Apr 22, 2025 .
የኢትዮ – ሳዑዲ የጋራ ንግድ ምክር ቤት ስብሰባ በሪያድ ተካሄደ::
የኢትዮ – ሳዑዲ የጋራ ንግድ ምክር ቤት ስብሰባ ተካሄደ ( ሪያድ፣ ሚያዚያ 14 ቀን 2017)

የኢትዮ – ሳዑዲ የጋራ ንግድ ምክር ቤት የመጀመሪያው ስብሰባ ተካሄደ። ስብሰባው በኢትዮጵያ ወገን የንግድ ም/ቤቱ ሊቀመንበር ዶ/ር ሃሰን አብዱላሂ እና በሳዑዲ ወገን የጋራ ም/ቤቱ ሊቀመንበር Mr. Abdullah Alajmi በጋራ የተመራ ሲሆን በውይይቱም በሁለቱ አገራት ያለውን ታሪካዊ ግንኙነት በማውሳት ይህንንም በኢኮኖሚው ዘርፍ ማጠናከር እንደሚገባ ተገልጿል።
መድረኩ በሁለቱ ሀገራት መካከል ያለውን ታሪካዊ ትስስር የሚያሳይ ብቻ ሳይሆን አዲስ የኢኮኖሚ ትብብር እና የስትራቴጂክ አጋርነት ምዕራፍ የሚያመጣ እንደሆነ በውይይቱ ተነስቷል።
በስብሰባው የሁለቱን አገራት የኢኮኖሚ ትብብር ለማጠናከር እንዲያስችል በንግድና ኢንቨስትመንት ዘርፍ በተለይም በማኑፋክቸሪንግ ኢንዱስትሪ ፣ በግብርና፣ በማዕድን ፣ በቱሪዝም እና በኮንስትራክሽን ዘርፎች አብሮ ለመስራት ተስማምቷል።( በሪያድ የኢትዮጵያ ኢምባሲ)



