱን በንግድና ኢንቨስትመንት ያላቸውን ግንኙነትና የሁለቱ አገራት የንግድ ማህበረሰብ ማቀራረብ በሚቻልበት ሁኔታ በጋራ ለመስራት የሚያስችል ነው።

የምክክር መድረኩን ለማጠናከር የመንግሥትን ርብርቦሽ ይጠይቃል ተባለ, የካቲት 13 ቀን 2010 ዓ.ም.

የኢትዮጵያ ንግድና የዘርፍ ማኅበራት ምክር ቤት የበላይ ኃላፊዎች የመንግሥትና የግሉን ዘርፍ የምክክር መድረክ ለማጠናከር የመንግሥት ፅኑ ርብርቦሽ ያስፈልገዋል አሉ፡፡

የምክር ቤቱ ፕሬዚደንት መልአኩ እዘዘው (ኢንጂነር) እና ዋና ፀሐፊው እንዳልካቸው ስሜ ይህን የተናገሩት ምክር ቤቱ ከአቤጋ ማኔጅመንት ኃ.የተ.የግል ድርጅት ጋር በመተባበር የካቲት 13 ቀን 2010 ዓ.ም. የመንግሥት ተወካዮች፣ መቀመጫቸውን አዲስ አበባ ያደረጉ የምክር ቤቱ አባል ምክር ቤቶች እና የዘርፍ ማኅበራት ተወካዮችና ሌሎች ባለድርሻ አካላት በተገኙበት ባዘጋጀው የውይይት መድረክ ላይ ነበር፡፡

በውይይቱ ላይ በግሉ ዘርፍ በኩል ፕሬዚደንቱና ዋና ጸሐፊው ከመንግሥት በኩል ደግሞ የንግድ ሚኒስቴር ሚኒስትር ደዔታ አቶ አሰድ ዚያድ መሀመድን በመወከል አቶ ዮሴፍ ዓለሙ በሚኒስቴር ጽ/ቤቱ የአክስዮንና ንግድ ማኅበራት ጉዳዮች ዳይሬክቶሬት ዳይሬክተር አሁን ባለው የቻምበር ሲስተም አጠቃላይ አደረጃጀትና ክፍተቶቹ እንዲሁም በቀጣይ ሊኖረው በሚገባው ቁመና ላይ ሰፊ ውይይት አድርገዋል፡:

የግሉ ዘርፍ የምክክር መድረክ ከተቋቋመበት ጊዜ አንስቶ ምን አስተዋፅኦ አድርጓል በሚል ውይይቶች ተደርገዋል፡፡

በአሁኑ ወቅት የግሉ ዘርፍ በኢኮኖሚው ውስጥ እየተጫወተ ያለው ሚና የሳሳ መሆኑ የተነሳ ሲሆን በቀጣይ ድርሻውን የበለጠ ለማሳደግ እንዲቻል በተለይ የምክክር መድረኩን በማጠናከሩ ረገድ በመንግሥት በኩል ፅኑ ትኩረት መደረግ እንደሚያስፈልግና በመድረኩ ላይ ለሚነሱ ጥያቄዎች ያልዘገየ ምላሽ መስጠት ያስፈልጋል በሚሉት ነጥቦች ላይ በአፅንኦት ተወያይተዋል፡፡

የኢትዮጵያ-ቱርክ ቢዝነስ ፎረም ተካሄደ, የካቲት 13 ቀን 2010 ዓ.ም.

የኢትዮጵያ የንግድና የዘርፍ የማህበራት ምክር ቤት በኢትዮጵያ የቱርክ ኢምባሲ እና ከቱርክ የማሽነሪ አምራችና ላኪዎች ማህበር ጋር በመሆን የኢትዮጵያ-ቱርክ ቢዝነስ ፎረምን የካቲት 13/2010 ዓ.ም. በሂልተን ሆቴል አካሄደ፡፡

የፎረሙ አላማ በግብርና ማሽነሪ የተሰማሩ የቱርክ አምራችና ላኪዎችን ከየኢትዮጵያ አቻዎቻቸው ጋር በማገናኘት ትስስር እንዲፈጥሩ ለማድረግ እና በቀጣይ ግንኙነታቸውን አጠናክረው አብረው የሚሰሩበትን መድረክ በማመቻቸት በሁለቱ አገሮች ያለዉን የንግድና ኢንቨስትመንት ግንኙነት የበለጠ ለማሳደግ ነዉ፡፡

በፎረሙ ላይ በግብርና ማሽነሪ የተሰማሩ 11 ከሚሆኑ የቱርክ አምራችና ላኪ ኩባንያዎች እና 60 በሚሆኑ የኢትዮጵያ ኩባንያዎች መካከል ስለ ድርጅቶቻቸዉ የቢዝነስ መረጃዎች የሚለዋወጡበት የአቻ ለአቻ ስብሰባ ተካሂዷል፡፡

ሴት ኢንተርፕርነሮች ቢዝነሳቸውን በሚያጎለብቱበት ሁኔታ ሊታገዙ ይገባል ተባለ, የካቲት 7 ቀን 2010 ዓ.ም.

