በንግድ ዘላቂነት እና የአባላት የመረጃ ቋት ሥርዓት ስትራቴጂካዊ ርዕሰ ጉዳዮች ላይ ሲሰጥ የነበረዉ የአቅም ግንባታ ሥልጠና ተጠናቋል።

የኢትዮጵያ የንግድና ዘርፍ ማህበራት ምክር ቤት ከGIZ Step 4 ጋር በመተባበር ለአባል የንግድና ዘርፍ ማህበራት ም/ቤቶች ዋና ፀሐፊዎችና የአባላት ጉዳይ ዳይሬክተሮች በንግድ ምክር ቤት ሥርዓት ውስጥ የንግድ ዘላቂነት (Business Sustainability in the Chamber System) እና የአባላት የመረጃ ቋት ሥርዓት (Membership Database System)” በሚሉ ሁለት ዋና ዋና እና ስትራቴጂካዊ በሆኑ ርዕሰ ጉዳዮች ላይ ሲሰጥ የነበረዉ የአቅም ግንባታ ሥልጠና ተጠናቋል።

ባለንበት የዲጂታል ዘመን ጠንካራ ተቋም ለመገንባት መረጃ ወሳኝ መሳሪያችን እንደመሆኑ መጠን የየምክር ቤቶቻችን አባላት ማን እንደሆኑ፣ ምን ዓይነት አገልግሎት እንደሚያስፈልጋቸው እና አቅማቸው ምን እንደሚመስል በዘመናዊ የመረጃ ቋት (Membership Database System)የተደገፈ መረጃ ከሌለን ጥራት ያለው አገልግሎት መስጠትም ሆነ የአባላቶቻችንን ድምፅ በአግባቡ ማሰማት አንችልም።

በመሆኑም እያንዳንዱ አባል ምክር ቤት ዘመናዊ የዲጂታል አሰራርን በመተግበር የአባላቱን መረጃ በአግባቡ እንዲያደራጅና አገልግሎቱን ለማዘመን በአገር አቀፉ ንግድና ዘርፍ ማህበራት ምክር ቤት የበለፀገዉን የአባላት የመረጃ ቋት በአግባቡ መጠቀም አለባቸዉ ብለዋል የምክር ቤቱ ምክትል ዋና ፀሐፊ ወ/ሮ ሄለን ረታ በስልጠናዉ ማጠቃለያ ላይ ባስተላለፉት መልዕክት።
በመጨረሻም አባል ምክር ቤቶች ጠቅላላ ጉባኤያቸዉ በተላለፈላቸዉ ሰርኩላር መሠረት እንዲያካሂዱ አሳስበዋል።

