Mon - Fri: 8:30 - 05:30 PM
info@ethiopianchamber.com

Read more

Aug 31, 2026 .

ህገ ወጥ ንግድን ለመከላከል የግሉ ዘርፍ ሚና የማይተካ ነው፦ ዶ/ር ቀነኒሳ ለሚ

ህገ ወጥ ንግድን ለመከላከል የግሉ ዘርፍ ሚና የማይተካ ነው፦ ዶ/ር ቀነኒሳ ለሚ

የኢትዮጵያ የንግድና ዘርፍ ማኀበራት ምክር ቤት በህገ ወጥ ንግድ መከላከል (Anti-Illicit Trade) ዙሪያ ከግሉ ዘርፍ ተወካዮች ጋር የምክክር መድረክ (Consultative Meeting) አካሂዷል።

በውይይቱ የቁም እንስሳት፣ የቡና ላኪዎችን ጨምሮ የተለያዩ የዘርፍ ማኀበራትና የንግድ ተቋማት ተወካዮች ተገኝተዋል።

የምክር ቤቱ ዋና ጸሐፊ ዶ/ር ቀነኒሳ ለሚ በዚሁ ወቅት እንደገለጹት ህገ ወጥ ንግድ ለሀገሪቱ የኢኮኖሚ እድገት ከዋነኞቹ ማነቆዎች አንዱ በመሆኑ፣ ችግሩን ለመከላከል የግሉ ዘርፍና መንግሥት በቅንጅት መሥራት ይገባቸዋል።

ዶ/ር ቀነኒሳ አክለውም ህገ ወጥ ንግድን በተሳካ ሁኔታ ለመዋጋት የግሉ ዘርፍ ተሳትፎ የማይተካ መሆኑን ጠቁመው፣ ተቋማት፣ የዘርፍ ማኀበራትና ህጋዊ ነጋዴዎች በጋራ በመሥራት የችግሩን ምንጮች ለመለየትና ዘላቂ መፍትሔ ለማምጣት ሚናቸውን ማጠናከር እንዳለባቸው ገልጸዋል።

በምክክሩ ህገ ወጥ ንግድ በማህበረሰብ ጤና፣ በህጋዊ ንግድ ሥርዓት፣ ከምርቶች ጥራት ጋር በተያያዘ እና በሌሎች ዘርፎች ላይ ከፍተኛ አሉታዊ ተጽዕኖ እንደሚያሳድርም ተጠቁሟል።

የኢትዮጵያ የንግድና ዘርፍ ማኀበራት ምክር ቤት በጉዳዩ ዙሪ የመንግሥትና የግሉን ዘርፍ አካላት ያሳተፉ የጸረ-ህገ ወጥ ንግድ ጉባኤዎች (Anti-Illicit Trade Summits) ለአራት ተከታታይ ዓመታት አካሂዷል።

እነዚህ ጉባኤዎች በችግሩ ላይ ግንዛቤ በመፍጠርና የጋራ መፍትሔዎችን ለማፈላለግ ጠቃሚ ውጤት ማስገኘታቸውም ተገልጿል።

በቀጣይም 5ኛውን የጸረ-ህገ ወጥ ንግድ ጉባኤ ለማካሄድ ዝግጅት እየተደረገ መሆኑ ተገልጿል።

ምክር ቤቱ ከግሉ ዘርፍ ተወካዮች ጋር ብቻ ሳይሆን፣ ከሚመለከታቸው የመንግሥት ተቋማት ጋርም ተከታታይ ምክክሮችን በማካሄድ ህገ ወጥ ንግድን ለመከላከል የተቀናጀ አሠራር ለመፍጠር እየሠራ መሆኑ ተገልጿል።

በመድኃኒትና ፋርማሲዩቲካል፣ በማዕድን፣ በቡና፣ በአልባሳትና ጨርቃጨርቅ፣ በቁም እንስሳት፣ በትምባሆ እንዲሁም በሌሎች ዘርፎች የሚካሄዱ ህገ ወጥ የንግድ እንቅስቃሴዎች የሀገሪቱን ገቢ የሚያሳጡ፣ ህጋዊ ነጋዴዎችን ለኪሳራ የሚዳርጉና የገበያ ፍትሃዊነትን የሚያውኩ በመሆናቸው፣ ሁሉም የሚመለከታቸው አካላት በትብብር መሥራታቸው ወሳኝ መሆኑ በውይይቱ ተነስቷል።

Leave a comment

Your email address will not be published. Required fields are marked *

Ethiopian Chamber of Commerce and Sectoral Associations

Contact Info

Mon - Fri : 8:00 AM - 05:00 PM
Sat : 8:00 - 06:00 PM
+251 115 514 005
info@ethiopianchamber.com
+251-115-517699
517

Office Address

Mexico Square, Addis Ababa, Ethiopia