የኢትዮጵያ የንግድና የዘርፍ ማኅበራት ምክር ቤት ከፌደራል የስራ ዕድል ፈጠራና ምግብ ዋስትና ኤጀንሲ ጋር በንግድ፣ በአገልግሎትና በምርት ስራ ላይ የተሰማሩ የሴት ኢንተርፕርነሮችን ገቢና የስራ እድል የመፍጠር አቅማቸውን እንዲያሳድጉ በጋራ ለመስራት የሚያስችል የመግባቢያ ስምምነት የካቲት 7 ቀን 2010 ዓ.ም. ተፈራረመ፡፡

የመግባቢያ ስምምነቱ ዋና ዓላማ ሴት ኢንተርፕርነሮች ስልጠና እንዲያገኙና የብድር አገልግሎት ተጠቃሚ እንዲሆኑ እንዲሁም በተሰማሩባቸውን የንግድ፣ የአገልግሎትና የማምረት ተግባራት ዕውቀትን መሰረት በማድግ እንዲያከናውኑ በማገዝና በማበረታታት ገቢያቸውንና የስራ እድል የመፍጠር አቅማቸውን እንዲያሳድጉ ሁለቱ ተቋማት በጋራ የሚሰሩበትን እድል ለመፍጠር ነው፡፡


የኮርፖሬት ሶሻል ሪስፖንሲቢሊቲ ስትራቴጂ ለሀገሪቱ ዘላቂ ኢንቨስትመንት አስተዋፅዖ ያበረክታል ተባለ, የካቲት 1 ቀን 2010 ዓ.ም.

የኢንዱስትሪ ሚኒስቴር ከኢትዮጵያ የንግድ እና የዘርፍ ማኅበራት ምክር ቤት የግሉ ዘርፍ ማበልፀጊያ ማዕከል ጋር በመተባበር ባዘጋጀው ስብሰባ በኮርፖሬት ሶሻል ሪስፖንሲቢሊቲ ስትራቴጂ መነሻ ጥናት ላይ የካቲት 1 ቀን 2010 ዓ.ም. ዉይይት ተካሄደ፡፡

የዉይይቱ ዓላማ በኮርፖሬት ሶሻል ሪስፖንሲቢሊቲ መነሻ ጥናት ላይ መወያየትና የሀገሪቷን ተጨባጭ ሁኔታ ያገናዘበ ስትራቴጂ ለማዘጋጀት የሚረዳ ግብዓት ለመሰብሰብ ነው፡፡

የኮርፖሬት ሶሻል ሪስፖንሲቢሊቲ ፅንሰ-ሀሳብ እና አለም ዓቀፍ ተሞክሮዎች በፓወር ፖይንት ገለፃ ቀርበው ሰፊ ዉይይት ተካሂዶባቸዋል፡፡

የኮርፖሬት ሶሻል ሪስፖንሲቢሊቲ ፅንሰ-ሀሳብ እና አለም ዓቀፍ ተሞክሮዎች በፓወር ፖይንት ገለፃ ቀርበው ሰፊ ዉይይት ተካሂዶባቸዋል፡፡

ዋና ፀሀፊው የፈረንሳይ ልዑካን ቡድንን አነጋገሩ, ጥር 30 ቀን 2010 ዓ.ም.

የኢትዮጵያ የንግድና ዘርፍ ማህበራት ም/ቤት ዋና ፀሀፊ አቶ እንዳልካቸው ስሜ ከፈረንሳይ የቢዝነስ ፍራንስ ዓለም አቀፍ ትብብር መምሪያ (International Cooperation Department of Business France) ልዑካን ቡድንን ጥር 30 ቀን 2010 ዓ.ም. በፅ/ቤታቸው ተቀብለው በጋራ በሚሰሩ በርካታ ጉዳዮች ላይ ተወያዩ፡፡

ሁለቱ ወገኖች ኢንቨስትመንትን በማስፋፋት፣ ኢንቨስተሮችን በመሳብ፣ በአቅም ግንባታ እንዲሁም የተለያዩ የቢዝነስ ኩነቶችን ለማዘጋጀት እና በንግዱ ማህበረሰብ መካከል አቻ ለአቻ ግንኙነቶችን ለመፍጠር የሚያስችል የልዑካን ቡድኖችን በሚለዋወጡበት ረገድ እና ተመሳሳይ ጉዳዮች ዙሪያ በሰፊዉ ተወያይተዋል፡፡



ዶ/ር አክሊሉ ከም/ቤቱ የቦርድ አባላት ጋር ተወያዩ, ጥር 14 ቀን 2010 ዓ.ም.

በውጭ ጉዳይ ሚኒስተር የቢዝነስና የኢኮኖሚ ጉዳዮች ሚንስተር ደዔታ ደ/ር አክሊሉ ሀ/ሚካዔል ከኢትዮጵያ የንግድና የዘርፍ ማህበራት ም/ቤት የቦርድ አባላት ጋር ጥር 14 ቀን 2010 ዓ.ም. ተገናኝተው በትብብር በሚሰሩና መሰል በርካታ ጉዳዮች ላይ ተነጋገሩ፡፡

ደ/ር አክሊሉ የቦርድ አባላቱ የሁለቱን ተቋማት ትብብር ለማጠናከር ያሳዩትን የስራ መነሳሳት በማድነቅ ወደ ውጪ የሚላኩ ምርቶች እና ቱሪዝም ኮንፈረንስ እንዱሁም ም/ቤቱ ከሌሎች አቻ ም/ቤቶች ጋር በሚኖረው ግንኙነት ዙሪያ የመወያያ ሃሳቦችን አንስተው ተወያይተዋል፡፡

የውጭ ጉዳይ ሚኒስተር ወደፊትም ለም/ቤቱ ያላሰለሰ እገዛ እንደሚያደርግለት እንዲሁም የኢትዮጵያን ምርቶችና አገልግሎቶች፣ የኢንቨስትመንት እድሎችንና የቱሪዝም ሀብቶችን በማስተወወቅ ረገድም አብሮት እንደሚሰራ ሚንስተር ደዔታው ጨምረው ተናግረዋል፡፡

ም/ቤቱ ለቀድሞው የዴሬክተሮች ቦርድ አባላት እውቅና ሰጠ, ጥር 15 ቀን 2010 ዓ.ም.

የኢትዮጵያ የንግድና የዘርፍ ማህበራት ም/ቤት ባለፉት ሶስት ዓመታት በፕሬዚደንትነት፣ በም/ፕሬዚደንትነት እና በቦርድ አባልነት ሲመሩ ለነበሩ አመራሮች ጥር 15 ቀን 2010 ዓ.ም. እውቅናና ማስታወሻ ሰጠ፡፡

የም/ቤቱ ፕሬዚደንት ኢንጅነር መለአኩ እዘዘዉ በሽኝት ስነ-ስረዓቱ ላይ እንደተናገሩት የፕሮግራሙ ዋና ዓላማ የም/ቤቱ የቀድሞው የዳይሬክተሮች ቦርድ አባላት በነበራቸው የአመራር ዘመን ለድካማቸው እውቅና እና ማስታወሻ ለመስጠት በቀጣይም ከአሁኑ አመራሮች ጋር አብረው እንዲሰሩ ለመጠየቅ ነው፡፡

የቀድሞው አመራሮች የተሻለ ውጤት አስመዝግበው እንደነበር በመግለፅ ለረጅም ጊዜ ያካበቱትን የስራ ልምድና እዉቀት በመጠቀም ወደፊት ም/ቤቱ የሚየከናውናቸውን የጠለቁ እና የጠነከሩ ስራዎችንም አብረው በመስራት የግሉን ዘርፍ የበለጠ መደገፍ እንደሚገባቸው ኢንጅነር መለአኩ ጨምረው ተናግረዋል፡፡

ያሁኑም አመራር ሃላፊነቱን ተረክቦ የም/ቤትን በርካታ ተግባራት በሚፈለገው መጠን እና በተሻለ የጥራት ደረጃ በመፈጸም ውጤት ማስመዝገብ እንደሚጠበቅበትም ፕሬዚደንቱ አሳስበዋል፡፡

በፕሮግራሙ ላይ ከዚህ ቀደም ም/ቤቱን በፕሬዚደንትነት፣ በም/ፕሬዚደንትነት እና በቦርድ አባልነት ያገለገሉ አመራሮች የተገኙ ሲሆን ባለፉት ሶስት ዓመታት ላገለገሉ የዳይሬክተሮች ቦርድ አባላት በተጨማሪም ወ/ሮ መኪያ ማሙዮ የም/ቤቱ አርማ የተቀረፀበት ከወርቅ የተሰራ የደረት ፒን ማስታወሻ ተበርክቶላቸዋል፡፡

የኢትዮጵያና የእስራኤል የዘመናት ታሪካዊ ግንኙነት ወደ ምጣኔአዊ ሃብት ግንኙነት መለወጥ ይገባዋል ተባለ, ጥር 7 ቀን 2010 ዓ.ም.

የኢትዮጵያ የንግድና ዘርፍ ማህበራት ም/ቤት ፕሬዚደንት ኢንጅነር መለአኩ እዘዘዉ የእስራኤል አምባሳደር ሚስተር ራፋኤል ሞራቭን ጥር 7 ቀን 2010 ዓ.ም. በፅ/ቤታቸው ተቀብለው በሁለቱ አገራት ምጣኔ ሃብት እና መሰል ጉዳዮች ላይ ውይይት አደረጉ፡፡

ሁለቱ ወገኖች ኢትዮጵያና እስራኤል ንግድና ኢንቨሰትመንታቸውን ለማስፋፋት የምጣኔ ሃብት ግንኙነታቸውን የበለጠ በሚያሳደጉበት መንገዶች ዙሪያ ተወያይተዋል፡፡

ኢንጅነር መለአኩ እንደገለጹት ኢትዮጵያና እስራኤል ለዘመናት በሀይማኖት፣ በፖለቲካና በማህበራዊ ያካበቱትን ግንኙነት የጋራ ጥቅማቸውን በሚያስጠብቅ መልኩ ወደ ምጣኔ ሃብት ግንኙነት መለወጥ ያስፈልጋል፡፡

ሚስተር ራፋኤል በበኩላቸው እንዳሉት በኢትዮጵያ የተመቻቸ የኢንቨስትመንት ምህዳር እንዲኖር የውጭ ምንዛሬ እጥረት፣የቢሮክራሲ እና የቀረጥ ችግሮች መፍትሄ ሊሰጡባቸው ይገባል፡፡

የእስራኤል ባለሀብቶች በዋናነት በመስኖ፣በዉሃና በቆሻሻ ማጣራት በአበባና በማዳበሪያ ምርቶች በአጠቃላይ በእርሻ ዘርፍ ላይ መሰማራት እንደሚፈልጉም ታውቋል፡፡

የቻይና የግንባታ ቁሳቁሶች ኩባንያ ተወካይ ከምክር ቤቱ ዋና ፀሐፊ ጋር ተነጋገሩ, ታህሣሥ 27 ቀን 2010 ዓ.ም.

በምህፃረ ቃሉ ‹‹ሲ.ኤን.ቢ.ኤም›› በመባል የሚታወቀው የቻይና ብሄራዊ የግንባታ ቁሳቁሶችና መሣሪያዎች አስመጪና ላኪ ኮርፖሬሽን (China National Building Materials & Equipment Import and Export Corporation /CNBM) ከኢትዮጵያ ንግድና የዘርፍ ማኅበራት ምክር ቤት አባል ኩባንያዎች ጋር በትብብር መሥራት እንደሚፈልግ በተወካዩ አማካኝነት ገለጸ፡፡

ታህሣሥ 27 ቀን 2010 ዓ.ም. የኮርፖሬሽኑን ተወካይ ሚ/ር ኤሪክ ዩን በጽ/ቤታቸው ተቀብለው ያነጋገሩት የምክር ቤቱ ዋና ፀሀፊ አቶ እንዳልካቸው ስሜ የኮርፖሬሽኑን የትብብርና የአባልነት ፍላጎት መቀበላቸውን ከተወካዩ ጋር ባደረጉት ውይይት ላይ ገልጸዋል፡፡ ኮርፖሬሽኑ በኢትዮጵያ የተመዘገበ ኩባንያ እስከሆነ ድረስ ህግና ደንቡ የሚቅደውን ቅድመ ሁኔታ በማሟላት በምክር ቤቱ አባል በኩል አባል መሆን እንደሚችል ገልጸዋል፡፡

ታህሣሥ 27 ቀን 2010 ዓ.ም. የኮርፖሬሽኑን ተወካይ ሚ/ር ኤሪክ ዩን በጽ/ቤታቸው ተቀብለው ያነጋገሩት የምክር ቤቱ ዋና ፀሀፊ አቶ እንዳልካቸው ስሜ የኮርፖሬሽኑን የትብብርና የአባልነት ፍላጎት መቀበላቸውን ከተወካዩ ጋር ባደረጉት ውይይት ላይ ገልጸዋል፡፡ ኮርፖሬሽኑ በኢትዮጵያ የተመዘገበ ኩባንያ እስከሆነ ድረስ ህግና ደንቡ የሚቅደውን ቅድመ ሁኔታ በማሟላት በምክር ቤቱ አባል በኩል አባል መሆን እንደሚችል ገልጸዋል፡፡

በምክር ቤቱ አዘጋጅነት በያመቱ ህዳር ወር ላይ በሚደረገው ዓለም አቀፍ የንግድ ትርዒትና በያመቱ ግንቦት ወር ላይ በሚካሄደው የኢትዮጵያ የቢዝነስ ሩጫ ላይ በመሳተፍ ምርትና አገልግሎቱን ማስተዋወቅ ይችላል የሚለውም የውይይቱ አካል ነበር፡፡

ሲ.ኤን.ቢ.ኤን. በቻይና የግንባታ ቁሳቁሶች ኢንዱስትሪ ትልቁ በመንግሥት ይዞታ ሥር ያለ እና በዓለማችን ትልቁ የሲሚንቶ አምራች ኩባንያ ሲሆን በኢትዮጵያ ገበያ ውስጥ በሲሚንቶ፣ መስታወት፣ ጂፕሰም ፋብሪካዎች ግንባታ ጠቅላላ ተቋራጭነት እና የግንባታ ዕድሳትና ማሻሻል፣ የንፁህ ውሃ ፕሮጀክት፣ የቢራና መጠጦች ማቀነባበሪያና ማሸግ ከአሥር ዓመታት በላይ የቆየ መሆኑም ተገልጿል፡፡

የደርባ ሚድሮክ ሲሚንቶ ፋብሪካ ዲዛይንና ግንባታም የተከናወነው በዚሁ ኮርፖሬሽን መሆኑም ታውቋል፡፡

ዋና ፀሐፊ ከፌዴራል የውጭ ጉዳይ ሚኒስቴር ተወካይ ጋር በሁለትዮሽ ግንኙነት ዙሪያ ተወያዩ, ታህሣሥ 17 ቀን 2010 ዓ.ም.

የኢትዮጵያ ንግድና የዘርፍ ማኅበራት ምክር ቤት ዋና ፀሐፊ እንዳልካቸው ስሜ ዛሬ ታህሣሥ 17 ቀን 2010 ዓ.ም. በፌዴራል የውጭ ጉዳይ ሚኒስቴር የቻይና ጓንዡ ግዛት የቢዝነስ ዲፕሎማሲ ዳይሬክተር ጄነራል የሆኑትን አቶ ተፈሪ መለሰን በጽ/ቤታቸው ተቀብለው አነጋገሩ፡፡ ሁለቱ ኃላፊዎች ምክር ቤቱና ዳይሬክቶሬት ጄኔራሉ በጋራ ሊሠሩ በሚችሉባቸው ጉዳዮች ላይም ተወያይተዋል፡፡

አቶ እንዳልካቸው በተለይ ንግድና ኢንቨስትመንትን ከማስፋፋት ጋር በተያያዘ ወቅታዊ መረጃዎችን በመለዋወጡ ረገድ መሥራት እንደሚያስፈልግ ገልጸዋል፡፡ ከዚሁ ጋር በተያያዘ መረጃዎች በሚላኩበት ወቅት መዘግየቶች እንዳይታዩ ትኩረት ተሰጥቶ ቢሠራም የተሻለ እንደሚሆን አስተያየታቸውን ሰጥተዋል፡፡

ምክር ቤቱ በቀጣይ የምክር ቤቱን ማዕከል ለማስገንባት ማቀዱን ያስታወሱት ዋና ፀሐፊው ለፕሮጀክቱ ግንባታ ተባባሪ ቻይናውያንን በማፈላለግ ዳይሬክቶሬት ጄኔራሉ በቅርበት ለመነጋገር ጥረት እንዲያደርግም ጠይቀዋል፡፡ ምክር ቤቱ በየዓመቱ የሚያካሂደውን ዓለም አቀፍ የንግድ ትርዒትና የሚያወጣቸውን ህትመቶችም በግዛቲቱ በማስተዋወቁና እ.ኤ.አ. በ2021 ኢትዮጵያ የምታስተናግደውን 12ኛውን የዓለም ምክር ቤት ኮንግረስ (World Chamber Congress /WCC) መረጃ በማሰራጨት እገዛቸው እንደሚያስፈልጋቸውም ጨምረው ገልጸዋል፡፡

አቶ ተፈሪም በበኩላቸው፣ የቢዝነስ ዲፕሎማሲ ዳይሬክቶሬት ጄኔራሉ ምክር ቤቱ በኢትዮጵያና በቻይና ጓንዡ ግዛት መካከል ንግድና ኢንቨስትመንት እንዲስፋፋ የሚያደርገውን ጥረት ይበልጥ ለማሳደግ አስፈላጊውን ሁሉ ለማድረግ እንደሚሠራ እምነታቸውን ገልጸዋል፡፡ ለዚህም በሽርክና መሥራት የሚፈልጉ የግዛቲቱን ባለሀብቶች በመመልመል ከሀገር ውስጥ ኩባንያዎች ጋር የሚሠሩበትን ሁኔታ ለማመቻቸት እንደሚተባበርም ቃል ገብተዋል፡፡

በመጨረሻም፣ 4ኛው የኢንዱስትሪ አብዮት ላይ ትኩረት አድርገው መሥራት እንደሚያስፈልግም ተወያይተዋል፡፡

ምክር ቤቱ የጣሊያንን ልዑካን ቡድን ተቀብሎ አነጋገረ, ታህሳስ 9 ቀን 2010 ዓ.ም.

የኢትዮጵያ የንግድና ዘርፍ ማህበራት ም/ቤት ዋና ፀሀፊ አቶ እንዳልካቸው ስሜ አምስት አባላት ያሉትን የጣሊያን ልዑካን ቡድን ታህሳስ 9 ቀን 2010 ዓ.ም. በፅ/ቤታቸው ተቀብለው ሁለትዮሽና ሽርክና በሚጠይቁ ጉዳዮች ላይ ተወያዩ፡፡

ልዑካን ቡድኑ የኢትዮጵያ እና የጣሊያን የግል ኩባንያዎች አባል የሚሆኑበት የጣሊያን ድንበር ተሸጋሪ የንግድ ም/ቤት በኢትዮጵያ ማቋቋም የሚችልበትን መንገድ የኢትዮጵያ የንግድና ዘርፍ ማህበራት ም/ቤት እንዲያመቻችለት የጠየቀ ሲሆን በተጨማሪም በአዲስ አበባ ከተማ በኤሌትሪክ ገመድ አማካኝነት የሚሰራ ማጓጓዣ አዉቶቡስ መጀመር እንደሚፈልግም ተወያይተዋል፡፡

አቶ እንዳልካቸው እንደተናገሩት ም/ቤቱ የተቋቋመበትን ህግና አዋጅ ተከትሎ የሁለቱን አገር ጥቅም ባስከበረ መልኩ ከጣሊያን አቻው ጋር ለመስራት ዝግጁ ነው፡፡ በህጋዊ መንገድ የተመዘገበ የጣሊያንን የንግድ ም/ቤት ወክሎ የሚሰራ ፅ/ቤት በኢትዮጵያ መክፈት አለበለዚያም በአማራጭነት ኢትዮ-ጣሊያን ቢዝነስ ካውንስል ማቋቋም እንደሚችሉም ዋና ፀሀፊ ጨምረው ገልፀዋል፡፡

አቶ እንዳልካቸው እንደተናገሩት ም/ቤቱ የተቋቋመበትን ህግና አዋጅ ተከትሎ የሁለቱን አገር ጥቅም ባስከበረ መልኩ ከጣሊያን አቻው ጋር ለመስራት ዝግጁ ነው፡፡ በህጋዊ መንገድ የተመዘገበ የጣሊያንን የንግድ ም/ቤት ወክሎ የሚሰራ ፅ/ቤት በኢትዮጵያ መክፈት አለበለዚያም በአማራጭነት ኢትዮ-ጣሊያን ቢዝነስ ካውንስል ማቋቋም እንደሚችሉም ዋና ፀሀፊ ጨምረው ገልፀዋል፡፡

የምክር ቤቱ ሠራተኞች ባለፉት አራት ወራት ዕቅድ አፈጻጸምና በቀሪ ስምንት ወራት ዕቅድ ላይ ተወያዩ, ከህዳር 29-30 ቀን 2010 ዓ.ም.

በሀዋሳ የሚገኘውን የኢንዱስትሪ መንደርም ጎብኝተዋል

የኢትዮጵያ ንግድና የዘርፍ ማኅበራት ምክር ቤት ሠራተኞች ከህዳር 29-30 ቀን 2010 ዓ.ም. በቆየ መድረክ በምክር ቤቱ የበጀት ዓመቱ የመጀመሪያ አራት ወራት ዕቅድ አፈጻጸምና ቀሪ ስምንት ወራት ዕቅድ ላይ በሀዋሳ ሌዊ ሪዞርት ሆቴል ውይይት አደረጉ፡፡

በውይይታቸው ወቅት፣ የምክር ቤቱ ምክትል ዋና ፀሐፊ አቶ ውቤ መንግሥቱ እንደተናገሩት የውይይቱ ዓላማ ባለፉት አራት ወራት የታዩ ጠንካራና ደካማ ጎኖች በመለየትና ጥልቅ ውይይት በማድረግ ሠራተኞችን በቀጣይ ስምንት ወራት ዕቅድ አፈጻጸም ላይ የተሻለ በሥራተቸው ላይ ለውጥ በማምጣት የተሻለ ውጤት ማስመዝገብ እንዲችሉ ለማስቻል ነው፡፡

በውይይቱ ወቅት እንደተደመጠው፣ የአራት ወራቱ ዕቅድ አፈጻጸም ከዕቅዱ ጋር ሲነፃፀር የምክር ቤቱን ስትራቴጂክ ግቦች ከማሳካት አንፃር የተሻለ እንደነበር ማወቅ ተችሏል፡፡

በውይይቱ ወቅት እንደተደመጠው፣ የአራት ወራቱ ዕቅድ አፈጻጸም ከዕቅዱ ጋር ሲነፃፀር የምክር ቤቱን ስትራቴጂክ ግቦች ከማሳካት አንፃር የተሻለ እንደነበር ማወቅ ተችሏል፡፡

በሪፖርቱ ላይ እንደተገለጸው፣ በአራቱ ወራት የተሻለ አፈጻጸም ቢታይም በቀሪ ስምንት ወራት በተለይ የአባል ምክር ቤቶችን አቅም ማሳደግና የምክር ቤቱን የፋይናንስ አቅም ቀጣይነት ማረጋገጥ ከሚሉት ስትራቴጂካዊ ግቦች አኳያ የተሻለ ሥራ መሥራት እንደሚጠበቅም ተገልጿል፡፡

ይህ በእንዲህ እንዳለ ሠራተኞቹ በሀዋሳ የሚገኘውን የኢንዱስትሪ መንደርም ጎብኝተዋል፡፡ በሀገሪቱ የኢንዱስትሪ መንደር ታሪክ ውስጥ ግዙፉና ዓይነተኛው የተባለው የሀዋሳው የኢንዱስትሪ መንደር የጨርቃ ጨርቅና የጨርቃ ጨርቅ ግብዓቶችን የሚያመርት ሲሆን ከሥነ ምህዳሩ ጋር እንዲስማማ ተደርጎ የተገነባ የዜሮ ካርቦን ልቀት የኢንዱስትሪ ፓርክ ነው፡፡

በ300 ሄክታር ላይ የተገነባው የኢንዱስትሪ መንደሩ የውጭ ምንዛሪን የሚያስገኝ፣ ሰፊ ሥራን የሚፈጥርና የገበያ ትሥሥርን የሚያመቻች እንደሆነም መረጃዎች ያመለክታሉ፡፡


የግብፅ ባለሀብቶች በሥጋ ምርት መሠማራት እንደሚፈልጉ ተገለጸ, ኅዳር 22 ቀን 2010 ዓ.ም.

የኢትዮጵያ ንግድና የዘርፍ ማኅበራት ፕሬዚደንት መላኩ እዘዘው (ኢንጂነር) እና ዋና ፀሐፊ አቶ እንዳልካቸው ስሜ ዛሬ ኅዳር 22 ቀን 2010 ዓ.ም. በኢትዮጵያ የግብፅ አምባሳደር አቡ በክር ሀፍኒ ማህሙድ የተመራውን ልዑካን ቡድን በፕሬዚደንቱ ጽ/ቤት ተቀብለው አነጋገሩ፤ ሁለቱ ወገኖች በተለያዩ የቢዝነስ ጉዳዮች ላይ ተወያይተዋል፡፡

አምባሳደሩ የግብፅ ባለሀብቶች በኢትዮጵያ በእንስሳት፣ በግብርናና በኢንዱስትሪ ፓርኮች ልማት የመሰማራት ፍላጎት እንዳላቸው ገልጸዋል፡፡ ቀደም ሲል በኢትዮጵያ በአሳ ሀብት ላይ የተሰማሩ ኩባንያዎች መኖራቸውን የገለጹት አምባሳደሩ በእንስሳት ሀብት ዘመናዊና ሳይንሳዊ ቴክኖሎጂን መጠቀም እንደሚፈልጉ ተናግረዋል፡፡ እንደ አምባሳደሩ ገለጻ ግብፅ ሥጋን ከውጭ በማስገባት ከዓለም ቀዳሚውን ሥፍራ የምትይዝ ሲሆን በቀጣይ ኢትዮጵያ ዋነኛዋ የሥጋ አቅራቢ ትሆናለች፡፡

የምክር ቤቱ ፕሬዚደንትና ዋና ፀሀፊ ለልዑካን ቡድኑ በኢትዮጵያ ስላለው ምቹ የኢንቨስትመንት አማራጭና ስለ ምክር ቤቱ ሥልጣንና ኃላፊነት አጭር ገለጻ አድርገዋል፡፡

የግብፅ ባለሀብቶች ከኢትዮጵያ አቻዎቻቸው ጋር በጨርቃ-ጨርቅ፣ ግብርና እንዲሁም የግብርና ማቀነባበሪ ዘርፎች ላይ በአጋርነት ወይም በሽርክና ለመሥራት የሚያስችላቸው መልካም አጋጣሚ እንዳለም ማብራሪያ ሰጥተዋል፡፡ በተለይ የግብርና ማቀነባበሪያው ላይ ሰፊ ዕድል መኖሩንና የተቀናጀ የግብርና ማቀነባበሪያ የኢንዱስትሪ ፓርክም የተዘጋጀ በመሆኑ የሁለቱ እህትማማች ሀገሮች ባለሀብቶች ያላቸውን ዕምቅ አቅም በዘርፉ ላይ ሊያውሉ እንደሚችሉ ተጠቁሟል፡፡

ሁለቱ ሀገሮች የረጅም ዘመን ታሪካዊ ግንኙነት እንዳላቸውና ይህንኑ ግንኙነት በኢኮኖሚውም ለማስቀጠል ይህ ጉብኝት የራሱ ድርሻ አለውም ተብሏል፡፡

ቀደም ሲል በኢትዮጵያ የኤልሲዌዲ ኤሌክትሪክ አምራችና ሌሎች ውስን የግብፅ ኩባንያዎች በኢትዮጵያ እየሠሩ እንደሆነም ተወስቷል፡፡ አሁን ያለው መረጃ እንደሚያሳየው የሁለቱ ሀገሮች የንግድ ምጣኔ አንድ ቢሊዮን የአሜሪካ ዶላር እንደሆነም ታውቋል፡፡


ኮንፈረንሱ የኢትዮጵያና የጀርመንን የኢኮኖሚ ትብብር እንደሚያጎለብተው ተገለጸ, ህዳር 19 ቀን 2010 ዓ.ም.

የኢትዮጵያ የንግድና የዘርፍ ማህበራት ምክር ቤት፣ የውጪ ጉዳይ ሚኒስቴር እና ኢትዮጵያ ኢንቨስት የተባለ ድርጅት በጋራ ህዳር 19 ቀን 2010 ዓ.ም. በራዲሰን ብሉ ሆቴል የ‹‹ኢትዮጵያ-ጀርመን የኢኮኖሚ ኮንፈረንስ›› አዘጋጁ፡፡

የኮንፈረንሱ ዓላማ በኢትዮጵያ እና በጀርመን መካከል ያለውን የሁለትዮሽ ኢኮኖሚያዊ ትብብር የበለጠ በማጎልበት የንግድና ኢንቨስትመንቱን ለማስፋፋት ነው፡፡

የውጪ ጉዳይ ሚኒስትር ደኤታ ዶ/ር አክሊሉ ሀይለሚካኤል እንዳሉት ኢትዮጵያና ጀርመን ለዘመናት በፀጥታና በሰላም፣ አሸባሪን በመዋጋት፣ በአየር ፀባይ ለውጥ እና በዘላቂ ልማት እንዲሁም በልማት ትብብር መርሀ-ግብሮች ዙሪያ ጠንካራ ዲፕሎማሲያዊ ግንኙነት ያላቸው አገሮች ናቸው፡፡ ምንም እንኳ ሁለቱ አገሮች በእነዚህ ጉዳዮች ላይ ጠንካራ ዲፕሎማሲያዊ ግንኙነት ያላቸው ቢሆንም በቢዝነስ ግንኙነታቸው ላይ በቀጣይ የበለጠ መሰራት እንደሚገባ የኢትዮጵያ ፅኑ እምነት እንደሆነም ዶ/ር አክሊሉ ገልፀዋል፡፡

የኢትዮጵያ የንግድና የዘርፍ ማህበራት ምክር ቤት ፕሬዚደንት ኢንጅነር መላኩ እዘዘው እንደገለፁት ኢትዮጵያና ጀርመን በኢንቨስትመንቱ መስክ የቆዬና ጠንካራ ግንኙነት አላቸው፡፡ ፕሬዚደንቱ እንደዚህ አይነቱ የቢዝነስ ኮንፈረንስ በሁለቱ አገሮች መሀል ያለውን የጎላ የሁለትዮሽ የቢዝነስ ትብብር ለቀጣዩ የንግድና ኢንቨስትመንት መስፋፋት ስራዎች መንገድ ጠራጊ ይሆናል ሲሉም ጨምረው ገልጸዋል፡፡

በጀርመን ባደን ውርተምበርግ የየኢኮኖሚ ጉዳዮች ሚኒስቴር ፀኃፊ ካትሪን ሸቹዝ በበኩላቸው እንዳሉት የጀርመን መንግስት የወደፊት ተስፋ ሰጪ በሆኑትና የጀርመን ኩባንያዎችን ጨምሮ ለበርካታ ኩባንያዎች ሰፊ እድል ከፋች በሆኑት በእርሻ ኢንዱስትሪ፣ በኮንስትራክሽንና በኢንፍራስትራክቸር፣ በንግድና ፋይናንስ እንዲሁም በጨርቃጨርቅና ቆዳ ማኑፋክቸሪንግ ዘርፎች ላይ ኢንቨስት ለማድረግ አቅዷል፡፡ የባደን ውርተምበርግ አነስተኛና መካከለኛ ኢንተርፕራይዞች ለኢትዮጵያ የኢኮኖሚ ልማት የረጅም ጊዜ ዘላቂ መፍትሄ በማምጣት ረገድ ጠቃሚ አስተዋፆ ሊያበረክቱ እንደሚችሉ ካትሪን አክለው ተናግረዋል፡፡

ባደን ውርተምበርግ በአውሮፓ አሉ ከሚባሉ ዋና ዋና የኢኮኖሚ ማዕከላት እና ከአህጉሩ ቀዳሚ ከሆኑት የኢንቨስትመንት ቦታዎች አንዱ እንደሆነ ታውቋል፡፡

በኮንፈረንሱ ላይ የሁለቱም ሀገራት ከፍተኛ ባለስልጣናት፣ ተጋባዥ እንግዶችና ሰላሳ ሰባት የሚሆኑ የአትዮጵያ የግል ኩባንያ ተወካዮች ከጀርመን አቻዎቻቸው ጋር ተሳትፈዋል፡፡


የኢትዮ-ደቡብ ኮርያ የቢዝነስ ፎረም ተካሄደ, ህዳር 18 ቀን 2010 ዓ.ም.

ኢትዮጵያ ያሰተናገደችው የኢትዮ-ደቡብ ኮርያ የቢዝነስ ፎረም የሁለቱም ሀገራት ከፍተኛ ባለስልጣናትና የንግዱ ማህበረሰብ ተወካዮች በተገኙበት ህዳር 18 ቀን 2010 ዓ.ም. በካፒታል ሆቴል ተካሄደ፡፡

የፎረሙ ዋና ዓላማ በሁለቱ ሀገራት የንግድ ማህበረሰብ መካል ያለውን ኢኮኖሚያዊ ግንኙነት የበለጠ ለማጠናከርና አዳዲስ የቢዝነስ አጋርነት ለመፍጠር እንዲሁም የህዘዝብ ለህዝብ ግንኙነቱንም ለማጎልበት ነው፡፡

የውጪ ጉዳይ ሚኒስተር ደኤታ ዶ/ር አክሊሉ ሀይለሚካኤል በመክፈቻ ንግግራቸው እንዳሉት የኢትዮጵያና የደቡብ ኮርያ መንግስትና ህዝብ ከስድስት አስርት ዓመታት በፊት ጀምሮ በደም መስወዕትነት የተሳሰረ ግንኙነት ያለው ሲሆን ይህ ግንኙነት ደግሞ ለሁለቱ ሀገራት የጋራ ጥቀም በሚያመጣ የኢኮኖሚ አጋርነት መጠናከርና ማደግ ይኖርበታል፡፡ ኢትዮጵያ ለኢንቨስትመንትና ለባለሀብቶች ምቹ የሆኑ ፖሊሲዎችና የስራ ከባቢዎች ያሏት በመሆኑ ምክንያት በሀገሪቱ የውጪ ቀጥተኛ ኢንቨስትመንት እያደገ እንደመጣና በዚህ ዘርፍ ተጨማሪ የደቡብ ኮርያ ባለሀብቶች እንዲሰማሩ እንደምትፈልግ ሚኒስተር ደኤታዉ ጨምረው ገልፀዋል፡፡

የኢትዮጵያ የንግድና የዘርፍ ማህበራት ምክር ቤት ፕሬዚደንት ኢንጅነር መላኩ እዘዘው በበኩላቸው እንደገለፁት የኮሪያ ንግድና ኢንቨስትመንት በኢትዮጵያ እያደገ እንደመጣና ኩባንያዎቹም በሪል ስቴት፣ በጤና፣ በማህበራዊ ስራ፣ በግንባታ፣ በትምህርት፣ በእርሻ፣ በሆቴልና ሬስቶራንት ተሰማርተው ይገኛሉ፡፡ እንደ ምክር ቤቱ ሰትራቴጅክ ተግባር ፎረሙ በኮርያና በኢትዮጵያ የንግድ ማህበረሰብ መካካል ሽርክናንን በመፍጠር የአነስተኛና መካከለኛ ኢንተርፕራይዞችን አቅም ከፍ እነደሚያደርገውም ኢንጅነር መላኩ አክለው ገልፀዋል፡፡

Read More From Archive